مساعده بخصوص الادوات ^^

[فرفوووشه]

السلاام عليـــــــــكم ورحمة الله

كيفكم ان شاء الله الكل يكون بخير

حبيت اسألكم عن افضل محل يبيع ادوات الاسنان وفين مكانه بالزبــــــــــط لانهم طالبين ادوات وانا اول سنه فااا مني عارفه من فين اشتريها

ماادري اذا كان دا الموضوع مكرر ولا لا

والله يوفقكم يااااااااارب

[Dr~NanoOok]

الأدوات حقت الأسنان احنا دايما بنعمل طلبية لكل الدفعة..
وبكده يكون أفضل وأوفر في السعر كمان ..
وبدل المشاوير و الروحة والجية

بالنسبة للأماكن
فأنا اعرف مكانين دايما ينطلب منهم << لكني ما قد رحت المحل وعرفت مكانه "^^
لكن حوصفلكم العنوان

- الرازي للأدوات الطبية..

مكانه في شارع خالد بن الوليد.. فين بالضبط ما اعرف "^^ ومكانه حوسة شوية
لكنه يكون على جهة اليمين من الشارع.. وتقريبا 100 متر من بعد الاشارة اللي عند حديقة الدلافين

~

- محل قريب من الجامعة في شارغ الثغر ..

قريب من مدارس الثغر و مستشفى المستقبل.. تمشوا في نفس الشارع بعدين لما تلاقوا تموينات الثغر
تلفوا من عنده وتلاقوا المحل

برضو العنوان بالضبط ما اعرفه بالضبط "^^

~

وإن شاء الله أحد من الشباب أو البنات راحوه ويعرفوا يوصفوا بشكل أدق
يصير يفيدونا

[فرفوووشه]

المشكله انا مو بالجامعه بكليه برا عشان كدا بسأل

تسلمي ياقلبوو في موازين حسناتك ياارب
وان شاء الله بكرا راح اروحلهم واشوف

[فرفوووشه]

رجعتلكم تااااني

معليش طفشتكم بس كنت ابغى اسماء دي الادوات اللي بالصوره ربي يوفقكم

وكم تتوقعو سعرهاا ؟؟

[مستشفى البيك للشياكه]

[بيني وبيينك هاتي اذنك اقولك

( ترا اذا في طالبه في السنه الثالثه خذي أدواتها أو اشتري لك حق الترم هاذا = 150 ريال بس) وباحول اجيب لك اسامييها لانو بصراحه الصور ما اتوقع أقدر أجيبها( ناوي ما يجيب الادوات ههههههههههههههه))