الكل يكتب تجربته مع مدرس خصوصي

[امل عطشان]

الف شكر لك اخوي فهد على جهودك العظيمه في هذا المنتدى
لك مني كل الشكر والتقدير

[فهد العنزان]

المشاركة الأصلية كتبت بواسطة امل عطشان الف شكر لك اخوي فهد على جهودك العظيمه في هذا المنتدى لك مني كل الشكر والتقدير

حياك ياغالي

	ابو فيصل

[ناعس الجفن]

المشاركة الأصلية كتبت بواسطة aborakan07 هذا سوال وليست تجربة وش رايكم بالحسيني مصري مدرس استثمار

أنا اشهد له انه مدرس صح ،، لكن اسلوبه بالتعامل شويه تعبان وجاف ،، ماقد شفته يضحك

[دكتور دولي]

المشاركة الأصلية كتبت بواسطة ناعس الجفن أنا اشهد له انه مدرس صح ،، لكن اسلوبه بالتعامل شويه تعبان وجاف ،، ماقد شفته يضحك

نفس الكلام اللي كنت أبغى أكتبه ..عن الحسيني أبو عبداللطيف

في الشرح .. أشهد الله أنه ممتاز جدااااااااااااااا
أما عن تعامله صحيح جاف .. بس من مصلحة الطالب

الله يوفقه أينما كان ..
درست عنده 5 مواد (( محاسبة 101-102 ومالية شركات ومالية دولية واستثمار ))
الحمد لله الدرجات كانت مميزة ..

[امل عطشان]

نبغى تفاعل اكثر

[صلاح العبدالله]

فيه مدرس خصوصي مره روعه ومجاني
مذكرات هاني عرب

[ابن طيبة]

الزبدة فية انة كل ما جاء يشرحلي جالس يناضر السقف طبعا المدرس ويقول من عمل القبس دة يعني من صلح جبسكم حق البيت واقول مدري المهم وسبحان الله هو يشرح وتطيح عيني على اصابعة وتحديدا عند جوانب الظفر او الاظافر كلها الا والله حواف مليانة سمت مدري سمنت ابيض












ههههههههههههههههههههههههههههههههههههههههههههه اضحك الله سنك يا اصيل الرياض

ولى رجعه سوف اكتب عن مصاصى الدماء اقصد المرسين الخصوصيين

[hhsa2002]

المشاركة الأصلية كتبت بواسطة ناعس الجفن أنا اشهد له انه مدرس صح ،، لكن اسلوبه بالتعامل شويه تعبان وجاف ،، ماقد شفته يضحك

وأنا أشهد بكل صراحة أنه الحسيني ممتاز

وبالعكس أنا أعتبر الجدية في التعامل أفضل

لأني جربت عاطف الحصري قبل كذا فهوه ممتاز لكن الحصه تضيع في المزح و الخروج عن الدرس!!!

[Hard 2 Reach]

انا درست عند استاذ وائل (ابو سلوى) هومن حائل ومتقاعد من 13 سنه ومتفرغ لطلاب جامعة الملك عبدالعزيز انتساب يجي الرياض 3 اسابيع وجده اسبوعين قبل الامتحانات

محاسبه ورياضيات واقتصاد

وصراحة كويس وفاهم جداً وعارف حتى طريقة الاسئله غالباً

[ابو محمد 2009]

آآآآآآه ثم آآآآآآآآآآآآآآآآآآه ثم آآآآآآآآآآآآآآآآآآآآآآآآآآآآآآآآآآآآه
من مصاصين الدماء (خصوصي دراكولا)

أنا لا أحب المحاسبة لافي الدنيا والله لا يحاسبنا في الآخره ( يارب)
رحت الترم الماضي و أنا شبه فاهم لكن لك عليه (أوي) بالمصري

وأنا خارج من أول اختبار لفت نظري اعلان على ماكينة البيبسي جنب مبنى 75 عليها اعلان عن مدرس محاسبة اسمه عبد الله با.... نسيت اسمه الأخير ورقم جوال و من زين الحلايا ختم
اي والله ... ختم باسمه وكل شئ مظبوط.

أخذت الرقم ودقيت عليه مارد إلا العصر ( بداية طيبة) ومن الشقاء اللي كتب عليه مافهمت من أول اشارة ان الرجال ما يرد على جواله دايم. لكن قلت مشغول, نايم, يتغدا .... الخ.

الحاصل رد وقلت له الزبدة و طلب 500 ريال و قال الإختبار بعد يومين ولا لا؟
قلت ايه
قال دق عليه العصر قيل الإختبار أعطيك العنوان و نبدأ المسا. وفرش لي الأرض ورد. وأنا أقول له: يعني أعتمد, ماأدور غيرك, تكفا علمني من ذلحين.
قال انت دق عليه زي ماقلتلك ولا يهمك.
والله ياأنا ارتحت و بديت أذاكر مادة بكرة وأنا مرتاح و أمني النفس بفهم المحاسبة والنجاح ان شاء الله.

طلعت من اختبار المادة اللي قبل المحاسبة ووينك يالجوال... وأدق على الرجال.... مارد
قلت هلحين الظهر الرجال راقد .. اصبر شوي... وبعد ساعة دقيت ...مارد
صليت العصر.. دقيت ...مارد
أحرقت تلفونه... مارد
يالله دخيلك... الإختبار الصباح بدري.
أرسلت له رساله ذكرته من أنا (يعني انه ناسي) ودقيت ... مارد
شويه جواله مشغول ... قفلت بسرعة أحسب انه يدق عليه مادق
شويه انتظار... بعدها رن.. ورن...ورن ...مارد

فتحت الكتاب والمذكرة وجلست حتى الساعة 4 صباحا أذاكر ودخلت الإختبار و تأخرت النتيجة..

و نجحت ياالله لك الحمد ووفرت الخمسمية

لكن و عده معي وتأكيده و تطنيشه يدل على عدم احترامه لكلمته
واللي مايحترم وعده..لاسيما في ظرف مثل ظرفي اللي هو عارفه.. فهذا انسان يجب التحذير منه.

انتبهوا منه ترا ملصقاته مالية الجامعة. أكرر : اسمه عبد الله با.... (اسم حضرمي) مع احترامي للحضارم الكرام.