هــــــنا نود تقديم نصائح لطلاب السنة التحضيرية (من تجاربنا)للي يبغى المعدلات العالية

[miss.. loola]

مني يغار الورد.....
مشكوررررررررررررررررررررررررره ياقلبي...
والله يعطيك العافيه مره استفدتمنك
لاني من جد ماكنت عارفه شيوماكنت متحمسه
بس بعد كلامك تحمست اجيب معدل
طيب لوسمحتي ابغى اسال....
انا كنت علمي بس دخلت هذا المسار وابغى اتخصص محاسبه كم المعدل المطلوب..

[راجية عفو ربها استغفرالله]

جزيتي خيرًا

الموضوع لازم يتثبت ..

[سمـــســـووم]

بإذن الله المواد سهالة

مااعتقد في شي صعب بإذن الله اذا الواحد جلس مركز مع الدكتوور وراجع اول بأول وعمل اختبار لنفسه كل اسبوع بكل المواد



طيب انا ابغى اسأل ايش الاقسام الي تنفتح بعد التحضيرية ؟؟؟

[مني يغار الورد]

المشاركة الأصلية كتبت بواسطة maytha مررررررررررررره أستفدت من موضوعك الحمدلله أعطيتيني فكره ... أووول مررره مآ كنت أعرف شي ..اللحين أحسن ^_^ الله يعطيك ألف ألف عآفيه صرآحه تحمست حبتين للدرآسه :p

الحمدلله هذا شي يبشر بالخير الله يوفقك واهم شي الاجتهاد

المشاركة الأصلية كتبت بواسطة طالبة الجنـة مشكووووووووووووورة الله يجزاك خير << ياليت يتثبت الموضوع

العفو يالغلا ربي يجعلك من اهل الجنة..فعلا الموضوع اتثبت لفترة بعدين خلااص

المشاركة الأصلية كتبت بواسطة miss.. Loola يعطيك العافيه حبيبتي.... بس لوسمحتي خطه ب المواد اللي قلتيها راح اخوذها الترم الجاي... ولك جزيل شكري

العفو عزيزتي بإذن الله حتاخذيها طبعا من غير المادة اللي انحذفت هذا اذا ماصار فيه تغييير
بالتوفيق

المشاركة الأصلية كتبت بواسطة miss.. Loola مني يغار الورد..... مشكوررررررررررررررررررررررررره ياقلبي... والله يعطيك العافيه مره استفدتمنك لاني من جد ماكنت عارفه شيوماكنت متحمسه بس بعد كلامك تحمست اجيب معدل طيب لوسمحتي ابغى اسال.... انا كنت علمي بس دخلت هذا المسار وابغى اتخصص محاسبه كم المعدل المطلوب..

العفو ياعزيزتي بالتوفيق ان شاء الله والله هو يختلف من سنة لسنة احنا كانو يقولو انه مطلوب 3.75 ممكن انتو يكون اكثر او اقل ع حسب الطلب عليه

المشاركة الأصلية كتبت بواسطة راجية عفو ربها استغفرالله جزيتي خيرًا الموضوع لازم يتثبت ..

يسلمك ربي وياك يارب زي ماقلت الموضوع اتثبت كم يوم بعدين نزل

المشاركة الأصلية كتبت بواسطة سمـــســـووم بإذن الله المواد سهالة مااعتقد في شي صعب بإذن الله اذا الواحد جلس مركز مع الدكتوور وراجع اول بأول وعمل اختبار لنفسه كل اسبوع بكل المواد طيب انا ابغى اسأل ايش الاقسام الي تنفتح بعد التحضيرية ؟؟؟

فعلا لازم التركيز على اي كلمة يقولها الاستاذ
اللي اعرفه انه رح يكون في قسم الاقتصاد والادارة:بمافيه من تخصصات محاسبة-انظمة ادارة عامة -ادارة اعمال-اقتصاد-واعتقد والله واعلم انه السنة اللي فاتت صار تخصص الخدمات الصحية قسم مستقل عن الادارة العامة -ومايحضرني بقية التخصصات بذا القسم
وكمان قسم آداب:طبعا جغرافيا-انقلش -فرنسي -تاريخ-علم المعلومات -اعلام-دراسات اسلامية-لغة عربية-علم اجتماع -علم نفس
ومادري صراحة عن الاقسام الاخرى
وبالتوفيق

[moooony d]

الله يعطيكي العافيه ياقمرالكلام مره روعه وياليت يا عسل تكتبي لنا خطة ب ضروررري عشان نستفيد

[moooony d]

الله يوفقك ياعسل وينجحك ردي بسرعه

[مني يغار الورد]

موووني الله يسعدك ياقمر انا حطيته في صفحة 2 ورجعت حطيته لك بصفحة 9 ويارب عزيمتك ماتقل وتكوني دايما بالقمة

