التسويق باللغه الانجليزيه bus 461

[الباشه]

يا اخوان
السلام عليكم ورحمة الله وبركاته
انا خريج ولم يتبقى لدي سوى مادة التسويق باللغه الانجليزيه وحملت الماده عند خزندار ثلاث مرات
وقعدلي على التخرج الله ...
عموما ابغى منكم المساعده لمن حضر الدوره في الترم الصيفي واي ملخصات سهله ومريحه
ولو في استاذ لماده احضر عنده ويدرسني اهم شي اتخرج من هذا العله
وجزاكم الله خير

[محمد عبدالله الدوسري]

نفس الكلام الله يخارجنا

[Francesco82]

يا شباب انا ارفقت لكم ملف خاص بالاسئلة اللي جاتنا في الاختبار قبل تقريبا شهر وعشرة ايام في التسويق بالانجليزي لنفس الدكتور بس حبيت اوضح لكم فقرة رقم (8) مكتوبه صح

8.
When backed by buying power, needs become demands.

a.true b.false


الاجابة الصحيحة = خطأ لانو

buying power +want= demands

وربي يوفقكم ان شاء الله

[الباشه]

المشاركة الأصلية كتبت بواسطة francesco82 يا شباب انا ارفقت لكم ملف خاص بالاسئلة اللي جاتنا في الاختبار قبل تقريبا شهر وعشرة ايام في التسويق بالانجليزي لنفس الدكتور بس حبيت اوضح لكم فقرة رقم (8) مكتوبه صح 8. when backed by buying power, needs become demands. a.true b.false الاجابة الصحيحة = خطأ لانو buying power +want= demands وربي يوفقكم ان شاء الله

الله يعطيك العافيه اخوي فرنشسكو
لكن والله ماني فاهم بالماده اي شي ابغى استاذ يدرسني الماده
او كلمات احفضها تساعدني على الماده او اي حاجه تكفون يا الربع

[اندومي]

الله يستر بس

خوفتوني والله مع اني ماسمعت عن الدكتور الا كل خير ويعطي الناس حقها بدون نقصان

[tiger21]

هلا اخوي الباشه ...

حضرت الاسبوع ذا الدوره التأهيلية واللي يعطينا الدوره
دكتور هندي اسمه ( سيد ) طبعا 70% من شرحه ماافهم لانه
كله انجليزي لكن نحاول نفهم غير ان فيه شباب جزاهم الله خير
يترجمون كلامه احيانا وعموما فيه ملخص بمكتبه ابن سينا واللي
كاتب الملخص واحد اسمه ( توفيق ابوالقاسم ) والملخص ممتاز
والدكتور جابه معاه امس الخميس .. وفيه ملخص بالنت ايضا
جيد اللي كاتبه اسمه ( الصادق ) وراح ارفقه بالرد وفيه كمان اسئله
للشباتر ونماذج اختبار .. وراح ارفق ملف ثاني فيه اسئله ومترجمه
مكتوبه بخط اليد كمان ممتازه .. ممكن تكون عندك لانها موجوده بالمنتدى
من اول ....

طبعا الدكتور قال عن الملخصين راح تفيدكم كثير لانه بصراحه شفنا الكتاب
معاه وشي صعب جدا لكن الملخصين وخاصه ملخص توفيق ان شاءالله
تغنيك بس المهم تركز على الماده وتحفظ المفردات ...
والدكتور كان يشرح من عرض بوربوينت واعطيناه الايميلات وقال انه
راح يرسلها لنا وارسلي بايميلك على الخاص واول ماتجيني رسالة
الدكتور راح ارسلها لك ..

بالنسبه لي اذاكر من ملخص ابن سينا وملخص الصادق اذاكر منه
النقاط اللي مو موجوده بملخص ابن سينا .......

وباذن الله راح نعدي الماده ونرتاح من همها ...

-*-*-*-*-*-

فرانشيسكو ماتقصر يالحبيب دايم معانا اول باول طلاب مسار التسويق
والله يوفقك دنيا وآخره ...

[Francesco82]

اخواني والله المادة دي سهلة ومافيها شيء صعب ازا كان رئيس اللجنة الدكتور / طارق خزندار ودا اللي انا متاكد منو من قائمة الشعب الدراسية فا احتمال كبير حيجيب لكم الاسئلة اللي ارفقتها انا 41 فقرة متأكد منها تمام واللي خانتو زاكرتي 9 فقرات مني قادر اتزكرها احساسي يقول انو الدكتور حا يجيب لكم دي الاسئلة بالنص لانو على حسب ما عرفت وفهمت من الدكتور طارق انو اخد فكرة انو طلاب مادة التسويق بالانجليزي ما عندهم خلفية على الانجلش وصار يركز على الاسئلة دي بس يغير فيها اشياء بسيطة وكمان ترتيب الاجوبة من ترم لترم تاني وجملته المشهورة ( يا شباب اللي ما يعرف الانجلش مو زنبي يروح ياخد دورة الى المستوى الرابع وبعدها يجي يختبر عندي انا مو جاي لكم ادرس انجليزي , ارحموني انا بادرس لكم تسويق بالانجليزي ) معنى الكلام دا انو اخد فكرة كبيرة عن شباب التسويق انو ما عندهم انجلش فاالافضل يا شباب بعد مزاكرة المادة تماما , مراجعة الاسئلة وصدقوني الدكتور جدا متعاون ومتساعد لدرجة كبيرة واللي يقرأ الاسئلة اللي ارفقتها حيعرف انو الدكتور والله ما قصر رايته بيضاء بس الباقي عليكم انتو شدو الهمة معاه وان شاء الله ربنا يوفقكم يارب واي استفسار احنا في الخدمة في حفظ الله اخواني

[الباشه]

الله يعطيكم العافيه ويجزاكم خير
اسئل الله العظيم في هذا اليوم الفضيل
ان ييسر اموركم ويفرج همكم

[الأزرق]

الدكتور طارق خزندار أنا أرسلت له إيميل من أسبوعين ورد علي أمس يقول أنا ما أدرس إنتساب في الصيف ومدرس المادة يقول الأستاذ أو الدكتور سيد الظاهر إنه الهندي اللي مذكور فوق

عموما الله يسهل لي ولكم الأمور دائما بس أتمنى اللي يلاقي ملخص لايبخل علينا أنا شخصيا عندي ملخلص توفيق المذكور فوق وأنا بالرياض واللي يبيه أنا حاضر بأي وقت

[tiger21]

المشاركة الأصلية كتبت بواسطة الأزرق الدكتور طارق خزندار أنا أرسلت له إيميل من أسبوعين ورد علي أمس يقول أنا ما أدرس إنتساب في الصيف ومدرس المادة يقول الأستاذ أو الدكتور سيد الظاهر إنه الهندي اللي مذكور فوق عموما الله يسهل لي ولكم الأمور دائما بس أتمنى اللي يلاقي ملخص لايبخل علينا أنا شخصيا عندي ملخلص توفيق المذكور فوق وأنا بالرياض واللي يبيه أنا حاضر بأي وقت

اخوي الازرق حسب كلام الدكتور سيد لنا بالدوره ان المسئول هو طارق خزندار ...
لكن ان شاءالله الامور ميسره ... الدكتور متعاون معانا ...