للاسف اتخصصت طفولة ):

[ياليل ابولمبه]

السلام عليكم كيفكم بنات

انا مستجدة في الاقتصاد المنزلي من بداية السنة وفتحت الاودس اليوم لقيتهم

مخصصيني دراسات طفولة مع اني قبلها طلبت تحويل لكلية الاقتصاد

والادارة يناس ليييييش ماحولوني ماابغا اقتصاد منزلي

المهم اطلب منكم تقولولي ايش المواد السهله اللي اقدر ارفع فيها معدلي عشان

السنة الجاية احول للاقتصاد والادارة سواء من طفولة او غيرها

ويعطيها العافية اللي تساعدني

[الاء القثامي]

انا عكسك نفسي اتخصص ذا تخصص كثير مدحو وشوقوني ادخله بس للاسف عشان انا تخصصت ذا ترم حطوني اداب الفيصليه جغرافيا ونفسي احول بس الي سمعتو امس انك لو دخلتي فيصليه معد تقدري تحولي للسلمانيه عاد هنا زاد الطين بله

[ياليل ابولمبه]

الشي اللي تبغيه ماتدخليه والي ماتبغيه على طوووول تنقبلي فيه استغفر الله العظيم بس

اه لو الاقي وحدا من اقتصاد وادارة وابادل انا وهيا

[‏Ḟφŝђịǻ..20]

والله العظيم بجد

الشيء اللي تبغيه في دي الجامعه نادرا يتحقق :(

انا كمان قعدت سسسنه على أمل اني اتحوووووول

وربي بعدها اتحطمت وقلت يابنت ككملي ف تخصصك واتخرجي احسن للك

يمكن خيررررررررررره لك

الحمدلله ع كل حااال بسس ^_^

بالتوووفيق يااقلبي
والله يسسسهلك ,,

[الفراشة المتألقة]

السلام عليكم ورحمة الله
أنا دخلت دراسات طفولة برغبة مني ، والآن أنا على في الفصل الأخير
بإذن الله ستكونين مستمتعة ، فالدكتورات والأستاذات عسل وقمة في الأخلاق و التعامل .
أنا لا أعرف المواد حاليا من يعطيها لأن القسم تغير وحضروا أستاذات ودكتورات جدد
لكن
د.نجود السديري ( هذه الإنسانة سكرة ، أخلاق وذوق ) أي مادة تكون معاها خديها فورا .
د. نهلة قهوجي ( هذه الإنسانة سكرة ، أخلاق وذوق ) أي مادة تكون معاها خديها فورا .
د.وداد
أ. رذاذ سلطان
أ. ميساء أندرقيري
رائعات بحق .

الله ييسر أمرك ويشرح صدرك يارب

[ياليل ابولمبه]

ربي يسعدك فراششة ان شاء الله ارتاح فذا القسم

اساسا لمن قلت لمرشدتي ماابغاه مررا انصدمت هيا وكل الموجودين في المكتب قالت البنات يتمنووه

مع ان برضو نفسي في ادارة واقتصاد بس الحمدلله على كل ححآل

[الخزاميه]

انا جربت
رذاذ سلطان
وميسا اندرقيري
نسيمه الخالدي
رندا مغربي
هذولا عسولات وترا التخصص روعه جربيه اول سمستر

[patchi ..]

^ طيب تعرفوآ شيء عن وداد البشيتي ، واماني عثمان ؟

[أرووش]

وداد البشيتي واماني عثمان دي اول سنة لهم في الجامعه

ودرسوني الترم اللي فات


كلهم مره عسولات واخلاق

بس د.وداد تاخدي معاها فوق 90 بالراااااحة

اسئلتها حقت الاختبار سهللللللله وفي الواجبات تراعي وما تخسف بالدرجات

د.اماني اتكلمت عنها في دا الموضوع

http://www.skaau.com/vb/showthread.php?t=527437

[أرووش]

ايوا نسيت اقولك

لما تنزلي مواد اختيارية اسألي مين يدرسها ونزلي المادة اللي تدرسها د.وداد البشيتي

لأنو من جد عسل وفي الدرجات تعطي والأسئلة تريحك مره

وحترفعي معدلك

د.نجود السديري مره كويسة بس بصراحه مره ماتعطي درجات الا للي شغلها مميز