الا جامعة المؤسس جامعة الملك عبدالعزيز جامعتي الموقرة

[الأسد الحنون]

السلام عليكم
انا كتبت هالموضوع بعد ماشفت توجه غير لائق في مواضيع بعض الاخوان في المنتدى هداهم الله
وذلك في نقد الجامعة ومنسوبيها نقد هدام وكأنهم يبررون ان التحصيل الدراسي سيء بسبب جه واحده!!
وقد تحول الموضوع الى التعصب القبلي في احدى المواضيع!!
بل الأدهى والأمر نرى بعض الاختلاق وسامحوني على كلمة (كذب علني) في بعض المواضيع
ولا أعلم مالفائدة بذلك هل هو افراغ شحنات من كبت الاختبارات وضيق الوقت في المذاكرة والاهمال والتقصير من الطالب ليحمل العبئ على الجامعة!!
ام هناك بغضاء لأشخاص معينين وكما رأينا في بعض المواضيع سب وقذف وتعصب قبلي!!

جل من لايخطئ!!

نعم جل من لايخطئ نعم هناك اخطاء من قبل الجامعة وهذا يحصل في كل الجامعات بشكل عام.

فليس من الجميل لو حدث خطأ ان نركز عليه ونعمل فيه كما يقال ( من الحبه قبه !!)
وننسى كل الايجابيات في هذه الجامعة!!

بودي من يعارضني ان يذهب ويدرس في احدى الجامعات الاخرى من دون ذكر الاسماء ليرى الفرق الشاسع!!

انا الان في المستوى الرابع وكل مستوى يزداد حبي لهذه الجامعة لما رأيت من اخلاق وطيبة في التعامل ولما رأيت من سهولة في الاختبارات ولما رأيت من المساعدة في رفع الدرجات
فكم من مادة اجزم بها f فأتفاجأ باجتيازها وذالك بفضل الله ثم بفضل المساعدة.


فياليت اللي ينزل موضوع يراقب الله ولا ينسى انها ستكون شاهد عليه يوم القيامة
لايجي طالب كسول يذاكر قبل الاختبار بكم يوم ولا طلعت النتيجة سلبية قال ظلم !!!

ولايجي طالب مايتقيد بالأنظمة ويبي كل شي يسير على مزاجه!!


وبالاخير احب اقول

الى الامام ياجامعة الملك عبدالعزيز ..

[R0oro]

الحمدالله انا من دخلت الجامعة ولايوم قد لقيت معاملة سيئة

او ظلم بالدرجات وصحيح اخوي حتى الاختبارات سهلة

بس اهم شي الواحد يذاكر من بدري ولا يحط اللوم على غيره

وانا كل يووم يزيد حبي لهالجامعة ولاقد ضرتني بشي ..

الحمدالله على كل شي ...

ويعطيك العاافيه ..

[الأسد الحنون]

^
||

بيض الله وجهك وبالتوفيق

[النديم]

أخي الفاضل

الأسد الحنون ... السلام عليكم ورحمة الله وبركاته ...

أنا شخصيا أضم صوتي لك و كلامك ما فيه شك أنأ لي الأن الترم الخامس ولم أرى سوى كل شي حسن ولله الحمد والمنة

لكن أحب أوضح شي بسيط فقط ..

الأخوه والأخوات اللي ممكن صار معهم شي مخصوص فشي طبيعي إنه يعبر عن مشكلته الخاصة بس للأسف
طريقة التعبير تكون هجوم كلي على الجامعة مع إنه في الحقيقة جدا بسيطة مشكلته ..

وطبيعة البشر التذمر فتشوف أغلب الناس يشتكي من وظيفته مع إنها في الحقيقة ما فيها شي لكن مثل ماقالوا

ما فيه أحد مرتاح أسأل الله أن يريح بالنا و يغفر لنا ولكم ...

جدا راق لي ما طرحت ورايتك بيضا وأسأل الله العلي القدير لي ولك ولسائر إخواننا وأخواتنا السداد والتوفيق ...

تقبل مني وافر التقدير

أخوك النديم ....

[ابو نهاد820]

اقول الله يوفقك يا اخوي كلمهم ينزلوا لنا النتائج
وانا من الناس اللي في صفك اذا كنت بجده

بس رابغ غير

[Nephrology]

كلام جميل و واقعي ،،،،،، الله يوفقك


وتقبل مروري

[][_ غــــــيــــــر _ ][]

السلام عليكم ورحمة الله وبركاته ..
اذا حصلت موضوع من هالنوع وفيه ردود غير لائقة استخدم ايقونة التبليغ عن مشاركة مخالفة ليتسنى لاي مشرف او مشرفة متواجدين في المنتدى التصرف ..
بخصوص من يرغب بالانتقال لانه رسب فهو لن يستمر طويلاً بأي جامعة خصوصاً اذا كان يعتقد بما أنه دفع الرسوم الدراسية فمن حقه أن ينجح حتى ولو لم يذاكر المادة ويؤدي الاختبار بالشكل الصحيح بل ويغضب اذا تم كشفه في محاولة الغش ويكابر ، وللمعلومية جميع المنتديات الجامعية تجد من الطلاب والطالبات ملاحظات كثيرة على جامعتهم ..
تم تعديل العنوان ..

بالتوفيق للجميع ..

[الأسد الحنون]

بارك الله فيكم

وبارك الله فيك استاذي القدير غير

وشكرا عالتنبيه وتغيير العنوان
دمت بود

[المنسية]

موضوع رائــــــــــع


تم التقييم .

[الأسد الحنون]

يسلمو عالمرور والتقييم
دمتم بود