خريجات وخريجين العلوم

[hbatarfi]

انا نفسي اعرف رأي خريجينا وخريجاتنا من كلية العلوم في المواد التي درسوها
ايش تخصصهم و فين يعملوا الان
كيف افادتهم المواد وماهي المهارات الفكرية التي اتقنوها
ايش هي المواد اللتي كانوا يتمنوا يكونوا اخذوها
هل تشعروا بالانتماء للقسم \الجامعة وان كان لا فما السبب

[دلال الحربي]

ان شاء الله يرد عليك الخريجات والخريجين ..

بالتوفيق ..

[banoota mnkoosha]

اعرف وحدة ... تخصص احياء بس ايش بالزبط ما ادري !! بتشتغل في مصنع ادوية اظن مصنع جمجوم ,,

وكمان وحدة كيمياء حيوية بتشتغل في مختبر ...


دا اللي اعرفو :)

[طالبة سابفة]

انا خريجة رياضيات 2006
دراستي الجامعية مالها علاقة بالواقع اوحتى استفيد منها لو لقيت

وووووظيفة

اشتقت للجاااااااامعة ولأيااااام الدراسة

[joman]

خريجة رياضيات بامتياز من ثلاث سنوات ولا توجد وظائف ، حاليا انا في المراحل الأخيرة من الماجستير

سبق واتشرفت ودرست مع حضرتك مادة تحليل عددي وهي مادة رائعه حاليا في الماجستير استفدت من طريقة تدريسك الكثير أهمها كيفية المذاكرة من الكتاب الأصلي المرجع للمادة و الربط الرائع عن طريق المشاريع لأن أغلب المواد كانت تعتمد على الملازم واللي تقتصر على النظريات والتعريفات والامثلة بطريقة مبسطة وكانت امتع ماده بالإضافه لمواد المعادلات التفاضلية يمكن السبب المشاريع وهذا الشيء اللي جعلني اتجه لمجال ديناميكا الفضاء
اتوقع ان قسم الرياضيات والفيزياء والإحصاء ينقصهم المواد التطبيقية كنت اتمنى ادرس الرياضيات التطبيقية اللي بأدرسهافي الماجستير الان في البكالوريوس


اتمنى لو يكون في كل قسم لجنة من اعضاء التدريس تهتم بالخريجين وتكون على تواصل مع الجهات والأماكن التي من الممكن أن تعمل بها خريجات القسم وتتواصل مع الخريجات في لجنة في شؤون الطلاب تقوم بمثل هذا الدور لكن اتوقع تكون افضل لو كانت لكل قسم على حده

[never hide]

المشاركة الأصلية كتبت بواسطة hbatarfi انا نفسي اعرف رأي خريجينا وخريجاتنا من كلية العلوم في المواد التي درسوها ايش تخصصهم و فين يعملوا الان كيف افادتهم المواد وماهي المهارات الفكرية التي اتقنوها ايش هي المواد اللتي كانوا يتمنوا يكونوا اخذوها هل تشعروا بالانتماء للقسم \الجامعة وان كان لا فما السبب

راح اقول رأيي بكل صراحة وشفافية ...
أنا أول ما دخلت كلية العلوم حسيت أن المواد العامة مش و لا بد و صراحة الخسف اللي حصل في معدلي كان بسبب المواد العامة خصوصا الكيمياء و الرياضيات و الاحصاء ... و أنا دارسة على الخطة القديمة .... عشان كدا ما راح أعمم الحكم لكن اعتقد ان الخطة الجديده في تطور ...
و اقترح على الجامعة انها تختصر الرياضيات على كورس واحد ... أما الاحصاء فهو الشر الذي لابد منه لأني اعتقد بأهميته لكن لماذا لا يدرس ssps كماده عامة ضمن مواد كلية العلوم ...

التخصص : أحياء .
العمل : على باب الكريم .
كيف استفدت من الجامعة :

على المستوى الشخصي ... اكتسبت خبره في التعامل مع عدد كبير من الأشخاص خصوصا في الواجبات و المشاريع المشتركة .

اكتسبت مهاره الالقاء و اعداد العروض .

عرفت قيمة الوقت و اكتسبت مهاره الالتزام بالمواعيد و الانضباط خصوصا في المحاضرات و خلال فتره التدريب كمان اتفتحت مداركي على حاجات كنت اغفل عنها .

طبعاأحسن بالانتماء لجامعتي و لقسمي بعد ما قضيت فيها أكثر من أربع سنوات هذا شي أكيد و أتمنى أكمل فيها لو حصل نصيب ان شاء الله الوظيفة أو الدراسة .... و أنا أشوف جامعة الملك عبد العزيز من أفضل الجامعات في السعودية لأنها قابلة للتطور و الله العظيم ما أقول هذا الكلام مجاملة و لا لأنها جامعتي لكن من باب الانصاف في القول أن نذكر المزايا و العيوب ...
و أنا راح أذكر بعض منها مثلا :

عتبي على كلية العلوم عموما ...
كنت أتمنى أدرس مواد أكثر عمقا و تخصصا ....
زي التقنية الحيوية
النانو <<<<المفروض يتدرس ف كل التخصصات .
سمعت بماده تدرس لتصميم التجارب فأين نصيب كلية العلوم منها ؟


قسمي خصوصا ...
الخطة الدراسية لقسمنا بالذات تحتاج لتعديل شويتين لأنو لو جينا نحصر المواد اللي تعتبر في صلب التخصص راح نلاقيها يمكن 7 أو أقل لأنو في حاجات ندرسها مكرره و بعضها ما تفيدنا كثير أو بالأحرى مالها تطبيقات ....

مناهج المعامل و معداتها تحتاج إلى تطوير بشكل مستمر.... بعض المعامل للأسف مالها أي أهمية لكن بعضا منها جيد كمعلومة لكن كتطبيق لا....

العتب الثاني على قسمنا ...
التطبيق .... الرحلات ... احنا اسمنا أحيااء و اقترح على الجامعة انها تنظم رحلات او زيارات اجبارية للكل للجهات ذات العلاقة .... بمجال التخصص ... عشان بعد كدا نصير مؤهلين للعمل ...

فتره التدريب اللي كانت بالمستشفى غير كافيه و ينقصها التنسيق... و اللي لاحظته من خلال تجربتي ان البنات يحتاجو لدوره مبسطة حتى لو اسبوع واحد بس لاعدادهم للتدريب و اعطائهم فكره عن الأشياء اللي راح يتعاملو معاها في المستشفى ...

يعني الواحد يحتاج يتعرف على العينات و الأجهزه على الأقل نظريا قبل التدريب عشان لا يتفاجئو و يطلع شكلهم مو حلو أمام الجهة اللي تدربهم ... زي ما حصل مع بعض البنات في التدريب فتكون البنت محتاره بين التقرير و كتابته و التدريب و اتقانه .... هذا اللي لاحظتو وحبيت اقوله هنا .
الشي الثاني بخصوص التدريب هو ...
أتمنى توسيع نطاق التدريب بحيث يشمل: المصانع و المشاتل و العيادات البيطرية و مراكز الأبحاث...


المعذره على تداخل العامية مع الفصحى و أتمنى تكون أفكاري وصلت بشكل واضح ...

و الله يوفق الجميع