لابد من تقديم شكوى جماعيه.. في حال ثبت مكان الاختبار!!

[خالد بن فهد]

السلام عليكم.. محدثكم في الترم السادس.. من بداية انتسابي واختباراتي في الرياض..

اختبرت في مداريم كروان..وفي مركز الرياض الدولي للمؤتمرات والمعارض.. وفي صالة المعارض في المروج..

تعتبر جميع المواقع في الرياض.. لكن فيه بعض الزملاء اتصلو على العالميه واستفسرو عن موقع الاختبار اللي مااتضح لحد الان..وابلغوهم بالمكان..

لكن المصيبه انه وييييييين.. في الثمامه!!! في قاعة اسمها رشوش..

معليش لكن رايحين نختبر ولا طالعين لمخيم.. ندفع مبلغ عشان نختبر في المناطق وفي المقابل يكون موقع الاختبار في منطقة منتزهات الرياض.. والوصول لها محدود من اماكن معينه فقط..

اتمنى من جميع المنتسبين.. تقديم شكوى لعميد الكليه ومدير الجامعه ووضع حد لعدم مبالاة الجامعه ومعهد العالميه..

اذا كان هدفهم جمع مبالغ من المنتسبين .. وتوفير ارخص القاعات ولو كلف ذلك انها تكون خارج منطقة الرياض المهم انهم مايدفعون كثير..

لابد من اعادة النظر في الموضوع وان مايسكت على هذا الموضوع بتاتا"

امل منكم جميعا" ارسال رسئل وايميلات لكل من يعنيه الامر متى ماثبت فعلا" ان الاختبار في الثمامه!!

[mksa2006]

اخوي انا وصلتني رساله من العالمية ان موقع الاختبار في المروج مركز المعارض
وصلتني على الجوال

[عبدالله 7z]

وعليكم السلام ورحمة الله وبركاته

اخي الكريم ستصلك رساله بموقع الاختبار اذا رقمك مسجل عندهم ، ، ، انا اليوم وصلتني رسالة بمركز اختبار الدمام

وباذن الله راح توصلك انت رساله قريب ، ، لا تستعجل ان شاء الله المركز راح يكون مناسب للجميع

وعميد الكليه ليس له اي علاقه بتنظيم الاختبارات ، ، ، المسؤول عنها هي عمادة القبول والتسجيل والمنظم معهد العالميه

اسال الله لك التووفيق والسداد

[خالد بن فهد]

متى جتك الرساله..!!

لان اللي خلاني اكتب هالموضوع ان فيه نسبة تواصلو مع معهد العالميه وقالو لهم ان الاختبار في قاعة رشوش في الثمامة..

وبانتظار الرساله منهم ولا جاني شي..

والله يبشرك بالخير وان شاء الله انه ماتغير زي العاده

[mksa2006]

رفعت لك صورة للرسالة

[عبدالله 7z]

المشاركة الأصلية كتبت بواسطة خالد بن فهد متى جتك الرساله..!! لان اللي خلاني اكتب هالموضوع ان فيه نسبة تواصلو مع معهد العالميه وقالو لهم ان الاختبار في قاعة رشوش في الثمامة.. وبانتظار الرساله منهم ولا جاني شي.. والله يبشرك بالخير وان شاء الله انه ماتغير زي العاده

الرساله جتني الساعه 2 الظهر

بالتووفيق ان شاء الله

[خالد بن فهد]

اخوي عبدالله .. الله يكتب اللي فيه الخير.. والكلام لو صح فعلا" مكان الاختبار لابد من التواصل مع الجهه المعنيه..

لانه بعيد عن وسط الرياض.. يبيلك تسجل في اختبار مناطق مره ثانيه عشان يقربونه!!

[خالد بن فهد]

المشاركة الأصلية كتبت بواسطة mksa2006 رفعت لك صورة للرسالة

الرسالة اللي جتك تاريخها 2012..!!!

والتواريخ اللي بعدها هي اللي في السنه الحاليه.. لكن كلها تحكي عن مبادرتك بالسداد..

[جنرال المعركة]

مكان الإختبارات بعيد جداً خاصة لطلاب جنوب وغرب الرياض
ووقت الإمتحانات في وقت الذروة في الرياض المعروفة بزحمة طرقاتها
لازم نقدم شكوى

[mksa2006]

المشاركة الأصلية كتبت بواسطة خالد بن فهد الرسالة اللي جتك تاريخها 2012..!!! والتواريخ اللي بعدها هي اللي في السنه الحاليه.. لكن كلها تحكي عن مبادرتك بالسداد..

لا يالغالي
وين 2012
مكتوب تحت الرساله
7-4-2013