بخصوص اللي شايل رياضيات صيفي!! الرجاء الدخووول :)

[7toom]

السلام عليكم ورحمة الله وبركاته......

بالنسبة للي حامل الرياضيات <<< لايغركم تراني شاطر

انا عندي كم سؤال ياريت توضحوها ليا حكون شاكر لكم.

مع العلم اني ماعندي الا الرياضيات بس شايلها.

س1/ هل ادرس المادة الين 16/9/1431 ولا يختلف الوقت حسب عدد المواد؟


س2/ حدرس وبعدين اختبر نهائي ولا حيكون فيه اختبارات دورية ؟

س3/ كم حيكون مدة الكلاس الواحد مع العلم ان الرياضيات كانت ساعه ونص في الكلاس يومّي الأحد
والثلاثاء .



س4/ هل حدرس المادة كل يوم ولا بس الأحد والثلاثاء؟


س5/ والسؤال الأهم هل بيكون فيه تحضير الطلاب ؟

س6/ والسؤال الأهم منه بالنسبة لتخصص ادارة الأعمال هل اقدر اتخصص فيه وايش المطلوب؟


تمت الأسئلة بحمد الله نتمنى لكم التوفيق,,, <<متأثر بالأختبارات.

عارف اني طولت عليكم بس والله اسئلة محيرتني وياريت اللي يقدر يجاوبني فيها كلها يعني يسوي

للسؤال اقتباس ويرد تحته مباشرة

وتقبلو تحياااااااااتي.....,,,,,,ّ

[حلاوووه]

س1/ هل ادرس المادة الين 16/9/1431 ولا يختلف الوقت حسب عدد المواد؟

لا اكيد حتدرس السمستر كامل زي ماهو منزل سواء كان عندك ماده ولا عشره


س5/ والسؤال الأهم هل بيكون فيه تحضير الطلاب ؟
ههههه يعني ذا اللي همك
اكيد حيكووون فيه تحضير هذا اهم شئ عندهم


موفق اخووي ..

[fofoo49]

حدرس وبعدين اختبر نهائي ولا حيكون فيه اختبارات دورية ؟

انا سمعت انو فيها دوري بس راح يكون واحد بس مو اثنين وبعدين نهائي
6/ والسؤال الأهم منه بالنسبة لتخصص ادارة الأعمال هل اقدر اتخصص فيه وايش المطلوب؟

ان شاء الله تقدر عشان التخصصات راح تنزل بعد الصيفي

[7toom]

مشكووووورين يا حلاوة وفوفو ماقصرتو والله يوفقكم بس

FOUR qouestions been answered .....

بس باقي سؤالين جاوبوني فيها..

[lee min ho]

الاداره والاعمال تقبل معدل 2,50 تخصص اخت صديقتي وباقي لها ترم وتتخرج
بس لازم تكوني ناجحه في الاحصاء ورياضيات

[Rana Hesham]

س1/ هل ادرس المادة الين 16/9/1431 ولا يختلف الوقت حسب عدد المواد؟
تدرس عادي طول الصيفي واختباراتكم النهائيه تكون في رمضان إن شاء الله .

س2/ حدرس وبعدين اختبر نهائي ولا حيكون فيه اختبارات دورية ؟

والله ماأدري بس أكيد في دوري لأنكم انتظام مو انتساب عشان تختبروا من 100 .

س3/ كم حيكون مدة الكلاس الواحد مع العلم ان الرياضيات كانت ساعه ونص في الكلاس يومّي الأحد
والثلاثاء .
على حسب جدولك إذا كان 3 أيام في الأسبوع حيكون كل يوم ساعه إلا 10 دقائق وإذا كان يومين حيكون اليوم ساعه وثلث .

س4/ هل حدرس المادة كل يوم ولا بس الأحد والثلاثاء؟
برضو على حسب جدولك .

س5/ والسؤال الأهم هل بيكون فيه تحضير الطلاب ؟
أكيد في بس ماأعتقد حيركزوا مره.

س6/ والسؤال الأهم منه بالنسبة لتخصص ادارة الأعمال هل اقدر اتخصص فيه وايش المطلوب؟

يب يب عادي بس على حسب معدلك والنسبه الموزونه بس أهم شي الإحصاء والرياضيات تعدي فيهم .

تمت الإجابه بحمد الله نتمنى لكم التوفيق,,,

[romantic2011]

س5/ والسؤال الأهم هل بيكون فيه تحضير الطلاب ؟

ههههههههههااااي
اهم شي السؤال ال5
شكلو مبيت النيه مافي دوام
وهبقات نو حبيبي
بتهبق لا تدخل صيفي
خخخخخ