اي فرع هو افضل فرع للكلية؟

[Drama Luver]

انا في التحضيري و حابة اتخصص حاسبات بس مو عارفة اي فرع هو افضل فرع لهادي الكلية
انا متوقعة انو السليمانية بس سمعت ناس بيقولوا الفيصلية هوا افضل فرع و انو الناس كلهم بيحولوا على هناك بعد فترة
اللي يعرف بليز يفيدني :)

[SoSoooo B]

قلبي شوفي كل شي له عيوب وله ايجابيات :)
انا ادرس في الفيصلية واحس نفسي الحمد الله مررة مرتاحة وتقريبا انا تاني دفعة ندرسس فيها :) صح لسة المبنى حقنا يتبني بس اساتذنا كويسات الحمد الله وماشاء الله الشؤون متعاونة معانا كتير وفي بنات من السلمانية حولوا عندنا ومررة ارتاحوا كذا بنت اعرفها وترا وكل واحد راح يمدح فرعه بس انتي استخيري وشوفي ربي يسهلك اللي فيه الخير <3

[Drama Luver]

مشكورة عالرد :)
طيب مين الافضل من ناحية التدريس و المبنى و الكمبيوترات و كله على بعض؟ يعني مثلا احنا عندنا في التحضيري معروف انو السليمانية في نواحي كتير احسن من فرع الشرفية و غيرها..
اللي عنده اي معلومة بسيطة بليز لا يبخل عليا احتاج كل معلومة صغيرة

[asma'a]

^

زي ماقالت سوسو كل واحد حيمدح فرعو :p ..

الصراحة انا مبسووطة في السليمانية الحمدلله :$ .. بس صدقا مااعرف مين أحسن الفيصلية ولا احنا :p .. لأني ماجربت الاثنين :$

إن شاء الله يجي أحد جرب الاثنين ويفيدك

وصح احنا صار عندنا مبنى مستقل وخطيييييييير :$ .. لو تبي تشوفيه تعالي سوي زيارة :p ..

بالتوفيق ي بطتي

دمتـِ بخير ..

[SoSoooo B]

والله ماادري ياقلبي زي ماقالت اسماء محد يعرف انتي استخيري ترا الفيصلية مررة يناااس المعامل جديدة وبرضو الكلاسات حلوة بس احنا ندرس في مبنى العلوم وان شاء الله قالوا سنة وراح ننقل للمبنى الجديد <3 الاستاذات مررة طيبات بس في وحدة الله يهديها وتررا مرة مافي شي كامل الكمال لله <3
بالتوفيق قلبي <3

[Drama Luver]

جزاكم الله خير :) انا حاستخيرو ان شاء الله ربي يكتبلي اللي فيه الخير