عباياتنا الخطيرة ، بويز و صبايا ( دعوة للنقاش )

[RHF]

السلامو عليكم

طبعن كعادتي المتواضعة ، مع الفضاوة ، قررت انزل دا الموضوع

لاكن لحد يهجم عليا :@:@

شوفو انا باتكلم دحين عن العبايات ههههههه

لحد يقولي حرام و حلال ، انا الموضوع دا فاتحتو خصيصا ، عشان اخد رأيكم فقطططط

كل شخص فيه عندو شي يحبووووووو ويحب يجيبو و يشتريه

بالنسبة ليا ، انا احب العبايات الملونة ، واللي فيها كريستالات ، وادفع فيها دم قلبي على قولهم ، يعني فلوسي كلها تطير فيها

المهم نرجع للموضوع ، وهو العباية المتزبطة ، ما ابا اقول عبايا ملفتة وعباية مدري ايش ،، انا اعتبرو من الترتيب !

والعباية تعبر عن شخصية البنت ، ( لحد يهجم ) دا رأيي ،

وكل واحد عندو فكرة معينة و رأيي معين


ـــــــــــــــــــــــــــــــــــــــــــ


يا بنت / اوصفيلي عبايتك و وكيف تحبيها تكون و ايش رأيي اهلك فيها وهل يتدخلو او تاركينك براحتك

يا بوي / قولنا كيف تحب عباية اختك تكون أو زوجة المستقبل ,, وهل تعلق على عباياتهم ، ولا بكيفهم يلبسو اللي يبغوه


لحد يقولي ملفتة متبرجة استغفرو الله و حرام ،، الا لو كان دا في رأيكم الشخصي

انا ما بناقش الحكم ، انا باتكلم عن رأيي كل واحد فيكم و ايش يعمل


دعوة للنقاش <<< أعلنت الحرب



برب

[دافئ الإحساس]

موضوع جيد للمناقشة

دقيقة باللهي

انتي عبايتك ملونة وفيها كريستالات وقلتي بعدين انو مو ملفته

بعد دا كلو ماشاء الله ومو ملفته

ماعلينا خخخخخ

اسف ع التدخل
............

انا بالنسبة ابا عباية عادية لمرتي وتكون مسلن بموديل حلو وطيب وخلاص

اما انها تكون ملونة وتكون طالعه من فين ونازلة مدري كيف

وجيا من هنا بحركة ومن هنا بحركة تانيه

لا مره دي الاشياء تنرفزني

يعني زي ما قلت موديل حلو والسعر طيب وخلاص

وعادي كمان لو عباية عادية وعباية للمناسبات

والمناسبات لازم تكون احلى واحلى بس في حدود المعقول

تقبلي مروري

[إحساس ناجح]

أبغى أقول اللي عندي اليوم كنت في الرد سي مول وأكيد تعرفون الباقي هههه

يعني أشوف وحدة لابسة عباية عليها صورة مهند

وحدة ثانية تلبس ملون كامل يعني لاتضحكي على نفسك وتقولي أنا ساترة على نفسي

الجديد اللي لاحظته في بعض البنات مو كلهم لبس عباية مفتوحة بالكامل زي اللي تقول شوفو إيش لابسة تحت
العباية شيء مقزز

الآن إنتشرت الكريستالية الله يستر

المشكلة تجي وحدة وتقول الشباب أزعجونا والله ما ألوم أي وحدة يعاكس بنت أو يبتزها مادام صار لبس العبايات بهذي الطريقة

الهيئة صارت تخاف تدخل الأسواق من اللي فيها

أختي السنوات الجاية راح تشوفين أعظم من كدا

ياخوفي يطيح سوق من السخط اللي فيه

ترى ردي مو تعميم

يسلمو على الموضوع

[RHF]

دافئ ، اهنن اهنن ، ايش الرد الحلو دا ،،

اول شي ، انبسطت انك اول رد هههه و ما هجمت

مممممممم انا اعتبرها من الترتيب ،

المهم اللي باقولو انو لمن اتجوز ، اكيد جوزي حيختارلي العبايا اللي يشوفها مناسبة مع فكرو و رأيو

حالين ، انا ماما و اخوية ، ما بيقولو شي ، لاني مو مررررررررة أوفر ،

يعني في بنات احسبهم لابسين فساتين ماشيين بيها ، لاكن برضو حلوة الملونة هههه

[RHF]

احساس ما توصل البلاها اني البس عباية بصورة التور مهند

وعلى فكرة لمن يتركوها مفتوحة ، لازم يكونو لابسين تحتها برمودا :(

عاد الريد سي حدث ولا حرج تشوف العجب العجيب

ههههههه !!

وبعدين ، مو شرط العيال يعاكسوهم


قسما بالله على مر سنين حياتي ، انو ما جا واحد عاكسني وربي ،

البنات اللي يبو يتعاكسو ، يوزعو نظرات

مو عشان عبايتي يجي الولد يكلمني !!

