كلنا دعاة إلى دين الله ... [[ كيف ؟! ]]

[to0ofy]

السلام عليكم ورحمة الله وبركاته قد يكون عنوان الموضوع كبير في نظركم ولكنني أعنيهـ .. اليوم قاعدة أشوف البرنامج الي مدري اش اسمه ((( اهم شي ههههههه )) الي يعرض على قناة بداية هذي الأيام والي أمي الله يحفظها اذا قعدت قدام التلفزيون ما تحط غيره او السعودية القرآن (( ربي يخليها لنا يارب )) سار يعجبني البرنامج مع أني مو فاهمه أش هدفهم في الحياة ههههه بس أهم شي دكتور عبدالباسط والدعاة الي يجوهم يحدثوهم اليوم وقبل شوي (( لسى البرنامج شغال )) سمعت قصة من الي يحدثهم بس مدري اش اسمه كان في رجل سائقه كافر وولد هذا الرجل صغير في السن طفل يعني كل يوم وقت الصلاة يدق على السائق يقوله (( صديق صلاة )) استغرب السايق من الطفل ليه كل يوم مهتم يدق عليه الباب يقوله صديق صلاة وراح لمركز وقرأ عن الأسلام وأسلم على يد هذا الطفل وأجر وثواب اسلام السائق تعدى الطفل وشمل ابويه الي ربوه على الاسلام والي يذكره بوقت الصلاة و..و..و.. كثير ما نعرفهم أنا على طول جاء في بالي صحباتي في الجامعه أحنا انتساب ودوامنا مسائي من الظهر إلى 9 او احيانا 10 المساء يعني أغلب أوقات الصلاة نكون في الجامعه وأنا لاحظت حاجه عليهم وعلى نفسي أذا قمت أصلي ما أسألهم صليتو او لا ..اقوم اصلي وارجع اكمل القعدة معاهم وكمان وحدة منهم لاحظتها لفترة استناها ابشوف تنبهنا ولا لا وهي نفس الشي تقول ابروح اصلي واجيكم وتصلي وتجينا استغربت مافي وحدة مننا تذكر الثانية بالصلاة حتى لو نحرجها مرة مرتين المرة الثالثه بتقوم وهي رغبانه في الصلاة يعني صرنا الي تصلي تصلي والي ما تصلي هيا حرة وافتكرت وحدة من زميلاتنا كانت معانا اول سنه كانت على كل صلاة تقولنا بنات يلا قومو نصلي وتقومنا كلنا عشان ما يخذنا الكلام من يوم سافرت تكمل دراستها برا ماحد قام بدورها فكرت ليه كل واحد منا ما يكون سبب في اسلام او هداية شخص ما ويكون له أجر عظيم انك تنصح ما يشترط انك تكون شيخ وداعية معروف ليه ما نكون كلنا دعاة إلى دين الله بتصرفاتنا بكلامنا بنصايحنا ما اقولك اقعد لكل شخص ودور عيوبه واقعد انصحه بس ليه ما تحط فكرة ان الدعوة لله والنصيحه لوجه الله هدف من اهدافك وتخليها تنعكس على تصرفاتك ليه ما تستغل كل فرصة عشان تنصح ليه تكتم كل معلومة وكل نصيحه بحجة انك مالك صلاح لا لك صلاح ونص .. ولا تقول ما اقدر كل انسان يقدر أنا ما ابغى اضخم الموضوع الشي الي اتكلم عنه بسيط جدا بس استغل كل فرصة في انك تنصح احد وكل فرصة انك تحبب احد في الاسلام وحاول تكون تصرفاتك احسن وتعطي صورة احسن وتحبب الي قدامك في الخير خلي في بالك أن كلنا دعاة حتى لو معلوماتنا بسيطة عن الاسلام الي تعرفه قوله والي تعجز عنه ممكن تسأل أوتقترح على الشخص الي تنصحه كتيب بسيط يوضحله الي استصعب عليه (( أخي القارء لا تفتي وتوديني في داهيه معاك يرحم امك ههههههه )) <<<< نشكر لكم تعاونكم يارب أكون قدرة أوصل الفكرة ببساطة

[أمير القلوب]

يعطيكـ ألف عافيه
والشيخ هو / سليمان الجبيلان ربي يحفظه
والطاقم كان يضم
الشيخ / سليمان الجبيلان - الشيخ / صالح الحمودي - الشيخ الدكتور / خالد الدايل

خذي القصة الثانيه :
هذا واحد قحطاني لا يعرف انجليزي ولا شي قابل ذاكـ الفلبيني يوم شافه عطه كتاب وقاله ((( أقر ))) << بالعاميه
طبعا مع دفعه للكتاب الذي أعطاه إياه
المهم الفلبيني أخذ الكتاب ولما وصل للبيت رماه على الطاوله
بعد شهر تقريبا الفلبيني كان أتوقع عنده مشاكل مع أهله أوشيئ يعني بالعربي كان طفشان
ومر وشاف الكتاب اللي صار له شهر قال خل أقراه وهو يتذكر ((( أقر )))
الفلبيني عجبته الفكره والاسلام وراح للمكتب شرحوا له الاسلام وأسلم الان وأسلم على يديه المئات
لله دره كلها ((( أقر ))) وأجر كل اللي أسلموا له منه نصيب وهو لا يعلم
ما أحلمه من رب رحيم عظيم كـــــــــــــــــــــريم

يارب إجعلنا ممن يقدمون للإسلام ما يرضيكـ به عنا ،،،

[شرووق]

توفي ...موضووعك مرره حلوو ...
الله يعيننا يااااارب ....


سلمــتِ ياارب على هالموضووع ...