جامعاتنا جشع وطمع واستغلال وفساد إداري

[حاتم 1]

تخيل طالب متخرج بكالوريوس إداره بنسبه 4.16 ويطمح بإكمال الدراسات العليا ولكن يصطدم حلمه وطموحه بطمع وجشع جامعاتنا (زود على جشع التجار)لقد تقدمت بطلب إكمال الماجستير في جامعة الملك سعود ولم يتم قبولي برغم معدلي المشرف وقدم معي زملاء اقل من معدلي وتم قبوله (الله يرزقهم)ولكن الواسطات والفساد الاداري في جامعتنا ومن قبل اكاديميين في الجامعات نفسها للاسف وبعد إستبعادي من المتقدمين قدمت على جامعة الامام محمد بن سعود وتم قبولي وقبل بداية الدراسه طلبوا مني دفع الرسوم الدراسيه ونتيجه لوضعي المادي المزري لم يتم قبولي لعدم دفع الرسوم وقدمت على جامعة الملك عبدالعزيز وتم قبولي وتم مطابقة الاوراق في القصيم وطلبوا مني سداد 24 الف ريال ولم استطيع دفعها وتم إستبعادي .ماستر ب96 الف ريال بالله هذا يرضي الله اولا ام لا .

ما ندري ندفع للايجار والا القسط والا الجامعه برغم من ان التعليم العالي يخسر الملايين على من يتم إبتعاثهم للخارج يبخل على من هم يحلمون بإكمال الدراسات العليا داخل الوطن .

بعد هذه المحاولات الثلاث بإكمال الدراسات العليا اعلن الاستسلام لجشع وطمع جامعاتنا واكتفي بالبكالوريوس فأسرتي اولى بهذه المبالغ الكبيره من جامعاتنا ويكفي انني صرفت مبالغ كبيره في سبيل الحصول على البكالوريوس فقد دفعت الرسوم للجامعه كامله .

وحسبي الله ونعم الوكيل ...

[abadi2006]

اخوي حاتم

اول شي اهنيك على طموحك ورغبتك فى اكمال الدراسه ماشاء الله تبارك الله عليك

شوف يالغالي الجشع والطمع موجود فى كل مكان
وانت مو اول واحد اعرف ناس كثير مثل حالتك

لكن خذها من نظره ثانيه انت تحتاج الماستر عشان بس شهادة ولا تفيدك في عملك وتكمل
وغير كذا فيه مراكز تقدر تاخذ الماستر فيها بحدود 27 الف ريال بس الشهادة من خارج المملكة

مجرد اقتراح : لو تشوف لك احد هذه المراكز وتاخذ الماستر عن طريق التعليم عن بعد
بس قبل كل شي تختار لك جامعه في اي دولة وتكون الجامعه معترف فيها عندنا
ادخل على موقع وزارة التعليم العالي واختار الدولة وبعدين شوف الجامعات المعترف فيها

وبالتوفيق