استفسار بخصوص القبول في التدريب التعاوني

[Queenito]

السلام عليكم
ابغا استفسر عن شروط القبول في التدريب ؟
يعتمد على المعدل \ اللغة \ المقابلة \ او كلهم او حاجات تانية ؟؟؟
متى موعد التقديم ؟
اقدر اختار المكان الي ابغاه ولا هما يحطوني ع كيفهم ؟

[noreeman]

أهلاً استاذة كوينيتو

زمان عنك ان شاء الله انك بخير

بالنسبة للاولوية فهيا للمعدل واثناء المقابلة يتم التركيز ع اللغة الإنجليزية عندك
بالنسبة للبنات ما اعرف كيف يتم اختيار الشركة بس اتوقع مثل عندنا مقسمة لعدة مستويات الشركات الافضل في فئة وتتدرج نزولا الى الشركات العادية
وبالنسبة لموعد التسجيل راح يذكرونه في الموقع تبع الكلية او اسألي اي احد مسؤول عندكم عشان يعطوكي موعد تقريبي


وبالتوفيق ان شاء الله في التدريب

[adnans]

وعليكم السلام ورحمة الله

أدخلي على هالرابط أختي الموجود فالأسفل :

http://ctp.kau.edu.sa/Default.aspx?S...=120031&Lng=AR

هذا فيه الشروط وكل شي يخص التدريب

بخصوص سؤالك ما يهتموا كثير فالمعدل أهم شي فوق ال 3 أظن واللغه برضه مهمه لكن أعرف عيال راحوا وهم فاللغه من جنبها ما يعرفوا يهرجوا بس أظن اللي يهمهم أكثر شي ثقة الشخص بنفسه وكلامه يكون واضح وزي كذا ولين يختارولك شركه معينه حاولي قبل ما يسووا معك المقابله تدخلي النت تاخذي معلومات عنهم وايش اهتماماتهم وزي كذا حيسألوكي الأسئله ذي وحيقولولك سؤال جدا مهم وين تبدعي أكثر فالعمل وهل لك خبره معينه ونبذه عن نفسك وممكن يخلوا جوالك عالعام قبل المقابله ولين يدق حتكوني تتكلمي معهم فراح يختبروا وقتها هل راح ترتبكي وكيف حيكون أسلوبك معهم وقتها أشياء كثيره أخاف أذكرها تملي منها موعد التقديم أظن فالترم الثامن لأنهم قالوا من الدفعات الجايه مستحيل أحد يتدرب فالترم الثامن لازم الترم الأخير .. وما تقدري تختاري مكان الاختيار عشوائي الا اذا في واسطات فالموضوع
عموما ربي يوفق الجميع لما يحبه ويرضاه والسلااام ختااام

[sosomhmd]

حتى انا محتااارة وعندي عشرومية سؤال !! طيب انا قدمت عالتدريب ومخلصة كل المواد الترم التاني من السنة الجاية ان شاءالله ،، أقدر أقدم عالتدريب صيفي ؟؟ ابغى صيفي حيكون أسهلي في المواصلات ،،، واذا ما رضيوا حأتدرب الترم اللي بعدو ! ما أقدر اختار شركة قريبة من بيتي ؟؟؟ ومن متى لمتى الدوام ؟؟ ولا على حسب الشركة ؟؟ وكمان لو انقبلت في شركة وما ناسبني موقعها مع ازمة المواصلات اقدر اغير ؟؟ ولا يخلوني اخذ مواد اخيارية ؟؟ ،، وكم مرة لازم اروح للجامعة للمراجعة والتقارير والاشياء اللي في فترة التدريب ؟؟





مرررة شكرا ومعليش عالتطويل لاني ابغى ازبط جدولي ومو عارفة احط مواد اختيارية ولا بلاش

[adnans]

أختي أنشغلت حاليا بس لي عوده ورد لكلامك أن شاء الله أعتذر

[Queenito]

شكرا لكم :)