يا حبايب تعالوا :d

[Ӎṝ.7ṂṍṍḊḽ :)]

الحمدلله رب العالميـن ، وبعد ماخلصنا الجداول والقروشة دي كلها .. جيت بس أستفسركم عن بعض المواد ياليت تعطوني طرق الـ a+ اليها ..

1 .. المحاسبة 117
2 .. الأقتصاد الجزئي
3 .. لغة انجليزية متقدمة 201
4 . ثقافة اسلامية
5 . لغة عربية
6 . أحصاء أعمال
------------------------
ابغاكم تقولوا لي يا حبايب كيف طريقة مذاكرة كل مادة ، وكم تحتاج من وقت عشان أقدر الحق على نفسي من الآن ، وأيش فيه أحسن ملخصات وكدا تلخصها مثلا ..
فياليت من تجاربكم الحلوة تعطونا كيف مريتوا وانتوا بتدرسوا دي المواد وشكرا

[DeeeL]

المحاسبه لازم تمرن يدك على حل التمارين لا تراكم الدروس عليك
جداً ممتعه الماده
الاقتصاد الجزئي بالنسبه لي كنت اكتب مع الدكتوره كل شيء وذاكر من الاسئله والسلايدات الي ينزلونها الدكاتره على مواقعهم فقط
انجليزي 1 تااااافه جدا جدا جدا افهم القاعدات الي في اخر الكتاب وحل البراكتس فايل
ثقافه اقرأ المنهج بتركيز وخلي معاك قلم وورقه لو احتجت تخطط على المعلومه المهمه عشان تثبتها بمخك وتأكدها + لو في اسماء او تواريخ اكتبها بورقه خارجيه واحفظها
عربي 1 ولا 2 ؟
اذا 1 فلازم تركز مع الدكتور مضبوط وهو بيشرح لان المنهج كلو قواعد نحويه واعراب احفظ الدروس اول بأول وطبق على امثله ( جمل ) عشان تثبت القاعده
اما اذا عربي 2
فجداً لا تخاف المنهج تافه ما يحتاج حتى تحضر المحاضرات خخخخ
المذاكره من الكتاب فقط


اتمنى اكون ساعدتك ولو بشيء بسيط
اي سؤال احنا حاضرين
بالتوفيق وفالك الـ a+ ان شاء الله

[ALEMBRA6OR]

ركز واسمع كلام المدرس وصلى الله وبارك على سيدنا محمد .

[نوره الغامدي]

مساء الخير أخوي :)

امممم الاحصاء هوآ اكثر مادة يبغالها تركيز و مذاكرة اول بأول و فهم من البداية , يعني لازم تنتبه تمام التمام فـ المحاضرة و تكتب ملاحظات عشان تفيدك , كمان تمارين الكتاب مررره مررره مفيدة لا تفوتك , حاول تحل منها على قد ما تقدر , و لا تنسى انو فيه جزء كبير عملي ( حاسوبي ) .. يعني تكتب كل خطوة و تفهمها و تطبقها بالمحاضرة و بالبيت لانو العملي مو واضح شرحه فـ الكتاب فـ لازم تكون فاتح مخك 24 ساعة


بالنسبة للاقتصاد الجزئي مادة حلوووة و خفيفة زي السكر , كلامها واضح و يدخل العقل دايركت من غير صعوبة , تحتاج فهم و حفظ كمان =)

الانقلش هذا ابد ابد لا تخاف منو , بالذات انو المستوى الأول , من جد كلمة سهل قليلة عليه , و بنفس الوقت مادة ممتعة :$

المحاسبة مادة حبييييبة , انا بصراحة كنت اعشقها و مازلت , هيا كلها عبارة عن فهم , و تمارين , تحتاج تمرن يدك مزبوووط , و صدقني اذا ذاكرتها اول بأول و حليت مسائل كثير راح تجيب فيها a+ بإذن الله


الثقافة و العربي ما يبغالها , اقرأ بتركيز و فالك الفل مارك


::


بشكل عام هذي المواد كلها سهلة و رهيبة و تقدر تجيب فيها a+ لو بس اهتميت شوية ^^
سبحان الله جدولك هوآ نفسه جدولي اول سيمستر و الحمدلله عديته على خير ..


موفق ^ــــ^

[Ӎṝ.7ṂṍṍḊḽ :)]

يعطيكم العافية يا كباتن ويا كباتنات .. مشكورين

[kloood]

شآد حيلكـ مشآء الله ..
المهم كل وآحد له طريقه بالمذاآكره ولاتستعجل على عمركـ لاآحق على الكرف
جدولكـ تمآم بس لو تحذف لغه عربيه آو ثقافه وتخليها للتررم الجاي يكون آفضلك
الاقتصاد ركز على الاسئله اللي بموقع الدكتوور
المحاسبه 117 يبغالها تركيز لاانه كل وحده مترابطه مع الثانيه ..
الاحصااء إلى الان مني عارف كيف جبت فيها 85 (مني فاهم فيها اي شيء )

بالتوفيق ..