تبغوا تعرفوا السر في نجاحي في الرايتنج ..تفضلوا..

[روزري]

بسم الله الرحمن الرحيم
كيفكم ياحلوين
الموضوع يخص الطلاب والطالبات..
ع موضوع الرايتنج يعني والله ماحمسني اكتب الموضوع الا لما اشوف بنت باقي لها سمستر ع التخرج وبرضوا شايله الرايتنج فا شئ يقهرني والله
طيب أحب اقولكم انا نجحت في الرايتنق 1 من المره الاولى بدرجه مقبوله
والرايتنج 2 برضوا من المره الأولى بدرجه جيده
ماهو عن شطاره فيني مستواي في الانجلش مو مره والقرامر عندي ضعيف وانتو عارفين انو الرايتنج يعتمد بشكل كبير ع تنسيق الجمل يعني قرامر كويس
طيب تبغوا تعرفوا كيف نجحت كثييييييير بنات يسألوني كيف نجحتي فيهم من المره الاولى وبدرجات جيده
أقولكم ع السر





أولا :سواء كان رايتنج 1 او 2 يعني برجراف ولا مقال

في البداية ركزوا ع الموضوع اللي بتختاروه يعني اختاروا موضوع كذا عام تحسوه يوضح فكرة الموضوع بشكل عام ومختصر
اوكي
طيب لما تجيوا تكتبوا الموضوع لازم
الحروف الاولى من كل كلمة تكون كابيتل عادا حروف الجر انتبهووووا لا تنسوا
مثلا
The Study of Language
لاحظو الكلمات اول حرف من كل كلمة كابيتل ماعادا حرف of كان سموووول
خلاص كذا خلصنا من الموضوع
ثانيا: نجي لما نكتب البرجراف الاول اللي هو المقدمه يعني شرح للموضوع بشكل عام مو بالتفصيل بس توضيح فكرة الموضوع عشان لما يجي الشخص يبغى يقرأ الموضوع كامل يكون فاهم عن ايش احنا نبغى نتكلم
طيب قبل ياحلوين مانبدأ نكتب المقدمه سواء كانت برجراف او ايزي
في البدايه ولا تنسوووووووووووووووا
نترك مسافة خمسة حروف في البدايه بعدين نكتب اول حرف كاااااااابيتل
طيب خلصنا وكتبنا المقدمه
كمان العرض والخاتمه نفس الشئئئئئئ
لازم مسافة خمسه حروف في البداية لا تنسووووووووا
تذكروا ياجماعة الخير
لازم بين كل جملة وجملة نقطه ومع انتهاء كل نقطة الجمله اللي بعدها تبدأ بحرف كابيتل
الفواصل لو كانت الجمله مابتنتهي بس تتكون من اكثر من عنصر
يصير بين جمله وجمله فاصله
ايضا لما يكون في تكرار لشئ ما لا تنسوا مثلا نبغى نجي نقول مثال عن الخضروات
نقول ومن الخضروات :<<لا تنسوا النقطتين الرأسيتين
وبعدها نبدأ نعدد
الخضروات : الموز ، البرتقال ، التفاح ، العنب و الكرز <<لاحظوا ياحلوين
شوفوا عدددنا الخضروات وبين كل وحده وحده حطينا فاصله ماعدا اخر شئ حطينا حرف العطف اللي هو الواو
وبالانجلش طبعا تعرفوا اقصد and

ان شاء الله تكونوا فهمتوا
الوقت مايسعفني اشرح كل نقطه ولاني سويت فرمته لجهازي وراح كل اللي كنت اذاكر منه وكل المواقع
بس انا في شئ واحد استفدت منه كثيييييييييييييييير
في المرفقات حملوووه رجاااااااااااااااء
واقرأوه وفصفصوه مزبوط وركزا فيه كثير الله يخليكم
طبعا ياجماعه احب اقولكم
احنا الانتساب اجتهاد فردي يعني لو مادرست نفسك بنفسك قول للتخرج ياليل مطولك
فلازم نشتغل ع انفسنا كثير
طبعا اللي معاهم رايتنج 1 يحاولوا يبحثوا ويتثقفوا كيف يكتبوا ويركزوووا مزبووووط
واللي معاهم رايتنج 2 برضوا نفس الشئ يحااولوا يبحثوا كيف يكتبوا الايزي ويركزوا مزبوط
وركزوا ع القرامر واحفظوا كلمات كثيره انتفقنا كذا ؟؟؟

آخر شئ والمهم بالنسبة لي
مهم ياجماعه كلامي الحين حطوه في عقلكم وركزوا عليه
الخط ثم الخط ثم الخط
لما تيجوا تكتبوا لازم تحسنوا خطكم حاولوا تكتبوا بحروف واضحه بغض النظر عن كيف تكتب بطريقه منفصله الحروف ولا مشبك
حسنوا خطكككككككككم بليز بليز مهم مره حاولوا وتدربوا ياجماعه هي مهاره من عند الله بس حاولوا تحسنوا اللي خطوطهم يعني مو مره
ثانيا ترتيب الورقه تجي الوحده غلطت غلطة تشخمط بالقلم كانه كشكول طيب ياحلوين
اول شئ اكتبوا بالمرسام وبعدين حبروا عشان لو غلطتي او غلطت تقدر تمسح بدون تخريب لمنظر الورقه
ثالثا ترتيب الافكار والجمل يعني حسسوا اللي بيصحح الورقه انه انت جالس تحاول توصله الفكره
لازم ياجماعه تحاولوا تركزوا في الترتيب ترتيب الجمل
ونظافة الورقه
ومفهومية الجمل
والخط ثم الخط ثم الخط القلم كمان يأثرع الخط انتبهوا

عاد الاستاذه تقول في بنات قرامر مره ممتاز بس تجي ع الخط والترتيب و..الخ تخرب درجاتها بدل ماتاخذ في التسعين تنزل للثمانين
والعكس صحيح بنات مالهم في القرامر بس في مهاره في الكتابه ينطوا من الستين للسبعين


وان شاء الله الكل ينجح بدون صعوووووبه
وتنجحوا بكل سهاله
اتمنى تكون نصايحي فادتكم
واستفدتم
ودعواتكم لي ولو بكلمة
أي مساعدة او اي شئ مافهمتوه انا حاضره ...

