انسحــــــــــــــــــــــــــــــــــــــــــــــ ـــــــــــــــــــــــــــــاب

[livelove]

هدا تاني موضوع ليا ويارب احد يتكرم ويرد انا تحضيري خطة أ وللاسف طلعت درجاتي مرا ماكنت اتوقعها في حياتي اني اجيب في السبعين ابداا . ابغى اعرف درجاتي تؤهلني للطب جراحة اولا وصيدلة تانيا ؟لان انا مابغى غير دي .
درجاتي :
فيزيا :70
رياضيات: 75
حاسب: 88
انقليش 2 : 90
انقليش 3 :؟
اتصال :؟

هل درجات تؤهلني للتخصص الي ابغاه ولا انسحب واروح ابن سينا ومن اتخصص احول طب لعبد العزيز اقدر اولا
تكفون ردوو

[MeMo Dango]

والله وانا زيك كمان درجاتي مرررة طايحة بس الفرق بينا اني انا بسحب اكيد وحروح ابن سينا , ياريت احد لو يفيدنا ويدي موضوعنا الاهتمام والرد الوافي :( ...

[MeMo Dango]

): مافي رد للحين ...

[بنت الضحى]

ما حبيت أطلع من الموضوع من غير رد
بس ما أظن إنو أحد مننا يقدر يحدد القبول لأنه حسب مستوى كل دفعة
وفيه عندك مواد في الفصل الثاني تدخل في النسبة الخاصة المطلوبة للكليات الصحية
زي الكيمياء والأحياء و الانجليزي4
بالتوفيق

[بنت الضحى]

وبالنسبة لطب وجراحة فيه كذا فرع مفتوح للأولاد( الرئيسي وشمال جدة ورابغ)

[INORI]

القبول على حسب علمي على خطوتين ,,
- اولاً الكلية لها حد أدنى في المعدل لازم تجيبي أعلى منه
أتذكر كان آخر حد للقبول 85

- ثانيا المفاضلة , اذا جبتي أكثر من الحد المطلوب تدخلي في المفاضلة و يقبلو أعلى النسب ,
يعني مثلاً اعلى 180 طالبة وعاد انت وحظك تكوني منهم أو لا ,, << هنا نقدر نقول حسب شطارة الدفعة ..
على سنتنا وقفت المفاضلة عند 89,9

بالنسبة إنك تحولي أولا ( استـــــــــــــــــــــخيــــــــــــــــــــري )
وترى التحضيري نموذج بسيط للدراسة في الطب ..<< ما أبغى أحبطك وفي نفس الوقت لازم تعرفي ..
استخيري استخيري وحتلاقي نفسك في التخصص الأنسب لك ..

-بالنسبة للتحويل فيه بنات عندنا في الكلية محولين من البترجي بس إيش تفاصيل النقل وإيش عملوا وكم معدلاتهم لما حولوا ما أعرف ..

هذا والله أعلم ,,
الله يوفقكم يا رب ,, ولا تحبطوا أبدا , إذا عندكم حلم ابذلوا كل جهدكم وحققوه و إلي يكتبه ربنا أكيد بيكون الخير حتى لو ما كان إلي بنتمناه ,,
بالتوفيق ,,

,

[الامل بالله كبير]

والله مدري وش اقوووولكم لكن وضعي يختلف عن وضعكم انا محمله مادتين ولكن راح اكمل واخذه السنه الجايه وماراح انسحب لو بنسحب برجع اعيد التحضيري بس اتوقع ابوي يرفض ولاني مو من جده اقدر اروح ايام القبول والتسجيل على كيفي واضمن فيه حجوزات طياره وقتها اخاف كلها تروح علي عشان كذا راح استمر والله يوفقني ويوفقكم بس بالنسبه لكم ايذا عندكم مقدره تدخلون البترجي ولا ابن سنا في اي وقت انا اقولكم الحين كملو السمستر هذا وشدوا حييييييلكم مرررره وشوفوا التسكيين لو مانقبلتوا طب ولا علوم طبيه من بداية السنه الجديده سوا اخلاء طرف وروحوا البترجي ولا ابن سينا احسن شيئ تجربون وش يصير معاكم السمستر هذااا وجربوا المواد وكذا والله يوفقني ويوفقكم

[Dr.Passed]

( اخي انا لظروف ماعندي وقت اكتب بس زي ماقلتلك حرجع ارد ع كل اسئلتك بعد الجمعه)
بس لحد يسحب نصيحه تتزكرو كلامي فيها
جيبو معدل عالي عشان ابن سينا تعادل موادكم وطلعكم سنه تانيه بدل ماضيعو سنه ع نفسكم
انتبهو لا تسحبو

ليا رجعه ارد ع اسئلتكم زي نا قلتلكم

[Beeshoob]

انتي شدي حيلك الترم الجاااي وهوا كلو راااح يتحدد على حسب مستوى الدفعه هما دوافير ولا لا

بس اهم شي لا تيأسي .. وان شاء الله ربنا يديكي الافضل ليكي