بخصوص صعوبة اسئلة د.ايمان ياغي في الامتحان ((رجاء يابنات ادخلوا ))

[حبي لذاتي قمة أولوياتي ~]

يلا كله باجره وفي النهاية درجات دنيا ~

ربي يعوضنا في باقي الإختبارات ياقمورات ،’ )

[thegoldwoman]

حبيت اشكر اخواتي حبيباتي الي واسوني .. ترى يابنات دعمكم النفسي ريحني

فوفو شكرا ياغالية .. والف شكر

جينا 2 .. مشكورة حبيبتي على دعمك

العزيزة الغالية حبي لذاتي .. ربي عالم اني حبيتك لرقي شخصيتك وطيبة قلبك مشكورلاهتمامك فيني والف شكر

الاخت معالم السعادة .. ربي يوفقك يالغلا

ام السعد الحنونة الطيبة .. الف ششششششششششكر
براءة قلب كلك ذوق حبيبتي على اهتمامك ومواساتك

[miss lulu]

ان شاء الله ربي يعوضكم بدرجاتكم وما دام الكل نقص أكيد راح تراعي د/ ايمان في التصحيح

وأكيد د/ ايمان ماراح تظلم أحد

انتوا كلموها بسؤال بونس او اللي درجتها مره مش حلوه أنا أنصح انها تعيد الاختبار أقلها عرفتي أسلوبها في طريقة وضع الأسئلة

وللأخت اللي حابه تسحب يابنتي كلنا انضغطنا في الدبلوم كلنا جاتلنا أيام طفشنا / اكتئاب/ ملل / احباط فظيييع

ومع كدا الحمدلله اتخرجنا وفرحنا بتخرجنا ولله الحمد

ترى الضغط يولد الانجاز ومو بس كده انت انضغطتي ضغط مو طبيعي في الدبلوم صدقيني لما تروحي تكملي الماستر راح تحسيه أسهل من الدبلوم

مو عشانه أسهل لانك جربتي الضغط على أصوله في الدبلوم ولعلمك حتى الماستر ضغط بس اللي جرب الأمر راح يهون المر عليه ^_^

وياعزيزاتي كلنا مرينا بتجربتكم من احساس بالاحباط والضغط بس راح تنبسطوا من درجاتكم في النهائي

معليش هونوها وراح تهون والضغط مو بس عليك ولا عليها فكري كل البنات مضغوطين مو

لا انت اقل منهم ولا هم افضل منك

وان شاء الله ربي يعوضكم بدرجات ما تتخيلوها أهم شي لا تجي وحده تفكر تسحب :(

وع حكاية الرسوب لو وحده خايفة نادراً أسمع وحده حملت مادة بنتين شوفتهم طول دراستي في الدبلوم كانوا حاملين مادة ومو من دكتوراتنا اللي درسونا من الدفعة اللي قبلي

لعلمك الدبلوم تغير مره كتيييييييييييير صار للأفضل والأحسن زمان ما كان كدا

معليش طولت في الكلام بس لاني مريت بنفس تجربتكم وجاني نفس احاسيسكم صدقوني لما تخلصوا الدبلوم بجد راح تحنوا لأيامها وراح تفتكروا المواقف وتضحكوا عليها

صح دحين تعب وارهاق وممكن احباط بس كلوا راح يهون ما بقي شي ويخلص السميستر واللي بعدوا أحلى وأحلى

ربي يوفقكم ان شاء الله ويسهل عليكم دراسة الدبلوم

ولصاحبة الموضوع مافيها شي روحي وقولي لدكتورة ايمان اللي بخاطرك ان الاسئلة صعبة ومن هالامور صدقيني راح تتقبل كلامك بصدر رحب وكلموها على درجات البونس

امكن أغلبكم انخسف بالصح والخطأ لأنه يجي غير مباشر،، اعترف كنت انقص بسبته ^_^

ومعليش مره تانيه طولت في الحكي ،،

ربي يوفقكم يــارب ونفرح بتخرجكم قريب ^_^

[thegoldwoman]

يسعد قلبها يا نااااااااااااااااااااااااااااااااااااااااااس مس لولو

الف شكر يامس لولو على الكلام الحلوووووووو الرااااااااائع ..

انا بالفعل بروح اتكلم معاها واطلع الي بخاطري

مااقدر احضر محاضرات لها وانا في خاطري شيء

ربي يوفقك ياقمورررررة ويعطيك ماتتمني

[تهاني حميد]

السلام عليكم

توني اشوف الموضوع

بصراحه قعدت احسبها بيني وبين نفسي يعني انا عطتني ٢١ مع درجتها الاضافيه٢٢ مافرقت
اجيب ٣٠ التكاليف كامله ولا لا الله اعلم نقول كامله كم صارو ٥٢ طيب حلوو

نجي للنهائي من اربعين نقول اخذ ٢٠ كم بيصير كله مع بعض ٧٢ درجه يعني فوق الرسوب بثلاث درجات

منشان هيييك شكلي راح اعيد وبقلب جامد ونقولها تختار افضل الدرجتين بكذا ماصار منها اي تقصير
مع اننا قلنا وزعي الدرجات من ١٥ درجه ونختبر ثاني من ١٥ بيكون اهووون

الله يختار اللي فيه الخير بس

[thegoldwoman]

صباح الليل ياتهاني..

اجل انا جالسة اولول من الصباح على ايش ؟

ياحياتي موضوع الدرجات الي راحت

موضوع محتاج اعادة تقييم ..

يعني .......................................... لاتعليق

[.fufu]

ياحياااتي انا يامس لولو درر كلامك الله يسعدك دنيا واخرة ويحققلك احلامك يااارب... هونتي من اللي فيه وخلاص هونت عن الانسحاب وانا استخرت ربي قبل التسجيل في الدبلوم والخيره فيما اختارة الله وعلى قولت اختنا ام السعد مانسمح لانفسنا من اختبار واحد يحطم معنوياتنا المفرووووض دا الشيء يقوينا ونجتهد ع انفسنا اكثر .....كلمه اخيرة بنااااااااااات الدبلوم العام كلكم اخواتي وماراح انساكم من الدعاء لي ولكم الله يوفقنااا يااارب وننال اعلى الدرجااات في الدنيا والاخرة ......