استفسار بخصوص اختبار المفاضلة ماجستير محاسبة

[angelfofo]

الاختبار كان40 فقرة
بس ماتعرفو متى تطلع النتايج؟؟؟ ياخدو وقت طويل ولا ممكنتطلع خلال دي الايام؟؟؟

[Smart Accountant]

بعد شهررر.!

سألت في الكلية وقالولي لا تراجعي قبل شهر.!

:s

[angelfofo]

بعد شهر؟؟؟؟ يوووووووووه ليش كدة مرة متاخر
طيب نراجع الكلية ولا تنزل الاسماء في الموقع؟
يااارب خير
كل تأخيره فيها خيره
الله يكتب الخير للجميع

[Ghelatee]

السلام عليكم

بنات أحد سمع خبر عن نتايج الماجستير

سمعت انها نزلت فالكلية بس الله أعلم

الله يسهل :(

[Smart Accountant]

أنا كنت في الجامعة يوم الأحد

النتائج جاهزة بس محد يرضى يقلك نتيجتك

سألت د.سلوى عنها

قالتلي ايش اسمك.؟

لما قلتلها ابتسمت وقالتلي مدري استنيها ع النت

لوول

لعب بالأعصاااب

[angelfofo]

احنا بنستنى النتايج على نااااار وهما ابرد ماعندهم
يارب بعد الصبر والانتظار تطلع ا نتيجة حلوة وترضينا كلنا
(ويستمر الانتظااااار)

[sharihan]

والله بستنى النتيجة على نار الواحد يبغى يرتب اموره

[sharihan]

إن شاء الله نسمع اخبار حلوة قريب

[Smart Accountant]

عرفت النتيجة من أستاذة بقسم المحاسبة..

ومع ذلك أبغى أطمن أكتر وأشوف النتايج بعيوني..

الله يبشرنا بالخييير..

ويختارلنا الخير فين ما يكون وكيف ما يكون،،

ويرضيييييييييينا

: )

[Ghelatee]

الحمدلله على كل حال

اليوم كنت بالجامعة وشفت ورقة المقبولات بنفسي قالتلي اسمك مافي ومااقول شي الحمدلله :) مو زعلانة

بس سألتها كمان على ايش فاضلتو قالتلي لغينا الاختبار والبنات المقدمين من اقسام أخرى تمت المفاضلة على حسب المعدلات التراكمية فقط..!!!!

فدي أنا أقول حسبي الله ونعم الوكيل فيهم لانو أعطوا بنات أمل حلينا فالاختبار وصار عندنا أمل

وفالأخير ماياخدو بالدرجة معدلي فوق الاربعة بس مو امتياز واذا ماخاب ظني كل المقبولات تقاديرهم امتياز

قبلو فقط 15 طالبة و 5 طالبات انتظار

للترتيب التاسع فالمقبولات كان التقدير امتياز والستة الباقيات الله أعلم بس بالمنطق ياوقفو عند الامتياز يا جيدجدًا مرتفع جدًا

طبعًا ماقالتلي الكلام دا الدكتورة غير بعد مااتهجولنا فالكلية.. وبعد ماقالت أنا رسلت الاسماء للقسم المسؤول بتبليغكم ولمن رحنا القسم قالتلنا ماجانا شي أيت قسم أكلم الوكيلة.. ولمن رجعنا تاني حاولت أسألها عن طريقة المفاضلة الين ماقالتلي ايش اساميكم كانت معايا صحبتي ماشاء الله عليها أنقبلت الله يسهلها يارب ويوفق كل يلي انقبلو :)


الخيرة فيما أختار الله :)