استفسار بخصوص التصميم الداخلي اتمنى افادتكم .؟!

[shathawe]

السلام عليكم و رحمة الله و بركاته ..


عزيزاتي طالبات كليه التصاميم و الفنون قسم التصميم الداخلي


انا طالبة في سنه تحضيري علمي في جامعة الشرفيه باقي لي دا السيمستر و اخلص باذن الله


و دحين محتاره بالرغبات اللي راح اختارها و انا احب التصميم بالفوتو و احيانا تطلع لي مواهب رسم باليد


فجلست احوس بالتخصصات عشان اطلع تخصص يناسب مهاراتي عشان ابدع فيه و لقيت التصميم الداخلي


أبغى اعرف :


- ايش الفرق بين التصميم الداخلي في كلية الاقتصاد المنزلي و التصميم الدخلي في كلية الفنون و ايش الافضل في الدراسه و في القبول للوظايف بعد التخرج ع المسمى ؟


- كم النسبه المطلوبه في كلا القسمين ؟


- ايش الصعوبات اللي راح اواجهها و شغله اكثر باليد و لا بالكبيوتر ؟


- متى الاختبار لذي السنه و كيف طريقة التسجيل فيه و فين راح يعقد و كم لازم اجيب في الاختبار؟

- الدراسه بالانجلش و لا عربي ؟



و ي ليت اللي يدرسو بذا القسم يعطوني رايهم بكل صراحه فيه عشان اعرف اقرر معتمده على اجابتكم و كلامكم


بكون شاكره لكم حبيباتي و ربي يعطيكم العافيه مقدما


بإنتظار الردود ..

[هموووسة 2010]

وانا كمان عندي نفس الاسئلة ...

بإنتظار المتخصصات لاجابة الاسئلة ...

[shathawe]

ان شاء الله يجاوبو ما احد يطنش :(

[اماني جده]

اهلين


- ايش الفرق بين التصميم الداخلي في كلية الاقتصاد المنزلي و التصميم الدخلي في كلية الفنون و ايش الافضل في الدراسه و في القبول للوظايف بعد التخرج ع المسمى ؟

والله ياعسل أنا الي فهمتو انو الي في السليمانيه مسار والي في كليتنا تخصص موو مسار
والأفضل كلية التصاميم والفنون لأنك حتتخرجي من كلية التصاميم والفنون موو الاقتصاد المنزلي الي في السليمانيه

- كم النسبه المطلوبه في كلا القسمين ؟
والله السنه الي فاتت كانت في لخبطه كتير بس قالو دي السنه حيكون المعدل 4 او4.5

والله اعلم اصلن هما كل ساعه بكلام

- ايش الصعوبات اللي راح اواجهها و شغله اكثر باليد و لا بالكبيوتر ؟
والله اكبر صعوبه أنا بعاني منها انو بحمل طاولتي الصغيرة معايا غير الكراسات
والأغراض وترا ماهم موفرين لينا لا طاولات ولا كراسي عدله ف على قول الاستازات
حتتخرجو وأنتو لابسين نضاره غير انو لازم تجيبو كل اسبوع وحده تعملكم مساج
والله قسمنا متعب ومكلف جداً والشغل في البدايه كلو باليد يقولو على السمستر ألجي ممكن
نتعلم كمبيوتر

- متى الاختبار لذي السنه و كيف طريقة التسجيل فيه و فين راح يعقد و كم لازم اجيب في الاختبار؟
اممممم والله مدري

- الدراسه بالانجلش و لا عربي ؟
أنا اول سنه ودراستي كلها عربي بس في مصطلحات ب الانجليزي لأكن كل الاستازات
بيشجعوناا على انو نتعلم انجليزي وخاصه تخصصوا يتطلب لغه انجليزيه وبشده



والله ياعسل التخصص مرا متعب واهم شي تكوني متحمستلو وعندك صبر
وتكوني تتحملي الضغط الي مؤ طبيعي وان شاء الله تجني شي مرا حلو في النهايه
وان شاء الله اكون فدتك معليش أنا دوبني ادخل المنتدى ليا فتره مرا طويله ودوبني أشوف الموضوع

وادعيلي ويارب يوفقك وييسرلك ترا كلووو ميسر من عند الله