تجارب بنات جده في المعاهد ومكاتب التوظيف

[Aroma Flowr]

المشاركة الأصلية كتبت بواسطة خجل~ انا جربت معهد الابداع الكندي ماعجبني ابدا ( انجليزي ) جربت بيرلتز رائع جدا صحيح غالي حبتين بس مقارنة بالنتيجة مو خسارة فيه درست اربع مستويات والحمدلله تحسنت لغتي كثير

حبيبتي بيرلتز فين موقععه بالزززبط وككم الرسسوم

[امونة المزيونة]

احترت زيادة:d طب اللي جربو الكندي مين الاستازة الكويسة اللي تنصحوني فيهاا؟!

بسمة: كممم سعر المستوى بسيدات الاعمال؟!

وفي احد جرب وول ستريت ، طريقتهم غير بالتدريس انو اختار الايام اللي حابه اروح فيها والساعات يعني كلووو ع كيفي وبكذا الاسعار تفرق وماقدرت تحددها لانو لازم ازورهم!
سوو في احد جربهم وكيف الاستازات كويسين؟!

[بسمة جوري]

650 بس انتهى هذاالشهر اتصلي واستفسري اذا لسى موجود ولا انتهى

بالنسبة لمعهد الفتيات صح كلام الاخت الي قالت انهم يكرفوك ورواتبهم 1300
انا سالت واتأكدت والله حرام ماتوقعت كذا

[كشتي فرشت عشتي]

طيب الله يرضى عليكم اللي جربت بيرلتز تقولنا بكم المستوى


انا جربت الابداع الكندي عادي مو بطال الميزه اللي فيه انو تقدري تعيدي المستوى مجانا اذا حسيتي انك مااستفدتي

تقدري ترجعي تعيديه مجانا :)

[( لافندر )]

بنات من جربت معهد اكسفورد
انا مرره ميح في اللغه ماعرف شي وحابه اسجل فيه بس ابغى احد يكون مجربه وينصحني فيه اولأ ؟

وكمان اختبار تحديد المستوى .. كيف؟
يعني شخص جاي يسجل وهو مو عارف شي باللغه كيف راح يحل بالاختبار ؟

ابغى اجابه شافيه عشان اعرف اروح لهم الاسبوع الجاي ولا لأ ؟

[بسمة جوري]

اختبار تحديد المستوى انا سويته وانا ماني مذاكر احسن لانك بتطلعي على طبيعتك استخيري واتوكلي

ماقيد سمعت عن احد دخل اكسفورد اكثير شي بيرلتز والكندي

[( لافندر )]

بسمة جوري

شكراً على ردك ..
بروح لهم هالاسبوع وان شاءالله خير

[أحـب الفله]

بنات مين جربت دورة كامبرج وفي اي معهد افضل
و دورة محاسبة ..؟

[بسمة جوري]

ياهلا بالجميع ربي يوفقكم

[بسمة جوري]

ياحلوات في وحده تبي تبيع مستوين انجليزي لمعهد الابداع الكندي ب900 وهي شرته 1300