الولد لو شاف البنت تطالعلو سواء بعباية ملونة او اسود سادة ، او حتى على الراس ، وقتها يجي يكلمها

يلا مستنية الباقين ههههههه

[توونآ]

ههههههههههه تييت
لا يختي ان شاء الله محد بيهاجمك الا قليل الزووق لانه انتي تكلمتي بمنتهى الزوق
نرجع للعبايات
انا احب الشئ الانييق يعني العبايه الي تجيكي كل ابوها الوان وصواريخ وقنابل مررة ماتمشي عندي
طبعا هذا ذوقها لاكن انا اشوفه مرة مالها داعي دي البهرجه
انا عبايتي كما استرتش الي يشوفني يحسبني لابسه عبايه عريان والكم تبع البلوزه
طبعا هذي عبايه حق كل يوم
اما عبايه العزايم البس الي كمها مربع طبعا فيها تطريز بس تطريز راقي
اصلا احلى شئ الاناقه والبساطه
غير كذا لالالالاع
تقبلي مروري

[دافئ الإحساس]

المشاركة الأصلية كتبت بواسطة rhf احساس ما توصل البلاها اني البس عباية بصورة التور مهند وعلى فكرة لمن يتركوها مفتوحة ، لازم يكونو لابسين تحتها برمودا :( عاد الريد سي حدث ولا حرج تشوف العجب العجيب ههههههه !! وبعدين ، مو شرط العيال يعاكسوهم قسما بالله على مر سنين حياتي ، انو ما جا واحد عاكسني وربي ، البنات اللي يبو يتعاكسو ، يوزعو نظرات مو عشان عبايتي يجي الولد يكلمني !! الولد لو شاف البنت تطالعلو سواء بعباية ملونة او اسود سادة ، او حتى على الراس ، وقتها يجي يكلمها يلا مستنية الباقين ههههههه

هوا اهم شي انو البنت تكون حالها في حال نفسها ومع امها او اخوها وما تسيبهم وإن شاء الله ما يجيها شي من المعاكسات

^_^

[RHF]

اهنن تونا يا قلبي انا انتي الزوق كلو

انا باشوف الناس تتضارب وقت النقاش خوفت على نفسي

كمان امي صرخت فيا هههههههه قالت لي انتي يا حبك للمشاكل يا رهف :@:@

هههههههههههههههه تقولي اختاري مواضيع بسيطة ليه تبي الناس تتضارب هههههه

حياتي على ماما


وتقريبن ، انا عندي ستريتش تقيل القماش كلو منقش، وستريتش خفيف ، وعباية كلها شيفون منقش ،
وفي وحدة الشيفون لونو اخضر ، !!

ممممممممم والباقية كلها الكريستالات و الحدايد ، ستايل ماي فير ليدي ،

وبالنسبة للجوازات مو مخصصة عبايات لها ، لاني نااادررررررررن اروح !!

وبس

[RHF]

بالزبط يا دافئ ،، ممكن عشان انا دايمن مع امي و اخوية ،،

لاكن اعرف بنات معرفة شخصية ، يخرجو لوحدهم ، لاكن عمليين ، ما يمشيو يتمايعو ، ويبتسمو و يتمسخرو ، وكل حاجة تمام معاهم !

[دافئ الإحساس]

المشاركة الأصلية كتبت بواسطة rhf دافئ ، اهنن اهنن ، ايش الرد الحلو دا ،، اول شي ، انبسطت انك اول رد هههه و ما هجمت مممممممم انا اعتبرها من الترتيب ، المهم اللي باقولو انو لمن اتجوز ، اكيد جوزي حيختارلي العبايا اللي يشوفها مناسبة مع فكرو و رأيو حالين ، انا ماما و اخوية ، ما بيقولو شي ، لاني مو مررررررررة أوفر ، يعني في بنات احسبهم لابسين فساتين ماشيين بيها ، لاكن برضو حلوة الملونة هههه

خخخخخخ

لا انا ما اهاجم الا لو كان الكلام نرفزني وهجومي مهو همجي في نفس الوقت

^_^"

هوا كلامك حلو وفي اشياء مو حلوة

والانسان مهو كامل طبعا

واالكمال لله

وطبعا محا اقدر اقلك لا تسوي كده والمفروض كده ومدري ايش

لالالا ما يعجبني كده ولا من حقي اصلن افرض عليكي شي وانتي ما تبيه

انا كل اللي ابا اقلك هوا يا رهف

انو المقسم حرام واللي يلفت زي الكرستلات ما يجوز

انا معاكي انو محد عاكسك ومن حقك تتجملي في نفسك

بس انا عن رايي الشخصي اشوفو ما يسير كده البنت تلبس قدام الناس

تراني مني متعقد او متحيز

انا بالعكس عارف الصح والخطا

>>مو قصدي انك كلك ع بعض خطا لا والله

جاتني رسايل في الايميل انو اجمل مرآة في العالم

المرآة السعودية

وتتعامل زي الاميرة

وانا عن نفسي ما ارضى اختي تتزين وتتجمل برا البيت وهيا وغيرها

من البنات من السعوديات امرآآء

مممممم

إن شاء الله اكون ما زعلت اي احد في كلالامي

وارجع واقول كلي واحد وله رايو الخاص

وطبعا لكي الاختيار في اي شي

^_^"

تحياتي