سآعـ’ة حــ’ــوآر’..الحَلْـقُـ’ـة’ اْلآوْلْـى..~

[ماكنتوشه]

وعليكمم السسلاامم ورحمةة الله وبركاتةة ..

حي الله اجل برنامج السنيد وصل لجامعتنا :) ..

اعجبني فكره الموضوع وحرصش ع مثل هذي الامور اللي صرنا نشوفها بيننا ,,

بالنسبه للنقاب او اللثمه ..
برائي لاتندرج تحت مسمى الستر والدين اذا كانت مثل ماشوف البنات حولنا وبالاخص بالجامعه بكوننا بمنتدى جامعي ..
لابد نفكر بعقل احنا ليه ناخذ الشيء اللي يعجبنا بالدين ونترك اللي مو عاجبنا .؟
يعني بالدين نقص ؟ عشان نرقع فيه من اديان وثقافات ثانيه ؟ طبعا لآ ..

وقبل مانفكر بالدين .. المراءه كطبيعتها تتميز بالحياء فأين حياءها اذن ؟

فنقول اذا انتي اظهرت جزء من محاسن وجهك خالفتي فطرة المراءه وكذلك خالفتي الدين ..
اذاً مالعقل الذي تتميز به تلك الفتاة ؟

لازم كل وحده تفكر تفكير عميق جدا قبل ان تاخذ شيئا حديثا عليها .. وتسأل نفسها ..
هل هو من ديني ؟ .. هل هو من قيمي ؟ .. هل هي من عاداتي ؟ .. مالمضار له ومالفوائد ؟ ..

اتعجب من الكثير والله ممن اراهم :/
اخر مره بالاختبارات صديقتي كانت تلبس مثلي نقاب ( مايظهر الا جزء العينين فقط )
وبلحظه وبدون سابق انذار اشوف عبايتها مفتوحه ويبي لها عباة من غير اللثمه بس تغطي فمها :/

والله انقهرت من بعدها رجعت البيت وحطيت كل حرتي عند امي وابوي وعطيتهم محاضره بالتربيه واحتشام البنت واحترامها بدل ماعطيها صديقتي

ليت عن جد ننقل صوره حلوة عن الاسلام وصدقوني الكشخه وظهور الزينه مو من الموضه ..
طيب دام احنا نتبرج وناخذها بالموضه .. ليه الغرب مااخذوا النقاب موضه ؟

هم ياخذون اللي يصلح مع مبادئهم واحنا لازم ناخذ اللي يصلح مع قيمنا ومبادئنا ..
وترا مو يعني اذا البنت تنقبت انها كلش بدويه وماتعرف للكشخه ولا الموضه بالعكس هذي كلها نظريات مالها من الصحه شيء

والله يستر ع بناتنا ويهديهم وينير عقولهم :)

وتسلمين خيتو ع اثراء الموضوع لك كل الشكر
واعتذر ع طوالتي بالكلام

[Aowedh Alsolmi]

شكرا لك على الموضوع المتميز ...

الله يديم عليكم الستر والحجاب ويعصمكن عن الفتنه جميعكن ..

ننتظر الحلقات الأخرى , عاد نجهل براقعكم ونقاباتكم .

تحيتيـ .

[رنيم سليمان]

وعليكِ السلام ورحمة الله وبركاته




كلمة نقاب عامة


لكن إن فصَلناها حسب مانرى فسنجد أنواع كثيره

فهناك من النقاب مايحوي على طبقه شفافه تغطي حتى العين


وهُناك من النقاب مايُظهر جزء العينين فقط - ونُحوَج إليه حينما يكون النظر ضعيفًا -

فلانتمكن من ارتداء النقاب ذو الطبقتين


وهذا ينقسم إلى قسمين من تترك النقاب كما هو ظاهر للعينين

ومن تقوم بإنزال طرف - الخمار أو الطرحه - على عينيها فلاتُرَى لَكنِها تَرى

أي كما يُقال - ملكي - وأرى هذه الطريقة محتشمه وفي نفس الوقت مرتبة .



