استفسار عن القبول و درقاتي القميله ... -_-

[Bodor]

السلام عليكم ورحمة الله وبركاته ..

ابغا اسالكم سؤال بخصوص القبول ف الكليات ..

دحين انا جبت في الفيزيا 82 ((b)) و في الرياضيات 87 ((b+))

والحاسب ومهارات الاتصال الحمدلله كلهم a+

و لسا مانزل المعدل المعتمد بس معدلي التجريبي 4.63

واللي عرفتو انو لازم في القبول في كليات الطب انو اجيب بي بلس في الفيزيا والكيميا والاحياء

وفي قبول الهندسه لازم الرياضيات والفيزيا اكتر من 85 ..

وانا جايبه في الفيزيا اقل .. ف دا معناتو انو افقد الامل من الترم الاول واشفلي صرفه ف موضوعي ولا لسا في امل !!!!

كمان قريت انو القبول في الكليات على حسب نسبه عامه ونسبه خاصه .. يعني اذا جبت النسبه العامه والخاصه دا بس اللي يطلو فيه ولا المواد المطلوبه لازم تكون فوق 85 .. ولا المجموع حقتها بس ...


وهل درجاتي كويسه ولالا !!

وشكرًا ...

[Heisenberg]

بالنسبة للطب اول شي يشوفوا نسبتك الخاصة (مجموع درجات الفيزياء والكيمياء والاحياء والانجليزي يكون فوق 85 , لاحظي مجموعهم مو كل وحدة لحالها) ,
اذا تجاوزتي هذا الشرط يشوفوا نسبتك الكلية وعلى اساسها ممكن تنقبلي وممكن لأ ..
والهندسة نفس النظام لكن نسبتها الخاصة فوق 80 في الرياضيات والفيزياء والاحصاء والانجليزي ..
درجاتك كويسه بس شدّي حيلك أكثر لأنو نسمع المنافسة عند البنات ناررر والله يوفقك تدخلي اللي تبغيه :)

[Yasmina95]

"اولاً : كليات : الطب - طب الأسنان - الصيدلة


معايير التسكين

•اجتياز جميع متطلبات السنة الأولى بنجاح.
+

•الحصول على تقدير جيدجداً مرتفع +b بحد أدنى في جميع المواد التالية
إنجليزي ( elcs101 - elcs102 ) – أحياء – كيمياء - فيزياء
+

•الأفضلية للمعدل النسبي الأعلى و حسب الطاقة الاستيعابية للكلية

طبعا هنا يوجد مفاضلة اذا كثر العدد"

يعني لازم تجيبي في دي المواد اقل شيء b+
حتى اذا كانت مجموع نسبتك الخاصة 90
الشرط الأساسي b+
والله اعلم

[Yasmina95]

المشاركة الأصلية كتبت بواسطة heisenberg بالنسبة للطب اول شي يشوفوا نسبتك الخاصة (مجموع درجات الفيزياء والكيمياء والاحياء والانجليزي يكون فوق 85 , لاحظي مجموعهم مو كل وحدة لحالها) , اذا تجاوزتي هذا الشرط يشوفوا نسبتك الكلية وعلى اساسها ممكن تنقبلي وممكن لأ .. والهندسة نفس النظام لكن نسبتها الخاصة فوق 80 في الرياضيات والفيزياء والاحصاء والانجليزي .. درجاتك كويسه بس شدّي حيلك أكثر لأنو نسمع المنافسة عند البنات ناررر والله يوفقك تدخلي اللي تبغيه :)

ايوه بس الشرط الأساسي انه تجيب بالمواد الاربعة اقل شيء b+
حتى لو جابت بالنسبة الخاصة فوق 85

[Bodor]

المشاركة الأصلية كتبت بواسطة yasmina95 ايوه بس الشرط الأساسي انه تجيب بالمواد الاربعة اقل شيء b+ حتى لو جابت بالنسبة الخاصة فوق 85

يعني افهم من كلامك انو مستحيل ادخل اي كليه طالبه الفيزيا .. !!

تاني شي من وين اعرف دا الكلام مكتوب وين :( .. !!

[Heisenberg]

المشاركة الأصلية كتبت بواسطة yasmina95 ايوه بس الشرط الأساسي انه تجيب بالمواد الاربعة اقل شيء b+ حتى لو جابت بالنسبة الخاصة فوق 85

لا مو لازم تجيب في كل مادة b+ , أهم شي مجموع درجات المواد قسمة عددها يكون 85 أو أكثر ..

[mr-3bod]

مو شررط عندنا واحد من العيال جايب ف الفيزياء c+ وقبلوه هندسة

الشرط الخاص للكلية الافرج للرياضيات والفيزياء والانجليزي 2 لازم يطلع 80 والمفاضلة على الموزون العام

هذا بالنسبة لكليتنا ..

اما الطب اللي اعرفه في النسبة الخاصة داخله الاحياء والكيمياء والفيزياء والانجليزي 2 الافرج 85 ولاحد يفتي عليككم ويقول كل مادة ..

وبالتوفيق للجميع ..

[Yasmina95]

المشاركة الأصلية كتبت بواسطة bodor يعني افهم من كلامك انو مستحيل ادخل اي كليه طالبه الفيزيا .. !! تاني شي من وين اعرف دا الكلام مكتوب وين :( .. !!

افتحي رسالتي و حتفهمي كل شيء

[Yasmina95]

^

وتقدري تسأليهم هناك كمان
او تدخلي قسم كلية الطب و تسأليهم

[Lighto]

^^^^^^^^

لوسمحتي لا تفتي من كيسك

المطلوب مجموع المواد بي + وليس كل ماده لحالها لحد يضحك عليكي يا صاحبة الموضوع