اللاقسام المتاحه للماجستير بعد الكيمياء الحيويه

[دروووووووب]

السلام عليكم ورحمة الله وبركاته
...بمناسبة هالافتتاح حابه ابداء بموضوع قيم ومهم بالنسبالي واكييد كمان بالنسبه لبنات الكيمياء حيويه عموما .. واتمنى نحرك الموضوع كل مين عنده معلومات ماييبخل فيها
الموضوع ,,, الا وهو ماااابعد الباكالوريوس .. ((للي حابين يكملو ماجستير بالجامعه ))
تعالو نحاول نفييييد ونستفيييد من بعض ..انا راسي مدووش مو عارفه ايش ابغ بالزبط
عشان كدا انا رحت سالت في العمادة ايش التخصصات المتاحه للماجستير بالجامعة لما بعد الكيمياء الحيويه قالولي( كيمياء حيويه وكيمياء )ودولااا مرفوضين بالنسبالي .. لانه انا كان في بالي تغديه او صيدله ولما سألت عن التغديه قالولي في اقدر اخدها جووا الجامعة في الاقتصاد المنزلي بس ماعندي فكره عن احد اخدها ادا كويسه او لا وكمان ليه مو اللي في كلية الطب لانه اخاف اللي في الاقتصاد المنزلي تكون طبخ وكدا ..وبالنسبه للصيدله مو عارفه ادا في ماستر صيدله لما بعد الكيمياء الحيويه في الجامعه اولاااا .. بس في وحده افادتني بانه ممكن احنا بنات الكيمياء حيوي ناخد ماستر علم الادويه في كلية الطب للي يحبو الصيدله طبعااا بس لازم ناخد الموافقه من القسم قبل التسجيل ..وانا مرره متحمسة للماجستير لكن لسا محتااااااااااارة .. لانه بسراحة ماكان في فرصه استفسر اكثر من هيك

[Nada90]

اذا انتى كيمياء حيوي اكيد تعرفي استاذه هديل السفيانى اللي تعطي لابات ماده التغذيه ..
اسأليها لانها اخدت ماستر تغذيه من كليه الاقتصاد المنزلى....

بس مااعرف والله عن الصيدله ....

[وهج الذكرى]

انا خريجة كيميا حيويه

والان قدمت على ماستر

للاسف مو متاح لنا غير ( ماجستير كيمياء حيويه )

فيه ايضا ماجستير ( غذاء وتغذيه ) من كليه اقتصاد منزلي

وفيه تخصصين رائعيين وهم ( ماجستير تقنيه مختبرات و ماجستير كيميا حيويه سريريه )

لكن للاسف شروطهم صعبه شويه طالبين معدلات للانجليزي عاليه

اما الصيدله غير مسموح الا لبنات الطب فقط

[R-Kh]

اعرف وحده اتخرجت معايا
دحين تكمل ماستر صيدليه في كلية الطب
اهم شي عندهم اللغه ويعطوكي كورسات تكميليه (كورسات اساسيه في ا لصيدله)

[مشتاقه لك]

طيب لازم اختبارماستر وتوفل عشان القبول للاقتصاد المنزلي لو كملت ماستر بقسم التغديه فيها

[جامعي متهور]

السلام عليكم ورحمة الله وبركاته
يسعد صباحكم/مساؤكم اخواني واخواتي خريجي الكيمياء الحيوية بما اني خريج وافكر اكمل دراسه
ابغا استفسر عن التخصصات المندرجة تحت الكيمياء الحيويه للماجستير مثل التحليلية او السموم ... الخ اي احد من الاعضاء يسردها لنا هنا عشان نقدر نعرف ايش نبغا ندرس ويكون عندنا المام كامل عن الموضوع
ولكم جزيل الشكر وبالتوفيق للجميع

[بيو كيميائية ^_^]

المشاركة الأصلية كتبت بواسطة جامعي متهور السلام عليكم ورحمة الله وبركاته يسعد صباحكم/مساؤكم اخواني واخواتي خريجي الكيمياء الحيوية بما اني خريج وافكر اكمل دراسه ابغا استفسر عن التخصصات المندرجة تحت الكيمياء الحيويه للماجستير مثل التحليلية او السموم ... الخ اي احد من الاعضاء يسردها لنا هنا عشان نقدر نعرف ايش نبغا ندرس ويكون عندنا المام كامل عن الموضوع ولكم جزيل الشكر وبالتوفيق للجميع

و عليكم السلام

للأسف في جامعتنا مافيه تخصص دقيق تتخرج كمان تخصص عام :(

فيه 3 مسارات و للأسف ما تكتب في الوثيقة إنك كنت مسار طبية أو تغذية أو جزيئية

إذا تبي تحليلية فيه في قسم الكيمياء أنا كذا عملت بإذن الله باتخصص في التحليلي :) بس معرف إذا راح يقبلون السنة كيمياء حيوي في قسم الكيمياء أو لا

تقدر تكمل في قسم الأحياء جينوم أو أي تخصص دقيق آخر

تقدر في المختبرات بس بشرط عندك خبرة 3 سنوات في المختبر و معدلك جيد جدًا و التوفل 500 أظن

بس طبعًا هذول كلهم راح يكون عندك تكميلي

جامعة سعود فيها تخصصات أكثر بس خلص التسجيل أعتقد لأن من زمان بدأ حقهم

بالتوفيق

[الارقام الصعبه]

انا عندي كم سوال الحين لو اخدت تغديه مثلا من الاقتصاد والاداره

هل يعتبر امتداد للكيميا الحيوي او لا ؟؟

ثاني سوال اذا اخذت ماجستير في نفس تخصصي تتعادل في هيئه التخصصات

الطبيه ك اخصائي ولى لازم الماجستير يكون في المختبرات الطبيه ؟؟

ان شاء الله يكون عندكم العلم

[amira ali]

شكراً جزيلاً علي الطرح الرائع
بارك الله بيكم وجزاكم الله خيراً
ووفق الله الجميع
الله يعطيكم الف عافية
ودي

[بيو كيميائية ^_^]

المشاركة الأصلية كتبت بواسطة الارقام الصعبه انا عندي كم سوال الحين لو اخدت تغديه مثلا من الاقتصاد والاداره هل يعتبر امتداد للكيميا الحيوي او لا ؟؟ ثاني سوال اذا اخذت ماجستير في نفس تخصصي تتعادل في هيئه التخصصات الطبيه ك اخصائي ولى لازم الماجستير يكون في المختبرات الطبيه ؟؟ ان شاء الله يكون عندكم العلم

قصدك الاقتصاد المنزلي

معرف

ايوا تكوني أخصائي