أما اللثام فلا يُقارب النقاب أبدًا

لأن النقاب من تحت العين - واسع - لايلتصق بباقي ملامح المرأة

وبالمقابل اللثام يجسم ملامح الفتاة بصورة مُلفته

ويوم عن يوم أرى / إما أن ينزل اللثام لأسفل أو أن يتسع المكشوف من أعلى !





ومن يستفسر عن الزينه التي تقتصر على العين

فغالبيتنا يعلم أن العين مَصدر جمال وجَذب

كما قد تكون الفتاة أجمل بإظهار عينها فقط عن إظهار وجهها كاملًا



ومايثير غيظي من تتجمل بهذه الطريقة لتظهر بمظهر المحتشمة

وترى نفسها بهذه الصورة لكن النوايا والبواطن تختلف والظاهر يُثبت ذلك



هذه الأمور وأشباهها من ضمن مايُثير نفسيتي بـ - عدم راحتي -

للطرف الآخر .



المهم والأهم في الوقتِ ذاته أن نثبت على مانحن عليه دون تأثير ضار

وإن تغيرنَا فالنتغير للأفضل فقط ، بإذن الله





قلبي إماراتي


بوركتْ عطاياكِ عزيزتي ~


أتمنى منك عدم إرفاق هذه الصور ولاعليكِ الفكرة تصل

مادامنا نرى كُل ماذكرتِ في محيطنا الخارجي وإلا لما تم استيعابه والرد عليه - بعد إذنك - = )



متلهفة للقادم

[بيو كيميائية ^_^]

الشيء اللي يحريني إذا شفت وحـدة متلثمـة بس مغطيه فمـها يعني وش قصدها

هل ريحة فمها كريها وتراعي مشاعر الآخرين

أو أسنانه وصخة وتراعي مشاعر الآخرين أيضًا

مالقيت لها تفسير

والناس الثانين اللي تتلثمـ وتخلي فتحة الأنف طالعه

والناس اللي تغطي وجهها وتتطلع صدرها أو شعرها من وراء أو سيقانها

يعني قبيحة وتبي تلفت نظرهم بشيء ثاني وإلا ايش

بس أنا اللي أشوفه القبيحين همـ اللي يعملون كذا

البنت اللي واثقة من نفسها ماتبرز حالها

[فاقدة أبوها]

وعليكم السلام ورحمة الله وبركاته


لأن النقاب عندنا ( عادة ) وليس ( عبادة ) الا من رحم ربي,,

يمكن راح أطلع شوي عن-صلب- الموضوع لكن ياريتنا نشوف بنات مصر والشام كيف مقبلين على النقاب- الشرعي- بقوة رغم انه يعتبر لدى علمائهم فضل وليس فرض
ورغم أن العديد من علمائهم يهاجمونه مثل بعض علماء الأزهر ورغم كل مايتعرضن له من مضايقات بسببه,

وهذا الكلام ليس من عندي بل هي دراسة أثبتت ازدياد اقبال أهل مصر والشام على النقاب وانحساره في دول الخليج!!

وتعجبني جملة يقلنها رداً على من يهاجمن,

اذا كان فرضاً فقد ارتديناه,
وان كان فضلاً فلسن في غنى عن فضله,


واحنا للأسف ندور لنا اي شيخ يفتي بجواز كشف الوجه واذا منعنا أهالينا -وليس ديننا- تلاقينا نتفنن في لبسه بحيث يظهر أكبر جزء ممكن من الوجه مع مكياج صارخ!

والأغرب من هذا كله انك تلاقي البنت ماشية ومعها زوجها أو أخوها (عاادي)
وربي اني لما اشوف كذا أحتقره أكثر منها,

البنت اللي واثقة من نفسها ماتبرز حالها

100%


مشكورة عزيزتي على الموضوع.

