منتدى كلية العلوم الطبية التطبيقية !

[JuStice]

’.

السلام عليكم ورحمة الله وبركاته ,

راح أدخل على طول صلب الموضوع بدون مقدمات ..

بصراحة القسم دا ناقصه كتير .. من بداية الترم التاني بالدراسة وأنا أدخل هنا

أبغا أقرأ مواضيع عن التخصص دا ..

بس مافي شي يروي عطشي 100% .. كل اللي ألاقيه قطرة من هنا .. وقطرة من هناك ..!

70% من مواضيع القسم استفسارات من الأعضاء

20% مواضيع للتمريض والعلاج الطبيعي والتخصصات اللي تهم البنات أكتر ,

و 10% مواضيع مميزة للشباب وللبنات ولكنها بعدد أصابع اليد وبرضه اللي حاطينها بنات ..

تجي تسأل .. تقولك والله ما أدري كيف النظام عند الأولاد !

ما ألومها , لكن نبغا مواضيع مثبتة عن التخصصات المهمة زي التحاليل والمختبرات والأشعة وتكون مواضيع تفصيلية مو روابط لمواقع ولا من جامعات تانية ..

قد يكون الحل هو وضع مشرف - ذكر - للقسم ..

حتى يغطي الجانب الناقص .

وفتح موضوع خاص بالأسئلة الشائعة والمكررة وتثبيته حتى يكون مرجع للكل .

أي أحد عنده اقتراح أو تعليق أو بيعارض اللي قلته فوق يضيف رد

حتى في الأخير نوصل لحلول ونسوي شي نستفيد منه كلنا

.’

[Under The Sea]

أأويد الكلام 100%

[خزامى ،،]

كلام حلو وسليم ..

وبالنسبه للمشرفين أفضل يكونو اتنين ..من قسم الأولاد والبنات ..

thanks

[BOOOM 911]

سلااام عليكم..

رمضاان كريم ع الجميع...

مشكور أخوي على طرحك للموضوع..

وبالنسبة للمشرفين مثل ماقالت الأخت خزامى مشرفين من كلا الجنسين ..
والأفظل يكونوا من الدفعه السابقه..

Booom

[LPRocks]

تعجبني والله

لانو عن جد القسم صار ميت و راكد بقوة

قبل مانتسكن كنت ادخله واستغرب يعني عن جد مافي مواضيع حلوة و تكون متكاملة عن التخصصات (مختبرات - تغذية - علاج طبيعي - أشعة - تمريض )

و أعتقد إحدى الأسباب انو مافي اعضاء كثير في الكلية مشاركين في المنتدى

و الشي الثاني المشاركين كلهم بنات وين الأولاد حتى هذي السنة من الي تسكنوا في التحضيري من الأولاد مايجي كلهم في المنتدى فوق الخمسه

و اكيد نحتاج حلول مشاركات و نساعد بعضنا زي ماكنا في التحضيري الي ينزل معلومة و الي ينزل ملخص و زي كذا حتى اوقات الإختبارات ننزل موضوع لهذا الشي نبغى تعاون جدي

و اشكرك koool انك أثرت هذا الموضوع لانه عن جد مهم ^_^

[● ά7Ļά şùģάя ●]

شآكرهـ لك حسن إختيآر طرحك " KoooL "
وإن شآء الله دفعتنآ تكون يد وحدهـ في رقي قسمنآ
موفقين يآرب

:)

[senorita]

أشكر صاحب الموضوع على الطرح

وانا مؤيده لكلامك القسم هذا في حال ركوود في المنتدى


لكن باذن الله ما نقصر

[JuStice]

’.

أشكركم على تأييدكم وتعليقاتكم المشجعة ,

وبإذن الله القسم راح ينهض معانا بنشاطنا ومشاركاتنا فيه فصبرٌ جميل والله المستعان .

.’

[mzat kau]

اوويدك 100 بالميه عن جد نحتاج لرجل مشرف :)

[صحوة إحساس]

واخيييييييييييييييييييييرا احد تكلم ..
عن جد ما ينفع يستمر الوضع على ماهو عليه ..
8
مشكوووووووور ع الموضوع