المعطي الله مالخلقه عطايا.......لو هي على خلقه سقتنا المراير

[ماجد ابن مرزوق]

ياظالمه زينـك بشيـن السوايـا

من وين لك قلب على طول جاير

مبغا الدوا لاصار جرحك دوايـا

باكر على الظالم تدور الدوايـر

اخر علاجي الكي وانتي الكوايا

للحب عبره وانتي قربك عبايـر

لو هو على زينك بنلقى صبايـا

المشكله في الحب تعمى البصاير

الصبح واضح والخطايا خطايـا

والربح من بعض الاوادم خساير

يانفس قومي عن غـرام البقايـا

وياقلب قبل الحب شاور وخايـر

اولاد ناس ولا نحـب الوصايـا

كلن يرى نفسه يعـادل عشايـر

ماكـل قلـبٍ ينشـرى بالهدايـا

ولا كل كسر تفيد فيـه الجبايـر

المعطـي الله مالخلقـه عطايـا

لو هي على خلقه سقتنا المراير

عزاي ربٍ يعطي حسب النوايـا

يرحم عزيزين الزمن والضماير

ناس تـدس الهـم بيـن الحنايـا

وناس وربي مادرت وش صاير

هذاك حظه مثل بيـض الثنايـا

وهذاك حظه مثل سود الضفايـر






راقت لي فنقلتها لكم

[ماجد ابن مرزوق]

وين الردود

[هذيان]

صح لسانك ... !

أعجبتني القافيه ... مناسبة لموضوع القصيدة ... !

أستغرب .. !

يانفس قومي عن غـرام البقايـا

ما كان للغرام أن يقع على البقايا ... !

بل ما كان لشاعر أن يكتب قصيدة في البقايا ... !

أزهار قلبي ... !