سؤال ضروري عن الطب

[غاااامد]

السلام عليكم ورحمة الله وبركاته
عندي سؤال ضروري
هل دراسة مواد الطب مثل طريقة دراسة مادة الاحياء في السنة التحضيرية
اقصد بالانجليزي والاختبارات برضوا بالانجليزي وتعتمد عالحفظ و قليل من الفهم

[dracula20100]

اكيييييييييييييييييييييييييييييييييييييييييييييييي ييييييييييد و زيادة حفظ

[قروشـ]

لو تدخل منتدى كلية الطب راح تحصل مواضيع كثيرة تشرح وتبين

شف هذا الموضوع تفصيل ممل عن المواد الي راح يدرسها طالب الطب في سنة ثانية بعد التحضيري

http://www.skaau.com/vb/showthread.php?t=455210

وبالتوفيق

[أهـ منك يازمن]

دراسة الطب تختلف 100% عن الأحياء

ولكن كله انجليزي x انجليزي وحتي أغلب الأنجليزي إلا فى كلية الطب شي ما مر عليك قبل كدا مصطلحات طبية

ومع الوقت والأستمرار ما راح تعرف تقول اسماء الأمراض بالعربي ويصير الانجليزي أسهل لك فى التعامل سؤاء دراسة أو حفظ

إلا يقول الطب كله دراسة نصيحة لا يدخل لأن فى أشياء مهمة واساسية يبغالها فهم

نقول 60 % حفظ والباقي فهم وفيه ناس ما تحفظ كثير بس فاهمة تلاقي درجاتهم عالية

فهو فى النهاية أسلوب المذاكرة وأستيعابك فى المحاظرة إلا يحدد اش راح تسوي

ترا الطب مو صعب للدرجة إلا متخيلنها الناس بس يبغاله أهتمام أكثر من باقي الاشياء فى حياتك بعد ما تدخل الكلية

وأي سؤال حاظرين

[غاااامد]

كنت أقصد اسهل او أصعب لان دراسة الأحياء مملة جدا
ورح تنساها في اقل من ثلاثة أيام
فاذا نظام مذاكرة الطب مثل الاحياء فيفتح الله عن الطب
لان مادة واحدة مثل الاحياء شيبت راسي فما بالك بخمس مواد نفس النظام

[xo7]

المشاركة الأصلية كتبت بواسطة غاااامد كنت أقصد اسهل او أصعب لان دراسة الأحياء مملة جدا ورح تنساها في اقل من ثلاثة أيام فاذا نظام مذاكرة الطب مثل الاحياء فيفتح الله عن الطب لان مادة واحدة مثل الاحياء شيبت راسي فما بالك بخمس مواد نفس النظام

هي تختلف في نقاط و تتشابه في نقاط ولا ما كان حطوها في النسبة الخاصة للقبول بالطب

مثلا المنهج طويل و يبغالة حفظ اما في الطب فيه معامل ومختبرات يطبقوا فيها عملي وهنا يجي دور الفهم و التطبيق يكون من النظري مباشرة من الكتاب الى المخ

[د.هوازن]

الطب فيه فهم اكثر من الاحياء
ولا ماكانو قالو هذا الدكتور فاهم شغلو
هذا الدكتور فاهم طب
بدايه الطب انا اشوف تعتمد على الحفظ لاكن لما تبدا تتعمق فسنوات الكلينك لابد من الفهم ولا الحفظ وحده !!! لايسمن ولا يغني من جوع

الله يوفقكم جميعا وتنقبلو