غشيمة و تبغا تقدم ماستر .. و معايا كومه استفسارت لا تبخلو عليا

[manar7000]

( الله في عون العبد مادام العبد في عون اخيه )


انا اتخرجت من جامعه الملك عبدالعزيز تخصص اعلام / صحافه
وحابه اكمل ماستر في تخصص ( مهارات الاتصال ) بإذن الله

متى التقديم ؟
وهل من دحين ابدأ ادخل دورات التوفل ؟ ولا الجامعه تتكفل بذلك ؟؟
ايش الشروط لتخصص مهارات الاتصال ؟؟
و كيف تتم المفاضله ؟؟ ولا مافي مفاضله ؟؟
هل فيه اختبارات تحريريه غير التوفل ؟؟
هل فيه مقابلات شخصيه ؟؟
هل في حال القبول بإذن الله تعطيني الجامعه مكافئة زي ايام البكالوريوس ؟
و كم قيمتها ؟؟



وشكرا

[شواطئ البحر]

أهلا فيك

التقديم يبدا من شهر 4 ألى 8من شهر 5

المطلوب تحصلي درجة التوفل 400 أو step 52 او ما يعادله من الاختبارات الأخرى
أو اذ تقديرك جيدجداً تاخذي الدورة البديلة للغة الإنجليزية بكلية الآداب والعلوم الإنسانية طبعاً تأخذيها بعد
القبول النهائية للدراسة.

لا يوجد اختبارات تحريرية , والمفاضلة تكون ع معدل 60% وع درجة القدرات 40%
ومافي مقابلة .
أي برنامج ماجستيرعام يعطى مكافئة 890 ريال لمدة سنتين.

في شروط أخرى مثل :
أن يكون المتقدم حاصلاً على دورة تدريب المدربين
أن يكون المتقدم حاصلاً على دورات تدريبية في مجال الاتصال وتطوير الذات
أن يكون للمتقدم صلة واهتمام بمجال الاتصال الإنساني من حيث مجال العمل أو الاهتمام البحثي


شروط قبول برنامج ماجستير مهارات الاتصال

بالتوفيق

[manar7000]

حبيبتي ياليت توضيحي التاريخ مزبوط لو تكرمتي

*وبالنسبه للدورة البديله هل لو كان معدلي حسب المطلوب
لكن ما جبت الدرجه اللي طلبوها في التوفل يدخلوني اياها ؟؟
ولا اي وحدة جابت درجه التوفل المطلوبه و تقديرها جيدجدا يدخلوها الدورة اجباري ؟؟

* و بالنسبه للشروط اللي كاتبينها
دورة تدريب المتدريبن من فين اجيبها ؟؟
و انا تخصصي اعلام / صحافه هل يتعبر مجال له صله بالاتصال الانساني زي ما ذكرو في االشرط الثاني ؟؟
وبالنسبه للشروط بشكل عام هل معمول بيها كلها ولا ممكن يتغاضو عن بعضها ؟؟


* آخر شي كيف استعد لاختبار التوفل و اختبار القدرات ^^

[reem al-omari]

المشاركة الأصلية كتبت بواسطة manar7000 حبيبتي ياليت توضيحي التاريخ مزبوط لو تكرمتي يبدأ يوم 1-4-1434 و ينتهي يوم 8-5-1434 *وبالنسبه للدورة البديله هل لو كان معدلي حسب المطلوب لكن ما جبت الدرجه اللي طلبوها في التوفل يدخلوني اياها ؟؟ ولا اي وحدة جابت درجه التوفل المطلوبه و تقديرها جيدجدا يدخلوها الدورة اجباري ؟؟ الدورة أجبارية لأي طالبة قبلت و لم تحقق شرط اللغة * و بالنسبه للشروط اللي كاتبينها دورة تدريب المتدريبن من فين اجيبها ؟؟ في عندك كثير أكاديميات تعطيها منها أكاديمية المعلم و أكاديمية التدريب الشامل - الثنتين جربتهم و رائعات و انا تخصصي اعلام / صحافه هل يتعبر مجال له صله بالاتصال الانساني زي ما ذكرو في االشرط الثاني ؟؟ تحصصك غير اتصالك بالأتصال الأنساني هم يقبلون جميع التخصصات بس المفروض يكون مجال عملك قريب من الأتصال الأنساني وبالنسبه للشروط بشكل عام هل معمول بيها كلها ولا ممكن يتغاضو عن بعضها ؟؟ معمول بجميعها * آخر شي كيف استعد لاختبار التوفل و اختبار القدرات ^^ عندك مجموعه البابطين للقدرات رائعه - التوفل أنا منزلة كتاب فوق للدورة في المواضيع المثبته جيد جدا للتوفل

بالتوفيق لكِ