ماحصل في مراجعه بحوث عمليات للاستاذه نسرين ملا

حنين الذكريات11 · #1 24-12-2011, 07:47 PM

بسم الله الرحمن الرحيم

طبعا اول شي لازم اوضح لكم انه الاسئله غير موحده حتى لنفس الاستاذه يعني كل شعبه لها اسئله تختلف عن الشعبه التانيه
الله يجزاها خير الاستاذه نسرين ماقصرت بالمراجعه حددت لنا التمارين المهمه لك فصل والاسئله اللي ممكن تجي بالاختبار نبدأ

الفصل الاول :
مقدمه النماذج الرياضيه

تمرين 1 ص 42
تمرين 3 ص 43
_____________________________
الفصل التاني :

البرمجه الخطيه بيانيا

تمرين 13 ص91
تمرين 14 ص 92

الرسمه حتجي جاهزه هي شرحت على الرسمه اللي ص 66
ومن المعطيات بالرسمه : داله الهدف , القيود , قيود عدم السلبيه
المطلوب من الرسمه :
1 - تحديد قيد على الرسمه
يعني نعوض عن س = بصفر حينتج لنا نقطه ( صفر , ص )
ونعوض عن ص = صفر حينتج لنا نقطه ( ص , صفر )
وبعدين ندور على النقطتين بالرسمه والخط المار فيهم حيكون القيد المطلوب

2 - نقطه تقاطع القيد الاول مع المحور السيني حنعوض عن ص بصفر
نقطه تقاطع القيد الاول مع المحورالصادي حنعوض عن س بصفر
شرحتهم على نفس المثال السابق من ص 60 الى ص66

3 - منطقه الحلول الممكنه على الرسم هي المنطقه التي تحقق جميع القيود ( هي المظلله على رسم الكتاب )

4 - نقطه الحل الامثل حيكون في خط منقط في رسمه الاختبار نتبع الخط واخر نقطه قبل مانخرج من منطقه الحلول الممكنه هي نقطه الحل الامثل ( اقصى نقطه في منطقه الحلول الممكنه )

5 - قيمه الحل الامثل او اقصى ربح او قيمه داله الهدف كلها نفس الشي بس مصطلحات مختلفه
علشان نجيب قيمه الحل الامثل نعوض بداله الهدف بنقطه الحل الامثل مثال ص 72

__________________

الفصل الثالث : محذووف طبعا

_________________

الفصل الرابع :

الحل بالحاسب وتحليل الحساسيه

تمرين 2 ص169
تمرين 6 ص174

في دا الفصل حيكون في جدولين تقرير الحل وتقرير الحساسيه
وتقرير الحل فيه 3 جداول الاول نجيب منه اقصى ربح والتاني جدول المتغيرات او السينات نجيب منه الحل الامثل او الكميه المنتجه اللي هي السينات والثالث جدول القيود نجيب منه حاله القيد محكم او غير محكم والكميه الفائضه والراكده
الثلاث جدول تلاقوها مثال ص 159 او بالورقه اللي بموقع الاستاذه

الان نجي لجدول تقرير الحساسيه
حيكون فيها جدولين الاول نطاق الامثليه نجيب منه التكلفه المخفضه يعني لو جاكم السؤال فيه لكي يصبح من المجدي انتاج او لكي يصبح من المربح انتاج اعرفوا انه يبغى التكلفه المخفضه
والجدول التاني نجيب منه سعر الظل يعني لو جاكم سؤال فيه الربح او النقصان وزياده وحده واحده للقيد اعرفو ان المطلوب سعر الظل مثال ص 162 او الورقه اللي بموقع الاستاذه

والاهم المصطلحات تلاقونها بالموقع اللي معنا من رقم 8 الى 15 بس وحتجي وصلي المصطلح بالعربي مع الانجليزي

_________________________

الفصل الرابع :

مشكله النقل

تمرين 1 ص 236
تمرين 2 ص236
الحالات الخاصه لمشاكل النقل تجي صح وخطأ واختياري ص204

حيكون عنا بدا الفصل 3 جداول

اذا طلبت بالسؤال :

الكميه المطلوبه للزبون الفلاني او الكميه المعروضه بالمستودع رقم كذا او تكلفه النقل من المستودع الى الزبون كلها الاجوبه الثلاثه ندورها بجدول المعطيات مثال ص 183

اما اذا طلبت بالسؤال :

اقل تكلفه نلاقيها تقرير الحل الجدول الصغير مثال ص 203 اول الصفحه

واذا طلبت بالسؤال :

الكميات المنقوله من ... الى ... نلاقيها بتقرير الحل الجدول الكبير مثال ص 203 شكل 5-16

____________________

الفصل السادس :