[tariq_101]

المشاركة الأصلية كتبت بواسطة بيو كيميائية ^_^ الشيء اللي يحريني إذا شفت وحـدة متلثمـة بس مغطيه فمـها يعني وش قصدها هل ريحة فمها كريها وتراعي مشاعر الآخرين أو أسنانه وصخة وتراعي مشاعر الآخرين أيضًا مالقيت لها تفسير لا .. هذا تفكريك يابيو ... هذا سلمك الله حياء ... يعني تستحي . والدين وصنا فيه. ومو كل وحده غطت وجها يعني ريحة فمها كريه .. ولا من كلامك الله ماله داعي .. والناس الثانين اللي تتلثمـ وتخلي فتحة الأنف طالعه والناس اللي تغطي وجهها وتتطلع صدرها أو شعرها من وراء أو سيقانها يعني قبيحة وتبي تلفت نظرهم بشيء ثاني وإلا ايش بس أنا اللي أشوفه القبيحين همـ اللي يعملون كذا البنت اللي واثقة من نفسها ماتبرز حالها يعني حاسده الشباب على النظر .

لا حولا ولا قوة إلا بالله

[رنيم سليمان]

فاقدة أبوها


وإن كان حديثك خارج عن صلب الموضوع إلا أننا بحاجه إلى أمثاله

وما ذكرتِه أختصره بقول واحد وهو - تجديد النية -


حتى تُصبح العادات عِبادات بدل من أن نحيل هذا المفهوم إلى عكسهِ بأفعالنا




ونقطة من يبحث عن جواز كشف الوجه


فذلك زمانٌ مضى !

الاختلافات أحيلت إلى اتفاق بأدلة قرآنية تم الاستدلال بمواضع فيها

حتى تم الاتفاق في الغالبيه


وحينما تربطين قصة زوجات النبي عندما أمر بالغطاء

تجدين الوضوح حتى بدون تفكير وعندما نفكر بأن ماعلى المرأة تغطية زينتها

ومايلفت الرجل فهل ياترى سيلفته وجهها من عينها .. إلخ

أم سينظر إلى أصبع يديها كما ذكر أحد الشيوخ في قصته ممازحًا ؟!


أذكر أنني قرأت موضوع منطقي أكثر من كونِه ديني

يوضح الوجوب لِمن يَعي ويبحث إذا كان - مهتمًا -


لكن أن نمشي على أهوائنا ونبحث عن مفتي حتى يثبت لنا جواز رغباتِنا

ونمشي بين الناس متمسكين بهذا الدليل !



والزوج الذي يمضي مع زوجته وهي بهذه الصورة


فأقول لك بأن هُناك اختلافات وربما تجدين جوابًا ممن سأل أو يَفعل لا قدر الله

وحينما أفكر أو أقرأ أحيانًا أقول


بعض الأحيان يكون السبب : فرض الزوجه لرغبتها في هذا الشكل من الحجاب على زوجها

أو ترك الزوج حرية الاختيار لَها

وأحيانًا أخرى هو استمتاع الرجل بإظهار جَمال زوجتِه تماشيًا مع التحضر

أو تظاهُرًا أمام أصدقائه ورُبما هذه الفئة قليلة - أتمنى -

حتى أوقن بأنه يغلب على أبناء الأمة الفكر العقلاني بعيدًا عن الدونيات


وبشكل عام هذه الفئة قليلة والحمد لله .




أما ماقالته الأخت بيو

فهو حقًا ملاحظ إن فصلنا أكثر وقد رأيت أكثر من مره

من تقوم باللثام وتنزله إلى فمها بحيث يُغطي فمها فقط

وأسئلتها مجرد من باب الاستنكار الذي يحتاج إلى تفسير


ومن تستحي فالحياء لايمكن بغطاء الفَم !



أتمنى أن نَجد الحياء الحقيقي فيمن بارك الله بهم

وحينما نراهم نستحي من حيائهم !



