بنات احد فيكم درسته هذه الدكتورة في الاحصاء

[حلم ماضي]

مساء الخير
الي سبق ودرس مادة الاحصاء في السنه التحضيريه
مارأيكم بهذه الدكتورة سلوى عبدالعاطي السيد موسى
واسلوبها ؟؟
لاني تعليم عن بعد وحابه اعرف عن اسلوبها وتعاملها معنا
وشكرا

[الفتاة الطموحة]

سلام ياعسل انا اخدت معاها الترم اللي فات مادة تخصص ( احصاء تطبيقي ) وطبعا بحكم اني انتظام هيا ماشاء الله ملتزمة بالمواعيد والمحاضرات وطبعا مقسمة الدرجات على واجبات وتقارير ومعمل ودوري اول وتاني ونهائي

اسئلتها تجيبها من الاسئلة اللي في الكتاب اللي نهاية الشابتر او من الامثلة ماتخرج عنها والاحلى انها نفس الارقام

وكانت اسئلة النهائي نصها نفس اسئلة الدوري الثاني ههههه

وكمان في النهائي خلت عليه 35 بدل 40 وخلتنا نسوي تقرير بالخمسة الباقية

بس بصراحة عيبها في وضع الاسئلة انه اسئلتها جدا قليلة فتلاقي درجة السؤال كبيرة تفجعك

وانا اخدت في المادة 90 a

وفي كتير بنات اخدوا a+ فيها

والله يوفقك ان شاء الله اكون افدتك

[احاسيس شاعره]

بس بصراحة عيبها في وضع الاسئلة انه اسئلتها جدا قليلة فتلاقي درجة السؤال كبيرة تفجعك

ليت كدا بس عيبها
انا بصراحه ماقدرت افهم شخصية دي الدكتورة
مره تجيك تضحك وتنكت ومافي احلى منها
ومره تجي الاخلاق مقفلة وتهزئ وتطرد كمان
الله يعين

وانا اخدت في المادة 90 a وفي كتير بنات اخدوا a+ فيها

مو من شرحها
لان المواد اللي تمسكها حلوه وخفيفة

وبالتوفيق للجميع

[احصائية 2009]

هذه المادة منها موجودة في الخطة عندي ليش ؟؟؟

[حلم ماضي]

تسلمي ياختي طمنتيني الله يبشرك بالخير يارب
طيب تعرفي دكتورة اميرة النمر لمهارات الاتصال ؟؟؟
لان لقيت اسمها بالماده اليوم الظاهر كل يوم ينزلون اسم لين يكتمل العدد

[الفتاة الطموحة]

كمان اميرة النمر جدا روووووعة وسمعتها زي الفل تفائلي

احاسيس شاعرة - هيا صح ممكن متقلبة بس اللي يمشي معاها تمام ماتفرق معاه وهيا تعليم عن بعد مو انتظام ماعليها الاباختباراتها وكمان على قولك المواد اللي ماسكتها سهلة بس بصراحة انا عجبتني حتى شرحها كويس وحلو انا تعطيكي طرق الحل للمسائل بداية كل درس بالتفصيل وفي نقاط وطبعا كل واحد وجهة نظره

[حلم ماضي]

غيروا الدكتورة اميره النمر وعليه يصبح التالي

ومهارات التفكير = عزة جوهري
سهيله البازي = انجلش
الاحصاء = سلوى الموسى
مهارات الاتصال = لينا بو شلهوب