فاتن خورشيد >> بنات الطب مين يعرفها أو درستو ؟؟

[Kaira]

السلام عليكم ..
كيف حالكم ؟؟ انشاالله تكونو مبسوطين ..

أنا سنة تحضيرية وبأخد دحين أحياء وكيميا واحصاء وانجلش وزي كدا
المهم اليوم دخلت علينا في الأحياء وحدة دكتورة من عندكم كلية الطب اسمها فاتن خورشيد
وهية قالتلنا انو أول مرة تدخل كلية العلوم وأول مرة تدرس بايولوجي في العلوم
يعني جديدة مررررررررة ومحد يعرفها
وأنا على بالي انها أحياء عادي بس تدرس كلية الطب ومالقيت اسمها في قائمة مواقع الأكادميين
عند العلوم بس لقيت اسمها في كلية الطب

وماشاالله سيرتها الزاتية مرة ممتازة وشكلها بروفيسورة
وقالت شي عن السرطانات أعتقد أظنها هية أكتشفت عللاج وزي كدا

السؤال: مين إلي درستو د/ فاتن خورشيد ؟؟ وكيف شرحها ؟؟
أنا الصراحة ماأقدر أحكم من أول مرة بس أبا أشوف مين الي درست عندها وأبغا أطمن بس
عشان أخاف أكمل معاها وماتكون فاهمة شي
لأنو هية متعودة على الأحياء الدسمة حقت الطب مو على قولتها حقنا كلو معلومات عامة
وكمان أكتر شي شرحها انجلش وعلى بالها انو نفهم أو عارفين المصطلحات دي

بلييييييييز أبا رد

وشكرا

[حبه سوكرر]

انا بأخذ احياء تحضيري زيك هذا الترم انشاالله
واذا كانت هذه كويسه ,, انشاالله اخذه معاها

(ادخل باسم اختي )

[Kaira]

أنا ماأدري والله ازا كويسة ولا لأ
بس المفروض شعبتي تكون مع حنان ودي أحسن وحدة في الأحياء غيرولنا هية وجابولنا دي
مدري ايش محسبيننا
الله يستر بس
هية انشاالله كويسة يارب
بس أبغا بنات من الطب يجاوبو علية

[Kaira]

انتي مع مين يا سوكرر ؟؟؟

[Kaira]

بالله محد يعرف الآدمية دي ؟؟

[dr.CILIA]

وعليكم السلام ورحمة الله
انا درستني دكتورة حنان ودكتوره فاتن
ماشاءالله دكتوره فاتن معلوماتها كثير واسلوبها شويه كبير بس دكتوره حنان كشرح افضل لأنها تشرح بطريقه جدا مبسطه وتعطي المختصر المفيد
موفقين ان شاءالله

[Kaira]

الله يسعدك يارب ويوفقك dr.CILIA
بس يعني تفهم ولا لأ ؟؟ أنا أخاف ماأقدر أستوعب معاها لأنو مستواها كبير
أصلا غريييييييييبة انهم جابوها لنا مرة غريبة ><
حتى هية مستغربة كمان وشكلها بس تدرسنا احنا
الله يستر بس

[pharm.d .s]

انا درستنى دكتورة فاتن لما كنت اولى احياء
ولو رجعت 4 سنوات ورا الصراحة ما كنت افهم كويس في البداية لانو هيا بس تشرح انقلش وماترجم بس شرحها ممتاز لما سرت اترجم المصطلحات سرت ماشية مية مية

بس طبعا دكتورة حنان رهيبة يانسو عليها مرااااا حتى سعاد شاكر مميزة وتساعد في الاختبار

[Dr~NanoOok]

د.فاتن درستني بسنة أولى
تقريبا كان تاني أو تالت كورس ناخده بالجامعة في البيولوجي
يعني لسه ما اتعودنا على الدراسة بالجامعة والانجلش والمصطلحات دي

وزي ما قالوا اللي سبقوني.. اسلوبها شوية كبير
حتى شيتاتها كانت فيها حاجات معقدة شوية.. بس يمشي الحال

وهي ماشالله عليها دكتورة ليها أبحاثها ودورها في الطب
واكتشفت علاجات من بول الإبل في السرطان
واتذكر كانت تقولنا انها مو دايما تكون بالجامعة.. أغلب وقتها في مركز الأبحاث
فإذا تبغوا تتواصلوا معاها.. لازم في الأوقات المكتبية حقتها

لكن زي ما قلتلكم يمشي حالها وتشرح
وانتوا أهم شي ركزوا معاها وأي شي مو فاهمينوا اسألوها فيها , وهي ما عندها مشكلة ترجع وتعيد شرحه ليكم تاني

.

ود. حنان الشاذلي
ربي يذكرها بكل خير , رائعة مرررره و مخلصة في عملها
في أشياء علمتني هي وما زلت أتذكرها من شرحها

[Kaira]

pharm.d .s & Dr~NanoOok

مرة شوكرن عالرد والله يوفقكم ويسعدكم يارب ..
للأسف احنا نزلنا أول د/ حنان بس غيروها لـ وحدة اسمها د/ صالحة وفجأة كدا دخلت علينا د/ فاتن
الله يعدي دا الترم على خير ><