بارك الله بنسائنا وأصلح أحوالَنا وأحوالهم ~

[موفقة يارب]

المشاركة الأصلية كتبت بواسطة بيو كيميائية ^_^ الشيء اللي يحريني إذا شفت وحـدة متلثمـة بس مغطيه فمـها يعني وش قصدها هل ريحة فمها كريها وتراعي مشاعر الآخرين أو أسنانه وصخة وتراعي مشاعر الآخرين أيضًا مالقيت لها تفسير والناس الثانين اللي تتلثمـ وتخلي فتحة الأنف طالعه والناس اللي تغطي وجهها وتتطلع صدرها أو شعرها من وراء أو سيقانها يعني قبيحة وتبي تلفت نظرهم بشيء ثاني وإلا ايش بس أنا اللي أشوفه القبيحين همـ اللي يعملون كذا البنت اللي واثقة من نفسها ماتبرز حالها

+ 1000

ههههههههه الله يسعدك ع التعليق ضحكني بجد

بس فعلا صااادقة يعني اللي تغطي فمها وبس ،، وباقي وجهها طالع اش تحس بالله ؟؟

الشكل يضحك ويستفز مع بعض << لا تسألوني كيف

وبالنسبة للي يعملو مكيآآج العين ،، مرة شفت وحدة كدا مسوية مكياااج كاامل لعيونها

وحاااطة أشياااء تلممممممممممع على عينها وطالعة بصراااحة مهررررج

،، الله يستر علينا وعلى بنآآآت المسلمين جميعا =)

،، الله يعطيكِ العآآآفية قلبي إماراتي ع الموضوع المميز ^^

[بيو كيميائية ^_^]

المشاركة الأصلية كتبت بواسطة tariq_101 لا .. هذا تفكريك يابيو ... هذا سلمك الله حياء ... يعني تستحي . والدين وصنا فيه. ومو كل وحده غطت وجها يعني ريحة فمها كريه .. ولا من كلامك الله ماله داعي .. يعني حاسده الشباب على النظر . لا حولا ولا قوة إلا بالله

قبل لاتـعلق إفهمـ الرد وإقراهـ كويس

أنا ماقلت اللي تغطي وجهها

أنا قلت اللي تغطي بس فمـهـا

يعني وشوله مغطيها فمها ايش الهدف

أكيد مراعاة مشاعر الآخرين لا حياء ولا شيء

تفتح وجهها أبركـ من هالحركة البايخة

وإلا المتطورين شوي يرفعوهـ ويخلوا فتحـة الأنف طالعه تنين تقول

أشاكلهمـ تحف وتجيب الإشمئزاز

وعلى ايش أحسدهـمـ ياحسرة شايفة إختراع وإلا إكتشاف

الحين فهمـت أنا وش أقصد وإلا أشرح ثاني

[جمانة الفيصل]

موضوع جميل يابعدي ...

المشاركة الأصلية كتبت بواسطة •♥fŗŌồtą ،،،،، الحمدالله انا افتخر اني اتنقب وما عليا من احد لا نظرات البنات الي يشوفنه تخلف ولا اي شي على بالهم كشف الوجه موضه وتحرر ولا لبس البرقع واللثمه مع رسمة عين وش كبرها خير خطابه بزواج >> ياكثرهم تكشف وجها من غير زينه افضل من انها تسوي كذا الله يهديهم ،،،،،

وي طلعت متخلفه ...!

هههههههههههههه

ع الاقل التخلف كاسبه فيه رضى ربي واهلي <<مع نفسهم

المشاركة الأصلية كتبت بواسطة الوردة الموفية بصرآآحة هذا ما اسمهـ نقآآب خاصة الأول .. مدري ايش يحسون فيه .. الشعر طالع ومكيآآج كآآمل .. ماله داعي يحطوهـ يكشف اكثر من الي يسترهـ في بنآآت يسوو هذا كله من ورآآ اهلهم .. زي مررهـ كنت انا وبنت عمي دااخلين الحمامات ( وانتوا بكرامه ) الي في المول . واشوف بنتين شكلهم عادي نزلوا الغطآآ ووحدة منهم خرجت شنطه وتفتحها انا انفجعت من الي جوتها اقولك عدهـ مكيآآج كآآمله .. والله بلمت فيهم .. وقااموا يحطون .. والله كآآنهم رايحين زواج .. مافي شي ما حطوهـ .. .. الله يستر بس من الي جآآي .. والله كل ماالنا من سيئ لأسوآآ

صادقه وربي ...!