من عيوني
خطة ب
مهارات اتصال
مهارات تفكير
احصاء
تحليل احصائي(سمعت انها انحذفت كمان)
انقلــش
ــــــــــــــــــــــــــــــــــــــــــــــــــ ـــ
مهارات الاتصال
هذي المادة تجنننن واستاذتنا كانت دايم تفطسنا ضحك في دي المحاضرة هيه تحتاج تفاعل
في المحاضرة وقالت من اول يوم طبعا المحاضرات حتكون تتخللها قصص فالبتالي اكتبو القصة ع كل نقطة وفعلا سويتها والله لمن يجي الاختبار يصير مرة سهل عليكم تتذكرو القصص فتتذكرو الاجابه والله منجد ذي المادة روعه
طبعا الاتصال الكلامي والغير كلامي والانصات ولاتصال الشخصي الاتصال في مجموعات ومع الجمهوروكتابة الرسائل والسيرة الذاتية حاجات من الحياة استاذتنا كانت تقول لازم تجيكم في الاختبار 4 تعريفات اعتقد وكانت تقول افهمو التعريف لاتحفظوه لانه الشي لمن ينفهم خلاص والله يجي يوم الاختبار وماتتعبون بالمذاكرة طيب هذا كمان انا كنت في نهاية الايام ايش اسوي اقرا الدرس قبل مااروح واجهز امثلة في بالي عشان لمن اروح المحاضرة اكون تمام معاها
وبعدين لمن ارجع البيت ارجع اقراه او اقراه وانا رايحه الجامعه الصباح نظرا للطفش فاتونس فيه
طبعا المادة ذي والله اللي مايجيب فيها اعلى من 95 او90 أقول انه مافتح المادة
طيب طريقة الاسئلة برضك
30 دوري اول
30 دوري ثاني
40 نهائي
صح وخطأ واختياري
مهارات تفكير
أحسن شي في دي المادة تدرون ايش انه اللي نختبره خلاص شقوه ههههههههه مانرجع نختبر فيه مرة تانيه بس ماادري اذا النظام يتغير
طيب المادة ذي
برضك تتكلم عن كيف تفكرون تفكير تمام وكيف تبحثون في النت وترى لها علاقة بالحاسب مرره حلوه
وكمان كيف توثقون كتاباتكم وحاجات حلوة وسهله بس احسها تحتاج لتلخيص اول بأول أو بعد كل باب تلخصون المعلومات اللي حسيتو انه الاستاذ/ة ركزو عليها انا في البداية عملت خريطة ذهنية للفصل الاول وربي حسيت الدرس انحفر في مخ حفر(تعبير قوي خخخ)وطبعا الدوري الاول جبت الفول مارك
والتاني نقصت درجتين بس عشاني مااغيب اعطتني 2 درجة صح انا انصحكم بطلو غياب نصيحة انا اقلكم عمري وحياتي ماغبت الحمدلله حتى وحده من صاحباتي كانت تقوللي انتي ماتتعبي لانه كانو اغلب البنات بعد الدوري الاول والتاني يغيبو ياخدو نقاهه نظرا لاننا كنا نختبر خميس بس ماشاء الله عليه مكافحه خخخ
طيب برضك حتكون فيه قصص وافتكر برضك صاحباتي لمن ياخذو كتابي ياشرو منه لاني كنت بخطط مع الاستاذة واول ماتقول شي مهم اكتب مهم بس كانو يقولو كل مامرينا ع شي لقينا زي كذا يعني اي نقطة كنت بمثل عليها
بعض الاحيان ممكن كمان تقولنا سوال وانا طواالي اكتبه عشان مايضيع مني وممكن تقول بعض الاحيان بيلخبطو بيحطوا كذا بدال كذا وزي كذا خخخ عجبتني الكلمة
طيب شو كمان
طريقة الاسئلة زي الاتصال
الاحصاء
برضك حلوة وهيه جدا شبيهه بالتحليل الاحصائي يعني ماكان له داعي
وكمان فيه شوويت شبه من الرياضيات تتكلم عن الاحتمالات ع البيانات المبوبة والغير مبوبة وحاجات سهلة لمن تنشرح وتفهموها والله ودكم كل الاسئلة تجي منها طبعا الاسئلة ممكن تكون فيها لفات شويه
زي اخر اختبار جانا سؤال من رسمه
طبعا لازم تركزو مع الاستاذ/ة بالشرح وتشرحو لنفسكم خلو لكم دفتر حلو فيه هيه حتقلكم حلو الواجب صح ماعليه درجات بس حلو عشان تظمنو ماتوقعو بالغلط اللي غلطتوه
واي ملاحظات اسئلة يقولوها طوااالي اكتبوها خلوكم نبيهين
وكل المواد اذا جيتو بتذاكروها خمنو اسئلة عليها
طريق الاسئلة نفس الشي
الانقلش
نفس خطة أ
وهذي الخطة سهههههههههههههههههههلة واللي ماجابو فيها ال5 انقهرو والله انا كمان كان ناقصني درجتين واجيب ال5 بس الحمدلله
نصايح ع الطـــاير
-لاتخلو احد يأثر على عزيمتكم اي احد يقلكم شي صعب قولوله عندنا عقل والاسئلة مابتجي من برا
-حبو الماده واللي بيدرسكم المادة نصيحة ولو مافهمتو شي ارجعو للي بيدرسكم وخلوه يعيد بالعكس والله بعض الاحيان بيفرحو يحسو انه في احد معاهم
-الغياب صح انه 25%من المحاضرات وبعدين حرمان بس نصيحه لاتغيبو الا اذا مرة ماتقدرو تداومو
-ممكن تاخذو اسئلة للسنوات الفايته بس لاتخلوها تأثر عليكم أجمعوها قبل الاختبار بفترة مو تجو يوم الاختبار وتقولو نبغى طبعا هذي بس عشان تعرفو نظام الاسئلة
واي احد عنده اضافة يتفضل مشكور
ودعواتكم لكل السنة التحضيرية يتخصصو ع خير

[Rose"magic"]

ريآأإضيآت

يسلمكـ ربي خيتوو مآقصرتي

يعطيكـ 1000 عآفيـهـ

[مني يغار الورد]

روز الله يوفقك يارب
والرياضيات روعه لاتقولي عنها كلام ثاني غير الرياضيات سهلة انصحك ياقمر لانها كانه بتسمعك ايش تقولين خخخخخخخخخخخ