وا هههههه قبل انهي الموضوع اللي يقدر يساعدني بالريدينق مره انا فيه زيرو
الله يوفقكم ويسهلها عليكم وانا معاكم وكل من يقول لا اله الا الله

تحياتي
أختكم روزري

[حنين الود]

أولآ جزآكي الله خير على الموضوع الي جآء في وقته ..أغلب الطلآب والطآلبآت إستفسآرهم بيكون في مادة الرايتنق ..
يآليـت الي يدخلوآ يردوآ في الموضوع يكون فقط عن تجآربهم وتكون شآملة ووآفيه مثل الأخت روزري الله يوفقهآ..
روزري هل تسمحين بتغييرعنوآن الموضوع
إلي .. الموضوع (تجآرب النآجحين في الرايتنق )كيف نجحوآ؟ عشآن نضمن إن الكل يدخلهآ؟؟

[MOFY]

ما شاء الله عليك ,,
أغلب النقاط اللي ذكرتيها سهله وما تحتاج ,,
بس نحتاج احد يذكرنا وينبهنا عليها ,,
الله يوفقك وينجحك في كل موادك ياارب ,,

وا هههههه قبل انهي الموضوع اللي يقدر يساعدني بالريدينق مره انا فيه زيرو الله يوفقكم ويسهلها عليكم وانا معاكم وكل من يقول لا اله الا الله

كل اللي اقدر اقوله لك .. انك تكثفين على نفسك القراءه ,,
حتى لو ما فهمتي ولا تدرين شسالفه .. مع الوقت والاستمرار رح تحسين مهارتك تحسنت اكثر من قبل,,
من ناحية الفوكابلري و الاستنتاج والفهم ..الخ ,,

الله يوفقك ويحقق لك مرادك ياارب ,,

[nuha]

وااو

من جد موضوع اكثر من رائع

يعطيك العافيه ماقصرتي

والله يحقق لك ماتتمنينه يارب

وبالنسبه للقراءه تراه مره سهل بس يبغالك تركزي شوي في الكلمات والتمارين اللي في الكتاب وحاولي وقت الامتحان

تحلي اللي تعرفينه اول بعدين ارجعي للباقي لانه طوووووويل مره والوقت مايكفي

والله يوفقك وجميع المسلمين

[عبدالله الAL-HARBIحربي]

روزري

والله موضوووعك في وقته

ونصااااائحك محتااجينها

الله يسعدك ويحقق لك مراااادك

الف شكر لك

اتمنى كما قالت الاخت حنين من لديه تجربه او طريقه ان يذكرها هنا لان هالمااده تحتاااج لمثل هذه الوصايا

[ShoOshO]

بصراحه ذكرتينا بنقااط سهله بس غاافلين عنها كثيييييييييير
الله يجزاك خير ويحقق مرادك

[رويده عباس]

انا بصراحة لي فترة اتدرب على الاسبلينق لانه كاااارثة عندي و الحكاية هذي فادتني نوعا ما لانوا في كلمات كثييير اعرفها بس ابدا ما اعرف الاسبلينق تبعها

[Brilliant Shores]

الله يووفقــــــك يا روزري

بجد مجهـــــوود تشكري عليه ،،،، جـــــزاااكي الله كل خيــــــر ،،،

[Conscientious]

انا عندي سر جدااااااااااااا خطيررررر

واذا سويته احس الاستاذات يطيرون من الفرحه وهم يقرون الاسي

انا احب استخدم كثيرررررررر الـــ connectors & transitions

تجدوها في هذا الموضوع

http://www.skaau.com/vb/showthread.php?t=64759

اذكر مره الاستاذه قالت ان the simple sentence is boooooooring

عشان كذا لازم نتعود على كتابة the complex sentences & compound sentences

وهذا ما تجي الا بأستخدام the connectors and transitions

اللي هي موجوده في الرابط وفي كمان زياده اسمها dependent words عل ما اعتقد زي after , when , while and so on

وفي كمان الـــــــ the conjection like ( but , so , and ,nor ...etc)a

ترون ماني متأكده من الاسبلق حق بعض المصطلحات بس الاكيد انه صح

ان شاء الله تستفيدون ونكتشف اسرار جديده من بعض الاعضاء

كل الشكر والتقدير لصاحبة الموضوع

[jamelaa]

كمان في شئ مررره مهم
لازم تكتبي thesis statement
هدا أخر جمله في الانترودكشن مرررره مهمه وعليها درجااات مررره كتير
كمان من جد الفوتصل والنقاط مرره مهمه
مرره ما يحبو تكتبي دش كأنك في موضوع بالعربي
تثول استاذتنا اذا شفتي الجمله سطر كامل ومافيها ولا فاصله ولا نقطه فيها شئ غلط يعني لازم تحطي فواصل ونقاط بين كل جمله وجمله



الله يوفق الجميع