ابغى مشورتكمــ الله يسعدكمــ

[άŇ3m 3яbjeά]

ياصبآح ومساء الفل والورد

ينآآس ابغى مشورتكمــ
انا دفعتي 07 وسحبت سيمستر بعدو واتخصصت بعد معآنآهـ في قسمـ انجلش وياليت مادخلتو
انا بجد احب الانجلش وكآآآآآن ليا رغبه كبيرهـ اني اتعلموو المهمــ ياما لقينا تحطيمـ من نفس الاستاذات ومن الناس اللي حوالينا بإنو صعب وصعب بس كنت مصممه اني لازمـ اكمل
انا خلاص اتعقدت يابنات احس صعب بجد ماعادني قادرهـ اكمل المفروض اكون خلاص على وجه تخرج
اخذت دورات في احسن معهد ونفعتني في حياتي وتعاملي بشكل كبير لكن في تخصصنا مو نآفع
وقلت هالشي قدرات وكل واحد وقدراتهـ

المهمـ انا معدلي دحين 2,77 واخاف اكمل هالسيمستر وينزل معدلي اكثر من كذاا وابغى احول انا خلآآآآآآص بجد مليـــــــــت

شو رايكووومــ ايش الحل

وربي اكتب وانا ملخبطهـ ومو عارفهـ ايش اسوي

ابغى تخصص يكون لهـ مستقبل حلوو في اي كليهـ

بإيش تنصحووني ؟

[مـلآكــ]

و الله أنصحك تكملي و الله قسمك حلو ما في أحلى منو بالأقسام الإدارية إلا إذا بتدخلي قسم الفرنسي بس ييبغالك تدرسي بإجتهاد زايد لأنك ما تعرفي في اللغة شئ بس على فكرة إذا بتحولي الآن قبل ما تعدي دراستك نصف منهج اللغة الإنجليزية ..

[زمردة]

واااااه الله يكون في عونك من جد حاسه بمعاناتك لإني مريت فيها خطوة خطوة
بس الفرق انا كان طومحي الحاسب وفعلا بذلت كل جهدي وجبت الحمد لله نسبة حلوة في الثانوية وفي الجامعة كمان
وتخصصت حاسب والله مر الترم الاول على سلام الحمد لله لكن الترم الثاني ما قدرت اكمل ابداً حسيت بضغط فضيع
واني ما اقدر اكمل في هذا القسم .., وعلى قولتك كان للأستاذات والبنات حولي تاثير كبير وتحطيم كمان..
المهم
اعتذرت مو ترم سنة كاملة وانا مو عارفة ايش اعمل احول أو ما أحول ؟؟؟ أكمل أو ما أكمل؟؟
المهم
الحمد لله استقر وضعي وقررت أحول كلية إدارة واقتصاد وفعلاً حولت ودحين ماشيه في المستوى الثاني
مع إني جداً متأخرة والبنات اللي في سني على وجه تخرج- ما شاء الله - لاني مثلك من دفعة 07 بس الحمد لله على كل حال...!!!

وبالنسبة لك في رأئي ما دام مشيتي والحمد لله وما بقى لك كثير كملي بدل ما تضيع عليكِ مواد كثير وتبدئي من جد وجديد
وأنتي اتشيري واستخيري وثقي إنه ربنا راح يختار لك اللي في خير

[άŇ3m 3яbjeά]

يابناات انا مامشيت حتى في المواد الاولى بس احمل فيهاا
عديت بس في المواد الثانيه زي الفرنسي واداره عامهـ ودرجاتي مرهـ حلوهـ فيهاا

وقسمـ الفرنسي صح حلو لكن مالو اي مستقبل بالذات عندنا

تسلمــــووووو ياعسولات

[زمردة]

طيب شوفي كلية الادراة والاقتصاد مادام درجاتك حلوة في مادة ادارة عامة يعني يمكن تعجبك الاقسام في الكلية
ادخلي على الخطط وشوفي الاقسام ....

[άŇ3m 3яbjeά]

شفتها ونصحوني صحباتي كمان في المحاسبهـ وانا عاجبتني مرهـ وفي كمان ادارة الاعمال

بس خايفه من معدلي

[زمردة]

صحيح يمكن معدلك ما يسمح لك..,
بس اسألي يمكن يراعون ظروفك؟

[άŇ3m 3яbjeά]

ان شاء الله يآآآآآآآآآآآآربــــــ

[مـلآكــ]

انتبهي لو اخترتي ادارة اختاري ادارة عامة دولية لأنها انفع و اشمل ....

[άŇ3m 3яbjeά]

يسلمــوو ع النصيحهـ ياعسل