لما لا يتم السماح للمطاعم المشهور بالعمل في الجامعة ؟!.

[hamad24]

المشاركة الأصلية كتبت بواسطة $بنت جده$ السلام عليكم ورحمه الله بما اننا شفنا مستوى الكفتريا كيف ولا تجيكي المصريه تبيع وهي قرفاااااااااااااانه ولا السعر غاااااالي اغلب المكافاءة تروح في الكفتريا طيب ليه ما يفتحوا محلات زي مرحبا او بارنيزأو بون او محلات بيت الدونات او محلات معجناااااااات او سندوتشات منجا كينج ومحل بروست البيك فرع نسائي يعني محلات مشهورة ونقدر نثق في اكلهم يا عالم هذي جاااااااااااامعه مو حرررراج

خخخخخخخخخخخخخخخخخ

شكلك تحبين الاكل دباااا لكن ولا يهمك بنخليهم يفتحون البيك بس رجالي هههههههههه

[wallo]

المشاركة الأصلية كتبت بواسطة بنت جدة المنكوبة إحنا رايحين ندرس ولاناكل مضروبين على بطنكم لهاذي الدرجة

^^^

اسلووووبك ماكاااان يدل ابدا ع انك استااااذهـ !

يعني الاستااذهـ لازم تكوون ارقى من هييك ولااا ؟؟؟

[never hide]

-------------------------------------------------------------------------------- عندنا وعندكم خير..والمشكلة انها تعتبر صرح من صروح جدة..والعلم بشكل عام..اجل بوفية في اخر السيب..والسعر دبل..واللي يبيع ماعندة اي شي من الاشتراطات الصحية..وريحته قابة..ومايمدي الواحد يطلع من الجامعه عشان ياخذ لة كوب عصير والا تصبيرة..الا المحاضرة راح نصها..ترا مش بوفية..كشك زي حق المالكي اللي في الكورنيش أقول ..عسى الله يخلف بس..هههه

اثاري حتى انتم عندكم زينا .... المالكي ها هههههه بس الفرق انكم تقدرو تروحو بسياراتكم دنكن و لا اي مكان برا الجاعة مو زينا محبوسين ...

لا تفكروني بالمأساه حقت الكفتيريات رابيز و مستوى نظافتهم المنحدر

حتى فرع بيت الدونات اللي في الاستراحة الغلبان مرررررره ما يتقارن مع الفروع اللي براا هو يا دوبك غرفة وعليها لوحة و بس كم نوع اللي موجودة و لو جيتي الظهر ما تلاقي شي ...

مره اضطريت ادخل كفتيريا ال12 تخيلو بكم يبعو المسحب 8ريال من جد نصب و مستوى نظافة عدم عدم عدم ....

الببسي ب3 ريال ليه بيره و انا مدري ...

و لا كفتيريا الثامن اللي كأنها مطبخ قصر افراح و ريحتها اللي مدري كيف ..

و الله شي يخلي الواحد يبطل ياكل

ريجييم اجباري في الجامعة دي

[never hide]

تصدقو يا بنات اعتقد المعضلة هادي عندنا بس و الله العظيم و حده من حجامعة الملك سعود تقول لي عندهم حتى الدايت شوب عندهم ... يعني انواع الاكل الصحي مو زينا الله يرحم حالنا

و الله خلاص انا بطلت اشتري من كفيريات الجامعة التعبانة احسن شي افطر في البيت و بس

[بنت جدة المنكوبة]

المشاركة الأصلية كتبت بواسطة wallo ^^^ اسلووووبك ماكاااان يدل ابدا ع انك استااااذهـ ! يعني الاستااذهـ لازم تكوون ارقى من هييك ولااا ؟؟؟

الموضوع دا ماحد حيسمعكم فيهجربنا قبلكم ومافي أمل
كل وحدة تجيب فطورها من بيتها وتريح راسها......

[ღحلا الدنيـاღ]

لو يخلو دليفرانس يفتح فرع : ) ولا كوفي ريببلك : )

ثاااانكس

[نبـْض أخيـرْ]

و لا كفتيريا الثامن اللي كأنها مطبخ قصر افراح

هههههههههههههههههههههههههههههههههههههههههههههههههه ه وصف بمحله.. سجلت دخول عشان اقولك من جد جبتيها..الله يسعدك ضحكتيني

[شبخة الزين55]

المشاركة الأصلية كتبت بواسطة never hide تصدقو يا بنات اعتقد المعضلة هادي عندنا بس و الله العظيم و حده من حجامعة الملك سعود تقول لي عندهم حتى الدايت شوب عندهم ... يعني انواع الاكل الصحي مو زينا الله يرحم حالنا و الله خلاص انا بطلت اشتري من كفيريات الجامعة التعبانة احسن شي افطر في البيت و بس

اختي انا قريباتي في الملك سعود عندهم نظافه ورقي في التعامل حتى اللابتوب اذا جبتي خطاب من الادارة انك تشتغلي في بحث او غيره عادي تدخليه واذا نسيتي بطاقتك الجامعيه يدخلوك ببطاقتك الشخصيه او الهوية . بس جامعة الملك عبدالعزيز تعاملهم دااااااون.

[never hide]

نبض أخير .... ايوا هو دا الوصف و كمان ريحتها رز و لحم عشان يكمل الوصف خخخ

شيخة الزين و الله استغرب الوضع هذا من كفتيريات جامعتنا للاسف ....
شوفي يعني اهو ترانا لسه ما قارنا بجامعات برا بس ياريتهم يقلدو شي واحد عدل عشان نرتاح شوية ...

و الله اتذكر مره اشتريت من الكوفي مشينز طلع لي شيء ريحة ما تدل على انه صالح للاستهلاك الآدمي ...
ما قدرت اشرب رميتها ... استغفر الله ... من جد ترا شكلها ما تتنظف.

[يلدرم]

المشاركة الأصلية كتبت بواسطة بنت جدة المنكوبة مبنى 12 كان يبيع سندوتشات بيك........في الكافتريا إلي جنب 12 وماأظن أحد إشترى منو بس حتى لو في مطاعم حتدخل الجامعة ..........إلي حيمسكوها ماحيكونوا نظاف.....زي رايبيس ثم يابنت جدة وغيرك أنا مو طالبة علشان تمزحي معايا دا المزح...أنا أستاذة(عضو من أعضاء هيئة التدريس) وياريت يكون في احترام

مو كل عضو يقول انه عضو هيئة تدريس معناه انه كذلك

والدليل مشاركاتك في ملتقى الدراسات العليا وكل عضو هيئة تدريس يشارك في المنتدى فنحن نقوم بالتواصل معه ويراسلنا عن طريق ايميله الاكاديمي ويسرنا ذلك