مين داومت اليوم..؟

[mesk-3]

السلام عليكم بنات..

كيفكم..

مين فيكم داومت,,؟

بالله اللي داومت تقول لنا اش فيه يعني هل فيه شي مهم نداوم باقي الاسبوع,,

وكمان ابغا اسال اللي تبغا تنزل ترجمة بس مقدرت من النظام لانه لسا ماخلصت رايتنق 2 فهل تقدر تنزله من عندهم..؟

[نص دافوره]

انا داومت ياعسل اليوم

وماكان فيه شي بس رحنا وتعبنا على الفاضي وبالنسبه للحذف والاضافه

قالوا بكره يبدا من 9 الى 2

اما من ناحية دراسة ذا الاسبوع فما اتوقع ابدا ابدا لانهم مررررره حاييسين وناس تحذف وناس تضيف

اما عن سؤالك الثاني فاعذريني ما اعرف

[براءة قلب]

و عليكم السلام و رحمة الله و بركاته

هلا مسك

الله يسلمك إنت كيفك؟

وكمان ابغا اسال اللي تبغا تنزل ترجمة بس مقدرت من النظام لانه لسا ماخلصت رايتنق 2 فهل تقدر تنزله من عندهم.

إللي أعرفه إنت الرايتينق متطلب للترجمه بس حاولي يكمن يوافقوا

الله يوفقك

[نص دافوره]

انا وحده من صحباتي امله رايتنق 2 وحاولت تضيف ترجمه

مارضيوا لها

مسكينه مررررررره زعلانه

[زيـــنـــة]

د.نهى الشرفا أعطت محاضرة syntax اليوم ، و كنا بس 4 طالبات و خلصنا 2 chapters !


بالنسبة للترجمة و الكتابة أعتقد غير مسموح لأنو الترجمة تعتمد اعتماد كبير على أسلوبك في الكتابة ، فـ صعبة يقبلوا و أعتقد الـ system نفسو ما يقبل لأنو مركزي و مُهَيّأ حسب قوانين معيّنة ,,


موفقة يارب :)

[honeya]

بنات مين الي بتآخذ ريسيرش مع سوزااان ؟!
وهل بدأت تعطي محاضرات ولا لا مره خايفه منها؟!
وابغى اسأل عن صفا المنصوري وابتسام كمان هل يبدون بدري ولا لا

لانو فيه بنات اعرفهـم سألوا دكتوره رندا وقالت لهم بنفسها انو مافي ذا الاسبوع محاضرات استغربت كلامها

[mesk-3]

مشكورين بنات ما قصرتوا,,

والله يعين نداوم بكرا مدام مس نهى ادت,الله يعين...

[mesk-3]

زينة,, ممكن سؤال,,

اش هو التاب اللي ندرس فيه,,

ماشاء الله عليها علطول وتو تشابترز,,

طيب بالله كيف كويسا لا راح نتعب كثير معاها...

[choco-girl]

والله بجد حوسه وشوي السيستم عطلان

اما بخصوص ماده الترجمة انا رحت اليوم على اساس اضيفها

وماقدرت لاني بأخذ رايتنق 2 بس سجلت اسمي عندهم وقالو تعالي بكرة

لعل وعسى

[زيـــنـــة]

المشاركة الأصلية كتبت بواسطة mesk-3 زينة,, ممكن سؤال,, اش هو التاب اللي ندرس فيه,, ماشاء الله عليها علطول وتو تشابترز,, طيب بالله كيف كويسا لا راح نتعب كثير معاها...

هيا ماشالله عليها ممتازة ، تشرح و تفهّمك كل شي و أخلاقها مرة عالية ,,

أخدت حضور و غياب ، و أعطت توزيع الدرجات و مواعيد الـ Quizzes ، و قالت حـ تعلّقها على مكتبها بعدين ,,

بالنسبة للكتب هما 3 ، 2 منهم رئيسيين ، و 1 نصحت بقراءتو و قالت جدا ممتاز و يفيدنا ,,

* Introducing Transformational Grammar : Jamal Ouhalla,2002

* Sentence Structure : Nigel Fabb,2005

* 1999 ,Introduction to Government & Binding : Lilian Haegeman
^^
دا هوا اللي مو مقرر رئيسي ،،

أتمنى أكون أفدتك ، و قالت انو احتمال العبيكان يوفر الكتاب الأول ، و الباقية ممكن تلقيها في مكتبة الأمين ,,

أنا تحت أمرك في أي سؤال