العلوم الطبية الأساسية Basic Medical Science

[00اسماء00]

الله يسعدكم من جد بنات كلية الطب اروع البنات الله يسعدكم ويحقق لك مناكم يارب

[00اسماء00]

عندي سؤالل ثاني طيب ما أقدر اسير معييده الا لما اخذ الماستر ولا عادي اسير معيده قبل ما اخذ الماستر

[الرٌواء]

يالله والله دعيت لكم من كل قلبي ياد . بشائر ود . أفنان

الله ييييجززززززززززززززاكم الجنة

جدا افدتوني

بس عندي سؤالين
الدوام يوميا بالسكراب ؟ ولا بايام معينة ؟
وهل لنا مقابلة شخصية ومتى حتكون ؟

الله يعطيكم العافية يارب

[ابتسمي]

المشاركة الأصلية كتبت بواسطة الرٌواء يالله والله دعيت لكم من كل قلبي ياد . بشائر ود . أفنان الله ييييجززززززززززززززاكم الجنة جدا افدتوني بس عندي سؤالين الدوام يوميا بالسكراب ؟ ولا بايام معينة ؟ وهل لنا مقابلة شخصية ومتى حتكون ؟ الله يعطيكم العافية يارب

اعتذر أخواتي بيشو وفنو عالرد ^^

بالنسبة الدوام ايوه رسمي كل يوم بالسكرب وبتداومون كل يوم مع بعض وتدرسون مع بعض بنفس القاعة الانتظام والموازي والعلوم الطبية الاساسية زي ما قالت أفنان

اما بالنسبة المقابله دوبني ادري من بشاير انه العلوم الطبية الاساسية مالهم مقابله <<< بس احسن انبسطوا ^^



بالتوفيق للجميع ^^

العنود نواف

Med11

[Afnan Degnah]

المشاركة الأصلية كتبت بواسطة 00اسماء00 عندي سؤالل ثاني طيب ما أقدر اسير معييده الا لما اخذ الماستر ولا عادي اسير معيده قبل ما اخذ الماستر

آسفة جدا على التأخر بالرد, لأ لازم تكملي دراسات عليا. عشان لو أكتفيتي بالبكالوريوس حصيلتك العلمية ما حتأهلك أن تُعلمي الطب, لازم نستزيد من العلم عشان نعلم ;)

[Afnan Degnah]

المشاركة الأصلية كتبت بواسطة ابتسمي اعتذر أخواتي بيشو وفنو عالرد ^^ بالنسبة الدوام ايوه رسمي كل يوم بالسكرب وبتداومون كل يوم مع بعض وتدرسون مع بعض بنفس القاعة الانتظام والموازي والعلوم الطبية الاساسية زي ما قالت أفنان اما بالنسبة المقابله دوبني ادري من بشاير انه العلوم الطبية الاساسية مالهم مقابله <<< بس احسن انبسطوا ^^ بالتوفيق للجميع ^^ العنود نواف med11

السلام عليكم يا دكتورة العنود :)
شكرا جزيلا لك لإجابتك السؤال, للأسف انشغلت شويه وما قدرت أدخل أتابع الأسئلة

أختي (الرواء) زي ما قالتلك العنود بالزبط, وفعلا ما في مقابلة شخصية لطالبات وطلاب العلوم الطبية الأساسية.
والله يوفقك عزيزتي

[Afnan Degnah]

الله يوفقكم يا بنات ويسعدكم ويريحكم ويجزاكم خير على دعواتكم الحلوة

ولكن مثله و أفضل إن شاء الله

نشوفكم كلكم على خير السنة القادمة بإذن الله

في أمان الله :)

[elaf m j]

دكتوره افنان عندك فكره كم عدد الدفعة ؟ ،، وهل متاح الماجستير بسهوله في الجامعه و لا في شروط و قبول و رفض وإجراءات كثير ؟؟ ،، كمان سؤال انا من قرأتي حبيت علم الاجنه مرررره هل ممكن اتخصص في و لو ايوا متى بضبط حتخصص في الماجستير ولا الدكتورا؟؟؟ ،، انا عارفه كثرت عليكي الاسئله يعطيكي العافيه و شكررررررراااااا

[Afnan Degnah]

المشاركة الأصلية كتبت بواسطة elaf m j دكتوره افنان عندك فكره كم عدد الدفعة ؟ ،، وهل متاح الماجستير بسهوله في الجامعه و لا في شروط و قبول و رفض وإجراءات كثير ؟؟ ،، كمان سؤال انا من قرأتي حبيت علم الاجنه مرررره هل ممكن اتخصص في و لو ايوا متى بضبط حتخصص في الماجستير ولا الدكتورا؟؟؟ ،، انا عارفه كثرت عليكي الاسئله يعطيكي العافيه و شكررررررراااااا

بالنسبة لعدد أفراد دفعتكم, انا كمان حابة أعرف
إحنا دفعتنا 7 طالبات و طالبين, عموما اتوقع نسبة أكبر هادي السنة

علم الأجنة جميل جدا و دراستو سهلة و خفيفة وان شاء الله تستمعي بدراستو, و ماشاء الله عليكي حلو انو من دحين حاطة تخصص في بالك عشان في ناس يدرسو بالسنوات وماهم عارفين ايش يبغو! أن شاء الله لمن تبدئي الدراسة و تطلعي على (طبيعة التخصص العملية) بصورة أفضل يسير تقارني بينو و بين المجالات الأخرى و ماتعرفي حترتاحي ل أيه. لكل تخصص مواصفات و مهارات معينة لازم تتوفر في طالبه ;)

و على موضوع إكمال الماجستير أنا عندي فكرة عامة عن الموضوع. إذا انتي راغبة في إكمال دراسة علم الأجنة يسير تتخصصي في (علم التشريح) لأنو علم الأجنة (Embryology) قسم من الأقسام الفرعية في علم التشريح (Anatomy).

ترا إحنا لنا لقاء بإذن الله في الأيام التعريفية بالكلية اللي حتكون أول يومين سبت و أحد, بعدها الدراسة تبدأ يوم الإثنين. ألقاكي على خير يا إيلاف :)

[ميشو555]

السلام عليكم ...
احتاج منك أفنان الخطه الدراسيه لقسمكم علوم طبيه أساسيه اذا ممكن
يعني ايش المواد اللي تدرس في سنه ثالث ورابع
وفي شغله مافهمتها صح!!
هل في سنه ثالث ( الترم الاول) يكونوا العلوم الاساسيه لحالهم والبشري لحال؟؟!!؟؟!!