استفسارات عن قسم المختبرات

[Madiny 3sal]

السلام عليكم ورحمة الله وبركاتة


كيف حالكم؟؟؟

انا طالب دوبي مخلص تحضيري في جامعة طيبة

ودخلت علوم طبية مختبرات

وعندي اسئلة حابب اسألها وياريت لو تجاوبوني

السؤال الاول: الدراسة كم سنة
السؤال التاني: لمن اتخرج ايش المسمى الوظيفي؟
السؤال التالت:ايش راح تكون الوظايف؟
السؤال الرابع:كم مكافئة سنة الامتياز؟
السؤال الخامس:كم حايكون اول راتب مع البدلات ومن دون البدلات؟
السؤال السادس:لو اتخرجت وحابب ادرس طب اقدر ولا لا؟
اخر سؤال: واحد يقربلي درس دبلوم مختبرات واتخرج فني
وقلي انو المسمى والراتب هوا فني للي دارس دبلوم واللي دارس باكالريوس صحيح دة الكلام؟؟


اتمنى انكم تجاوبوني وربي خايف
عشان لو التخصص ما يطمن اطلع بعثة

[mzat kau]

السؤال الاول: الدراسة كم سنة الدراسه 4 سنوات بالاضافه لسنه الامتياز يعني كلو 5
السؤال التاني: لمن اتخرج ايش المسمى الوظيفي؟ اخصائي مختبرات طبيه
السؤال التالت:ايش راح تكون الوظايف؟ تقدر تشتغل في شركات حقت المواد الطبيه وفي المستشفيات وبنك الدم ومراكز الابحاث :)
السؤال الرابع:كم مكافئة سنة الامتياز؟ هيا تختلف بس ماعندي فكرة عن المختبرات الاشعه ياخدو 2500 فماتوقع حيكون الاختلاف كبير
السؤال الخامس:كم حايكون اول راتب مع البدلات ومن دون البدلات؟ الوراتب للاخصائين تختلف وهيا تبدا من 8000 للحكومي والمستشفيات حقت الحرس 11000 والتخصصي 12000 و 13000 على مااظن
وممكن كمان في 7100 ومع البدلات تسير 8000
السؤال السادس:لو اتخرجت وحابب ادرس طب اقدر ولا لا؟ ماعرف هوا لسه دا النظام مو في بس على مماظن حيتطبق انو تخلص وتكمل طب بس الان اللي اعرفو مافي :)
اخر سؤال: واحد يقربلي درس دبلوم مختبرات واتخرج فني دبلوم شي معروف فني لاكن البكالريوس اخصائي
وقلي انو المسمى والراتب هوا فني للي دارس دبلوم واللي دارس باكالريوس صحيح دة الكلام؟؟
لا لا البكالريوس اخصائي طبعا




الرد جوات الاسئله بالتوفيق

اتمنى انكم تجاوبوني وربي خايف
عشان لو التخصص ما يطمن اطلع بعثة

[mzat kau]

http://www.skaau.com/vb/showthread.php?t=99728

هنا في دا الموضوع في رد للاخ ريان صورة في سلم رواتب الاطباءء لعام 1430
تقدر تشوف رواتب الاخصائين من اول مستوى ( اول مايتخرجو ) وبعدها :)

[LPRocks]

mzat kau جوابتك على الأسئلة

بس احب اضيف على سؤالك رقم 6 انو ممكن تكمل طب بعد ماتأخذ شهادة البكلاريوس المختبرات في جامعة الملك سعود اوفي اي جامعة بره بس يكون عندهم هذا النظام وتدرس على ماعتقد اربع سنوات وتصير دكتور ،، ابحث في هذا الموضوع في القوقل وتره لو تكمل ماستر او زمالة او بورد افضلك من تكملة دراستك لطب صراحة ^_^

موفق في دراستك Madiny 3sal و التخصص رائع بحكم الكل ومافي اي انتقادات عليه زي الطب صعب ومدري ومقرف خخخخ واخيرا اهم شي القناعة ولاتشيل هم الفلوس ابدا ^_^

[Madiny 3sal]

يعطيكم الف عافية

انا قريبي خوفني قلي انو اللي معاه باكالريوس في المختبرات المسمى الوظيفي حقوو فني وراتبو زي راتب الفني

هادي النقطة اللي خفت منها

[mzat kau]

لا طبعاااا عمرو مايتساوى الاخصائي بالفني الدبلوم سنتين على مااظن

لكن البكالويس 5 سنين سوو اكيد في فرق :)