كنا صغار بس افعالنا كبار..صرنا كبار وللأسف افعالنا صغار

[Igouana]

مرح ــــبا,,, كيف الحال؟؟؟؟

اممممم اليوم حبيت انزلكم موضوع كتبتو يمكن قبل 3 شهور وارسلتو لصاحباتي ع ــالايميل ...
فيمكن بعضكم وصلو الموضوع عن طريق الايميل ...

ادخل في الموضوع... من غير إطالة


█ ▌▐ █ ▌▐ █ ▌▐ █ ▌▐

يبدأ يوم وعلى نهايتو ننام ,,, نصحى ,,, نشوف العالم ,,, كل شي متغير ,,, كل شي صار مختلف


نقدر نقول انو الكدبه صارت بيضا وحمرا وصفرا .... مع انو قبل ما ننام كانت الكدبة كدبة مهما كان مقدارها

نصحى نلاقي ناس بيبتسمو لنا ... مع انو قبل ما ننام كانو اكتر ناس يكرهونا

نصحى ونلاقي نفسنا انطردنا من شغلنا .. مع انو قبل ماننام كان المدير بيقول استحاااااااالة يستغني عننا

ننام ونحنا مطمنين لانو لنا حبايب ... نصحا ونلاقي حبايبنا هما الي بينهشو فينا

█ ▌▐ █ ▌▐ █ ▌▐ █ ▌▐ █ ▌▐

كنا صغار وصرنا كبار.. كل شي اتغير .. وكل شي صار مختلف


كنا صغار واذا مانبغى شي نقول لأ ... صرنا كبار وصرنا نجامل على حساب نفسنا

كنا صغار ولمن نكره انسان نقول انتا يع ... صرنا كبار وصرنا نقول لا والله مقبول

كنا صغار بس افعالنا كبار..صرنا كبار وللأسف افعالنا صغار

كنا صغار و عن اغلاط غيرنا نعتذر .. صرنا كبار ونقول أبدًا انا ما غلطت

█ ▌▐ █ ▌▐ █ ▌▐ █ ▌▐

سؤال...ليه نصحى ؟؟؟ وليه ننام؟؟
سؤال.. ليه ما نعامل الناس زي ما نحب انو نتعامل؟؟
سؤال.. ليه كنا صغار وصرنا كبار؟؟
سؤال.. ليه لمن نكذب على أحد نضحك ونقول كذبه بيضا ولو احد كذب علينا نقلب الدنيا فوق تحت؟؟
سؤال... ليه نبالغ فمدح الناس اذا كانو بالفعل مايستحقو المديح دا؟؟
سؤال...لمتى نخدع نفسنا ونخدع الي حوالينا؟؟
سؤااااااااااااااااااااال... متى نقدر ننام بارتياح؟؟

لا تقولو عني متشائمة هدا واقعنا... طبعًا إلا من رحم ربي

█ ▌▐ █ ▌▐ █ ▌▐ █ ▌▐

الصداقة صارت كلام في كلام
الاحترام كلام في كلام
الصدق كلام في كلام
الحب صار كلام في كلام
البـــِـر كلام في كلام
الاخوة صارت كلام في كلام
كل شي كلام في كلام

وزي ماقلت إلا من رحم ربي

█ ▌▐ █ ▌▐

انتظر تفاعلكم ,,,

واترككم في ح ـــفظ الرح ــــمن