مشكله التخصيص

تمرين 1 ص 266
تمرين 3 فقره 1, 2 ص266
تمرين 10 ص 272 ركزت عليه وحلته

الحالات الخاصه تجي صح وخطأ واختياري ص260

في دا الفصل عنا جدولين جدول معطيات وجدول تقرير الحل لما يطلب اقل تكلفه نجيبها من الجدولين زي مثال 10 يعني اول شي نروح لجدول الحل ونشوف مين قدامه رقم 1 ووين مكانه
ونروح جدول المعطيات ونشوف تكلفه المكان اللي رايح له ونجمع علشان نجيب اقل تكلفه مثال 10 نطبق عليه الكلام دا يعني نروح لتقرير الحل ص 273 ونشوف مين قدامه واحد نلاقي احمد يذهب الى جده وسلمان الى ينبع ونايف الى الجبيل نرح الان لجدول المعطيات ص 272 وعند اسم احمد الى جده نلاقي 120 وعند اسم سلمان الى ينبع نلاقي 55 وعند اسم نايف الى الجبيل 105 ونجمعهم الثلاثه علشان نجيب اقل تكلفه >>> يارب اكون وصلت لكم المعلومه

_____________________

الفصل السابع :

اداره المشاريع

تمرين 1ص 204
تمرين 2 ص205
تمرين 3 ص 305 المسار الحرج أ د ح ي
تمرين 4 فقره ب ص 306 المسار الحرج أ ج هـ و ط
تمرين 5 ص306
حلت معنا تمرين 5 ورسمت لنا الرسمه وقالت على الاقل يكون معكم اقلام لونين يوم الاختبار علشان لاتتلخبطو بالوقت المبكر والوقت المتأخر والوقت الفائض
واللي تبغى تمارين تتدرب عليها للمسار الحرج ترسل لها على الايميل هي حترسل لكم امثله اسهل من امثله الكتاب
وحلت معنا تمرين 4 فقره ب اول شي جبنا تكلفه الانحدار لكل نشاط من انشطه المسار الحرج وبعدين حسبنا التكلفه في حال الاسراع 6 اشهر

- اول مطلوب بدا الفصل رسم شبكه عمل يعني هي حتعطينا جدول فيه النشاط والنشاط السابق والمده واحنا نرسم شبكه العمل

- ثاني مطلوب تحديد المسار الحرج حتعطينا هنا الرسمه جاهزه واحنا نجيب الوقت المبكر لبدايه ونهايه كل نشاط ( اللي تكون على شكل مربعات فوق السهم )
ونجيب الوقت المتأخر لبدايه ونهايه كل نشاط ( اللي يكون شكل مربعات اسفل السهم )
والوقت الفائض اللي يكون شكل مثلثات بجانب كل نشاط
وعلشان نتأكد من المسار الحرج اذا صح او خطأ نجمع مده النشاط للانشطه الحرجه ولازم تكون تساوي مده المشرع الكليه

- ثالث مطلوب تكاليف الاسراع
حتكتب لنا بالسؤال علما ان النشاط الحرج هو ...
وحتعطينا جدول التكلفه والانشطه اللي يتكون من ثلاث اعمده النشاط والتكاليف العاديه وتكاليف الاسراع احنا نجيب تكلفه الانحدار علشان نقدر نجيب تكلفه الاسراع

_________________________

الفصل الثامن:

تحليل القرارات

تمرين 1 ص 326
تمرين 2 ص 326
تمرين 3 ص 327
تمرين 4 ص 328

نذاكرها من الورقه اسهل
______________________

والنماذج الرياضيه مهمه ومطلوبه في كل الفصووول

ويارب اكون شرحت لكم صح وقدرت اوصل لكم المعلومه وما ابغى منكم غير الدعوات الحلوه والله يسهل لي ولكم الاختبارات

واعذورني اذا كان في اخطاء املائيه مع السرعه واي سؤال انا حاضره

لمى القمر · 24-12-2011, 08:24 PM

لله يسسسهل عليك يارررب ويوفقك ف الاختبار

ro7i Leek · 24-12-2011, 08:31 PM

يعني سؤال مارح نستخدم جداول التوزيع الطبيعي الي بآخر الكتاب؟؟

مووووني · 24-12-2011, 08:32 PM

ماعليكي أمر يا عسل بس تكتبي عناوين الفصول المحذوفه
لانو ترتيب الكتاب غير ترتيب الشرائح

somi.somi · 24-12-2011, 10:25 PM

ربي يجزاكي كل خير ي اختي
ويسعدكك ان شاء الله ويوفقك والله يديكي كل عافيه

بائعة الـورد · 25-12-2011, 01:20 AM

الله يسعدك حنين ووويووفقك يارب

اذا تقدري تنزلي لنا حل تمرين 10 الفصل السادس الي حلته معاكم الاستاذه
وتمرين 5 الفصل السابع الي حلته الاستاذه

وكمان ابغى اسألك قلتي الفصل الثامن التمارين
من الورقه اسهل ؟؟؟ اش تقصدي

والله يجزااااك خير يارب