متى تنتهي ظاهرة احضار الاسئلة للقاعات ياشباب عيب والله مالها داعي

[zakaria_asere]

احد الزملاء اليوم اتصل علي وضغطه الفين خير يابو الشباب وش السالفه قال في ناس ..... ماتفهم الكلام يااخي بكل قوة وجهه داخل القاعه بالاسئلة ويساله الدكتور المراقب عن الاسئلة ويقول عادي اخذتها من المنتدى بكل برود اعصاب وقوة وجهه
اتذكر العام الماضي نفس الامر حدث امامي وكتب عنه احد الاخوان هنا في المنتدى ونفس الاسطوانه المنتدى
انا اموت واعرف هذا اللي داخل بالاسئلة وش يحس فيه ؟

[مستشفى]

ههههههههههههههههههههههههه
اتوقع وصلك شغله مني قبل يومين
وقريت الكلااااااااااااام اللي كتبته
ومع ذلك سلام سلام داخل وعرفته من شغله معه
قلت سبحاااااااااان الله
أيش أسوي فيه

[zakaria_asere]

المشاركة الأصلية كتبت بواسطة مستشفى ههههههههههههههههههههههههه اتوقع وصلك شغله مني قبل يومين وقريت الكلااااااااااااام اللي كتبته ومع ذلك سلام سلام داخل وعرفته من شغله معه قلت سبحاااااااااان الله أيش أسوي فيه

اخوي فهد هالاشكال ماتدري وش تسوي فيها كلام ومانفع وان سحبت عليه زعل وان اعطيته الاسئلة عيني عينك داخل بها القاعه
طيب والحل؟

[مستشفى]

الله كريم يامدير

[zakaria_asere]

المشاركة الأصلية كتبت بواسطة مستشفى الله كريم يامدير

يقولوا كلمة مدير شينه عند البنقال انتبه لا احد يسمعك منهم

[جهويل]

اي والله مالها اي داعي
صراحه بعضهم قوي وجه
تقوله لا تخرب على غيرك
يقولك وش فيها الدكتور كتب الاسئله وانتهى الموضوع........

[الناقد السعودي]

صحيح الكلام وأنــا ممن شآهد تلك الحكـاية .,,,

وقلت له يآخي خبيهـا لا أحد يشوفهــا . وخاصة المراقبين ماشاء الله مايشوفوا شئ , الا على طول على الدكتور ., (( يشك إن فيهـا حـوافز ماليه )) ..

نتمنى من اللي قرأ لموضوع وفهمه إنه ينصح اللي يشوفه ..
مثل مانكون يداً بيد هنـا بالمنتدى لابد أن نكون خارج ودآخل الجـامعه متكاتفين ,,,


والله يوفق الجميع لمـا يحبه ويرضـاه ,,

وأتمنى لكم من كل قلبي ,, التوفيق والنجـاح ,,

تقبلوا تقديري وإحترامـي ,,

[بن جلاف]

سلام الى فهمت منكم فيه اسئله متداوله قبل الاختبار
؟ وحنا ياغافلين لكم الله يا شباب التعاون طيب مع !

[zakaria_asere]

المشاركة الأصلية كتبت بواسطة بن جلاف سلام الى فهمت منكم فيه اسئله متداوله قبل الاختبار ؟ وحنا ياغافلين لكم الله يا شباب التعاون طيب مع !

يااخي انا وضحت عند كتابة الموضوع ان الطالب يقول من المنتدى يعني الاسئلة اللي تنزل هنا والشغله ماهي بمثل ماانت متصور
فبعض الاعضاء بالعربي يقول عندي اسئلة ويطلب الراي هل يرفقها بالمنتدى او ينزلها بمكتبه

عموما تابعنا في المنتدى وان توفر شي ابشر بسعدك واذا ماتوفر شي فالوجه من الوجه ابيض
وسلامتك

[بن جلاف]

zakaria_asere
يعطيك العافيه بس من باب المزح لاغير
وجهك ابيض وماتقصرت
تسلم تحياتي