تسرب بحيرة المسك

[a7la_lolo]

اولا السلام عليكم ورحمة الله وبركاته


ثانيا انا ماكتبت الموضوع دا االا عشان ارد على الموضوع حق بخيرة المسك بس للاسف الموضوع مغلق

ثالثا: انا مسكان حي الاجوااااااااااااااااد

رابعا : فتحت قوقل ايرث وشفت انو بيتنا مايبعد مره كثير عن بحيرة المسك يعني لو صار فيها شي لاقدر الله اول حاجه حتتدمر وتغرق بيتنا

خامسا: مين اللي قلكم الدفاع المدني دقوا ع البيوت واخلوها؟؟

احنا قعدنا في بيتنا الى الساعه 3 العصر ومحد ادانا اي خير ولا احد قللنا

صاحب بابا يشتغل في البلديه ودق عليه في الليل وقللوا
وبابا الله يهديه ماهتم للموضوع ولا اتكلم ماحب انو يخوف احد

في الظهر جا جارنا الله يجزاه خير وقللنا احنا خارجين اخرجوا من البيت وووو

والله اخدنا اوراقنا المهمه وخرجنا ورحنا بيت خالتي

بس الى الان مسيطرين ع الوضع هناك

انا ماقهرني الا اللي يقولوا الدفاع المدني دقوا واللله محد عبرنا ولا احدي دق علينا وللمعلوميه بيتنا مره قريب منها

بعدين مين قال الدفاع الدفاع المدني قالوا لاتعلموا؟؟

زوج بنت جارتنا معاهم هناك عند البحيره وكل شويه جارتنا تتصل توافينا باهم الاحداث جزاها الله خير مسويتلنا اهم الانباء كل ساعه

المهم يقولوا والله اعلم انهم مسيطرين ع الوضع وفي وايتات شفط مادري لو انفجرت البحيره يشفطوا يش ولا ايش

ويقولوا كمان انو في باصات عند مطعم البرجاس ( مطعم البرجاس للي مايعرفوا قريب من هناك يعني اول دخله بالنسبه لجميع الاحياء التوفيق_الربيع_الاطلال_الاجواد_السامر)

المهم يقولوا فيه باصات بياخدوا الاسر اللي ماعندهم احد وبيودوهم على شققق مفروشه

مادري هما ودوهم ولا حيودوهم الله واعلم

ولو اني ماتوقع بس يلا مو مشكله

يااااااااارب استر علينا وارحمنا واغفرلنا يارب وخفف علينا

في النهايه لاتصدقوا اي كلام من هنا وهنا الا لمن تتأكدوا من المصادر القريبه جدا

والله يوفق الدفاع المدني وكل اللي بيحاولوا يسوو شي في خدمة الناس ومساعدتهم

وآآآآآسفه ع الاطاله

شي ما في نفسي وحبيت اقوله