بنات التخرج الى مع اميمة خلاف

[mano8ool]

السلام عليكم ورحمة الله وبركاته
بنات الى مع اميمة خلاف في بحث وتدريب
تقولي راحت لها في الجامعه والا لا وايش قالت لها وكيف كان اسلوبها وايش اقترحت عليها في مكان التدريب وايش هي الاجرات الى قالت تسويها وهل اقترحت موضوع معين للبحث او لا
بنات ياريت ماتبخلون علي عشان نستفيد من بعض
بالنسبة لي لسا مارحت الجامعة ولا سجلت في اي مكان للتدريب ماادري محتارة
معليش طولت عليكم
تحياتي

[طالبه جامعيه 408]

منول على ما اظن اميمه يوم السبت ماكانت موجوده صاحبتي راحت لها كم مره لقت المكتب مقفل واصلا الدكاتره مره حايسين دا الاسبوع بالقوه يعطو وجه

[عـــســـل]

كوووويس انك مع أميمه اانا كنت معاها وبصراحه هذه الاستاذه أكثر من رآئعه

انا بقولك كل شي بالتفصيل


اول شيء ادربت في دلة البركه ....


أميمه من النوع اللي تبغى مواضيع البحث تكون جديده لا تختاري مواضيع بنات قبل كده كتبوو فيها

انا موضوعي كان مراجعة المخزون السلعي والأجور والرواتب ,,,

بس نصيحه قبل لا تبدئي في التدريب قوليلها اسم موضوعك لو قالت اووكي اتوكلي على الله

طريقتها ..

أول أسبووع تبغى منك الخطه تحتوي على مقدمة التقرير وأهداف التقرير وحدود التدريب

المقدمة تكتبي نبذه عن موضوعك ,,, وأهدافك من الموضوع ،،، وحدود التدريب اللي هوا اسم المكان اللي تتدربي فيه والمده ...

وأول مااتخلصيها روحي وريها عادي هيا راح تعدلك كل شيء لو فيها شي غلط ماتنقصك درجات ولاشيئ

بعد كده أبدئي في الجزء النظري الي من الكتب في المكتبه .. بس انتبهي الكتب تكون من عام 2000 وفوق ماتبغى كتب قديييمه ,,, وماتحدد عدد الكتب كم ...

بالنسبة للجزء العملي يكون تصوير شاشات للي اتدربتي فيه .. .

في النهاية النتائج والتوصيات ...

النتائج / اكتبي انتي ايش اتوصلتي له من خلال بحثك ..

التوصيات / زي الانتقادات للمكان اللي اتدربتي فيه ...

من أهم الملآحظآت :

انتبهي من الأخطاء الاملائية وبعد ماتكتبي اعملي تحديد الكل وحطي ضبط عشان يكون الكلام تحت بعض ..
وكمان علامات الترقيم تحاسب عليها وكتابة المرجع والصفحه كمان ضروري مره
التنسيقات كان الموضوع الجآنبي تخليه بخط كبير شويه وملون أما بآقي الكلآم باللون الأسود ,,,
مجرد ماتخلصي من الجزء النظري روحي وريها هوا وتقراه وتعدل عليه واليوم التاني خديه بس معليش تنقهري لان تصحح وتشخمط وتكتب لك ملاحظات ههههه

طبعااً في قائمة محتويات زي الفهرس

تعلمكم هياا على كل شيئ لا تخافي والله مره عسسل

وبعدين ترا كل ماتروحيلها تحط قدام اسمك صح وهذي الروحات والجيات عليها درجات يعني مو بلاش هههه


بالنسبة للمناقشه .. عن نفسي انا كلها 10 دقايق سألتني ليش اخترتي المكان وليش اخترتي دا الموضوع ويكون البحث قدامك وتكون عندها نسخه وتقولك افتحي صفحه كذا وتسألك وعادي انتي اتكلمي وقولي اللي عندك حتى لو قريتي لها الكلام ماتقول شيء ..
في بنات طولت معاهم بس عادي

اهم شيء لا تدخلي وانتي مرعووبه لا تسوي زيي دخلتها وانا كنت ابكي من الخوف ههههه

هذا كل شيء وربي يشهد على كلمه كتبتها

بالتوفيق ياقلبي

[عـــســـل]

اذا تبي اي شيء ارسليلي على الخاص وان شاء الله أشيك على المنتدى أول بأول

[عـــســـل]

بناااااااااات نصيحه روحو من دحين دوروو على اماكن للتدرررررريب لا تتورطووووووو ...

[mano8ool]

عسل الله يوفقك يارب
مشكوره على رد بس انا مااعرف ايش هو الموضوع الى بكتب عنه مااعرف اذا الاستاذة تقترح علية مواضبع والا لا لانو انا مافي بالي شي من الخوووف

[mano8ool]

طالبة جامعية مشكوره حبيبتي

[mano8ool]

عسل مااقدر ارسلك على الخاص لانو مشاركاتي قليلة
بس بسالك عن المكان الي تدربتي فيه وين هوا ؟ ومتى سجلتي فيه ؟ وايش تعرفي مكان غيره لاني ابغى اروح بالبيد لانو قريب من بيتي
وبالنسبة للموضوع الى اخترتيه انتي اخترتيه بنفسك او ساعدتك الاستاذة في اختياره ؟
ومن متى ابدأ اوريها الخطة الى مكتوب فيها اهداف التقرير والمقدمة واحدود التدريب
والله خايفة لاني الى الأن مارحت الجامعة لكن بكرة ان شاء الله بروح
وبالنسبة لجدولك كان عندك اف والا لا لاني ماعندي اف ومحتاره كيف اتدرب
معليش كثرت اساله سامحيني

[حروف البسمه]

موفقين يارب

[mano8ool]

اميييييييييييين يارب