استفسار بل بحث وتفتيش عن الماستر

[غزلان جدة]

السلام عليكم ورحمة الله وبركاته:

رجائي بالله أولاً وأخيراً,

بس حابة أنوه وأسأل من يعرف أو يسمع خبر أو مكرمةٍ ما أو أي مجال لإكمال دراسات عليا , ماجستير لذوي المعدلات المنخفضة وبالعربي الفصيح لمن هم تقديرهم :(مقبووول ),رجائي أن يتكرم على ويخبرني

في جدة أو مكة ,,,,أول مرة أسأل هنا عن رغبتي ومرادي ولكن لطول الانتظار ولله الحمد , وما خاب ولا ندم من استشار ,,,انتظار بعد التخرج وبدون وظيفة ولله الحمد.....امنيتي امنيتي امنيتي أن احصل على طريق وأصله واسلكه بتعبي وجهدي

لأنال درجة الماستر الهاجس البعييد والقديم ولازلت,,,,,أملي بالله كبيير

وللجميع مني كل الود....

[غزلان جدة]

بليز لو أحد عنده معلومة او خبر اوطريق يلحقني بها بشان سؤالي السابق وبحثي ومرادي !!!

وياليت مابي تحطيم :مستحيل ,ولا مافيه, ولا لايمكن ,قبولك, ولا انسي عشان معدلك!!!
يعني أنا دارسة دارسة الماجستير باذن الله......بس مابي تحطيم وعفواً انا اتحدث بكل جدية لان ذلك بعد انتظار ولله الحمد بعد 13 سنة لا توظفنا ولا وصلنا للماستر اللي نتمناه والحمدلله ع كل حال...

وشكرا مقدماً لمن يقدم لنا النصح والفائدة والارشاد.....

وللجميع مني كل الود........

[غزلان جدة]

وهل من رأيٍ سديد ومفيد؟
وهل من اقتراح جديد؟
وهل من مشورة يا أصحاب وذوي الرأي السديد؟

أنا بالانتظاااار وللجميع ودي....

[ملك الهوكي]

شوفي الجامعات الأهلية أو الجامعة المفتوحة

أظن فيها تخصصات للماستر

والله يوفقك ويتجيبي الدكتوراة بحول الله وقوته

ما فيه شيء مستحيل مو معناته تقدير الشخص ممتاز يعني إنه فلتة زمانه

ومو معناته المعدل ضعيف يعني الآدمي فاشل

نيوتن ما كمل دراسته وانشتاين اتهم معلمه بأنه لا يفهم!!

بالتوفيق

[غزلان جدة]

شكرا اخ ملك الهوكي عالرد والاهتمام....

والله تعبنا من كثر السؤال والبحث الله يعين ...
وبالنسبة للجامعةالعربية المفتوحة انا حاليا اختبرفيها النهائيات للسميستر الاخير للدبلوم التربوي والله يسهل الاثنين القادم ان شاء الله بننتهي

تمنياتنا لكم بالتوفيق ....شكرا مرة اخرى ع رفع المعنويات...

امور التعليم واجراءات القبول والبحث والتقديم اصلا صعب في كل مكان مدفوع ولا غيره الله يسهل لنا ولكم دراستكم يارب....ولنا الله الكريم الرازق...

فقط نريد دعوات ....

للجميع ودي...

[بنكي..بنك الرياض]

اذا تبي ابتعاث خادم الحرمين بغض النظر عن المعدل هذي طريق جربوه اصحابي
ادخل معهد لغة انجليزيه وشد حيلك في اي دوله والافضل امريكا بعد 3 شهور راح يضمونك للبعثه
او
عندك الجامعات الاهليه لانهم مايدققون زي الحكوميه وبرضو يظمونك بعد ترم للابتعاث الداخلي
اسال الله ان يحقق لك ماتتمنين

[غزلان جدة]

أهلا اخ : بنكي بنك الرياض

تسلم عالاهتمام والرد والمشورة ويارب يعطيك العافية والتوفيق بحياتك ..

بس عفوا ممكن تذكر لي اسماء جامعات اهلية بجدة تقبل ماستر غير التنفيذي..

جامعة دار الحكمة مثلا ماوضعها؟ لو تعرف ارجو الرد.

ولكم منا كل الود...

[ام لقمر]

اخ بنكي
ممكن تعطينا التفاصيل
ظمومهم للبعثه بعد ماجالو معدل صح؟؟ وكيق قدمو على المنحه؟؟
واختي غزلان انا ناويه اقدم في الجامعه الالكترونيه السعوديه بس المعدل الي يقبلوه من3وطالع
بس بقدم الترم الجاي لين مايعطوناالوثائق

[هدوٍء~]

الاخ اللي يقول لو معدلك منخفض ادرسي لغه وشدي حيلك كلامك غير صحيح لأن الملحقيه اصلا ماراح تعطيها موافقه باكمال الدراسه لان معدلها منخفض انا زوجي برضو خريج جامعة عبد العزيز ومقبول وكان بيكمل في مصر ورحت معاه بنفسي الملحقيه وكلمنا الملحق هناك وقال لنا بالحرف الواحد معدلك مقبول الوزاره اصلا ماراح تعطيك موافقه انك تكمل قال له زوجي طيب انا بكمل بفلوسي قال له حتى لو بفلوسك تبغا تكمل روح لكن بما ان ماعندك موافقه لما ترجع ماراح يعتمدو لك شهادتك ولارح يختموها لك

وسأل في كل الجامعات اليمنيه قالو له ماينفع لان معدلك ضعيف



مافي الا حل واحد انك ياأختي تاخدي مواد تكميليه او تاخدي المواد اللي جايبه فيها مثلا اف او دي وتعيديها مره ثانيه عشان ترفع لك المعدل بس اسألي اول شي هل عندنا موجود هذا الشي لان بالخراج موجود انك تاخدي مواد بنفس كليتك او كليات ثانيه عشان ترفع لك المعدل

[غزلان جدة]

شكرا لك أخت هدوء عالاشارة وكنت افكر بهالشيء فعلاً بس ماندري هل اعادة بعض المواد يمكن اولا لتحسين المعدل , وادا كان ممكن :هل ايضا حتى لوكان التخرج من فترة طويييلة؟

اخت ام القمر: اشكرك عالمشاركة في متصفحي وسؤالي ..ولكن ام القمر: الجامعة الاكترونية السعودية جات في بالي لكن ماوضعها وماشروطها وماوضع الاكمال بعدها وهكذا ؟؟ ياليت اللي عنده معلومات ياليت يشاركنا عن قبولنا
في الماستر الخاص دلونا عالجامعات الخاصة داخل جدة .او عن الطرق اللي توصلنا للقبول للماستر ارجو ارجو التفاعل بالمعلومات الاكيدة والله العمر راح!!!

وللجميع مني كل الود....