بَين آختبار تحديد المسَتوى وَ الايلتس ؟! ( عنوان مبهم )

[LEGO]

السلام عليكم ورحمة الله وبركاته


أنا دحين بكرا عندي اختبار تحديد مستوى

بس عندي شهادة الأيلس 5.5 تقريبا سنة وفي الشهادة مكتوب سارية لمدة سنتين

مو لازم أختبر تحديد مستوى صح ؟ حيعادلولي هيا ولا ؟

[fto0o]

لاتعتمدي علا اي شي في جامعتنا ..

لازم تروحي لمبنى الانجلش اليوم او بكرة وقت الاختبار روحي وكلمي المسؤولة الكبيرة الي هناكا ووريها الشهادة وقوليلها انا بعادلها وهيا تقلك اش حيصير

بس احسن شي انك تروحي بكرة وتشوفي النظام هما حيشرحوه بكرة وتوري المسؤولة الشهادة وتاخدي منها الكلام الاكيد ..

وإن شاء الله مايسير خاطرك الا طيب ^^

بس لاتفوتي اختبار بكرة لانك حتتبهدلي لو ماعادلولك بعدينا ..
ف انتي اضمني نفسك من كل الجهات ..
ووريهم الشهادة قبل لاتدخلي الاختبار قالولك عادلنالك عادلولك .. مانعادلك دخلتي الاختبار فخمتي كيف ؟؟؟

بس اسألي الراص الكبيرة فيهم الي حتيجي تعرف عن نفسها وتقول انا مدري مين وكيلة معهد الانجليزي وتبدأ تتفلسف وكزا ^^

وبالتوفيق ..

[DNA-]

إذا اردت نصيحتي الافضل ان تتروى قليلاً قبل ان تفكر في معادلة اللغة النجليزية لأن اللغة الانجليزية هي من اكثر ما يساعد على رفع المعدل في السنة التحضيرية مو زي الفيزياء الله يخلف

[LEGO]

طب افرضوا اختبرت وجبت المستوى الأول مثلا

وبعديييين قررت أعادل الايلس

يعادلولي هيا ؟ ولا يثبتوني عل المستوى ؟

[fto0o]

ممكن يعادلولك .. بس كيف ازا عندك الشهادة وتاخد المستوى الاول

ترا الانجلش صح نوعا ما يرفع المعدل ازا انتا مستواك عالي فيه وحتجيب في 90 في كل ليفل .. بس يضيع الوقت صحححح يعني من 8 لـ 11 -- او من 12 لـ 3 العصر بشكل يومي !
كل دا ع الكرسي تاخد كلاس انجلش وفي النهاية ينحسبلك ساعتين في الاسبوع !
الصراحة روح اختبر بكرة عشان تضمن نفسك وبعدها روحلهم يعادلولك او قبل الاختبار وريهم الشهادة وهيا يدلوك اش حتسوي

[LEGO]

اها يعني مافي مشاكل حتى بعد ما تطلع النتائج يعادلوا

[ǁ غــلأآإ ، رٍوٍحــي ǁ]

المشاركة الأصلية كتبت بواسطة lego طب افرضوا اختبرت وجبت المستوى الأول مثلا وبعديييين قررت أعادل الايلس يعادلولي هيا ؟ ولا يثبتوني عل المستوى ؟

عادي اختبري ،، والمعادله تكون بدايه الدراسه ومالها دخل باختبارهم !

[LEGO]

مرررررررررررررررررررررررررررة شكرا كلكم حبة حبة والله مرا ساعدتوني

حبيتكم حسالكم دايما :d

الله يوفقكم كلكم ويسعدكم

[Syoufey]

صدقيني لو مستواك عالي في الاليتس أكيد بتجيبين مستوى عالي في تحديد المستوى ولّا؟؟!، وبعدين المادّة على ماسمعت ترفع المعدل كثير وعلى مستواك الرابع أول الثالث يعني ماراح تدرسين إلا الفصل الثاني

[TCHECO]

نصيحة لاتعادلين الانجليش ..
وبماان مستواك عالي ..فترفعين فيه المعدل كثير ..
لانه اذا عادلتيه ماراح يحسب لك بالمعدل فقط الساعات تحسب لك ..