آآآآآآآآآهـ ياقلبي .. ~ ( بنت الجامعه تعالي هنا )

["نآنآ"]

الله يعيينك يآآحبي على هالمشكلة بس اذا في امكانية انك تآآخووذي حقك لا تسكتيين لهم مرررة ترى اللي يسكت عن حقه يضيع
والله مرة حزنت عشآآنك طمنيينآآبعدين وش صآآر معك
ومووفقه.........

[w-gh]

ياحبيبتي ..

كلنا انصدمنا هالصدمه اول مادخلنا السكن وجلسنا نبكي سنه كامله اساليني انا ..

انا الحين تخرجت .. وبدرس ماستر الحين واتمنى ارجع سكن الجامعه .. صدقيني كلنا قلنا كذا وكل يوم نقول متى نطلع ومن ذا الكلام ..

بس نصيحتي لك .. اولاً هالمبنى من معرفتي فيه القديمه بيسكنوك لوحدك لان محد يرضى يسكن فيه

اولاً .. ازعاج .. وثانياِ ..مقرف

يعني في جزء من المبنى هادي جداً .. بس بيكون مقرف هنا الشغل بيكون عليك
اول شي سويه جيبي اثاث من برى .. حتى السرير وكل شي
التنظيف .. من اول مره صدقيني ماحتقدري .. جيبي عاملات النظافه ٥٠ ريال ينظفولك الغرفه والحمام والمطبخ

بعدها الغرفه بتكون نظيفه بس زياده نظيف نظفيها انتي كمان بعدهم

واذا على الصيانه .. الله يعينك ذي المشكله لان لو طلبتي عاملات الصيانه احيانا يتاخروا ومايجوا بسرعه
ليتم قبل لاتطلعي من السكن سجلتي طلب للصيانه عند الاشراف

هذا حل .. الحل الثاني .. تروحي لابله سعاد .. تطلبي منها تغيرلك الغرفه
الغرفه ياكثرها فاااااضيه بس تلقي كل غرفه مشرفه حاجزتها وغرف الصيانه حاجزينها ومن ذا الكلام

واذا قالتلك انتي تبغي لوحدك قوليلها وديني الثامن غرفه مثل غرف السابع مافي فرق بينهم

موفقه اختي .

ولاتخلي السكن يكون عقبه بالعكس .. انا ماتفوقت بدراستي الا لاني كنت ابغا اثبت لنفسي اني اقدر اتجاوز الصعوبات اللي واجهتها بالسكن
وعلى فكره كلنا مرينا بمرحله البكاء انا تخرجت بعد خمس سنوا واخر سنه كنت ابكي كل مادخلت السكن

[calbooza]

انا بالسكن زيك بس بصراحه غرفتي الحمدلله مو بالوضع السيء حقك اليوم دخلت صح انهم لامين العفش عشان ضربو بويه جديده بس نظفتها الحمدلله وخرجت...واذا ماتقدري خلي العاملات ينظفوها لك...
صراحه
المبنى ال7 وال8 معروووف انها معدومه وانا ما ادخلها..
لان اول مادخلت حطوني فيها وكرهت عمري..
لاتتعقدي من السكن هذي بدايته كلنا كنا في مثل وضعك...
انتي غيري غرفتك روحي مبنى ثاني..
اسمعي نصيحتي لاتخرجي من السكن عشان غرفه معدومه شوفيني الحمدلله للسنه ال2 لما نظفت غرفتي مالقيت ولاصرصور لان انا اللي كنت مسؤوله عنها وعن نظافتها..
انتي روحي لاستاذه سعاد الصبح الساعه 8 يبدأ دوامها وقوليلها مشكلتك وهي بتحطك بغرفه 2..
صدقيني السكن مايتفوت راحه بالنسبه للدوام ومجتمع ثاني...
واذا جات على البكا ترانا كلنا سوينا مناحه بالبداية...بس الحمدلله عدت وصار الوضع طبيعي..
بالتوفيق...:)

[dodi girl]

ياقلبي الصراحه انصدمت لانه اللي سمعته شي تاني الله يعينك بس نصيحتي اشتكي ولاتسكتي دا حقك

[mahmmd]

المشاركة الأصلية كتبت بواسطة howary السلام عليكم ورحمة الله . . شحـآإلكم وشـخبار صحتــكم ..~؟ عـآد انا بـ خبركم شي .. بس بليز يا بنت الجامعه لآتزعلين من كلامي .. من موضوعكم .. اللي تبع السكن .. إللي تقولو فيه إنه سكن الطالبات نظيف ومنظم وحاطين صور تخدع << متعوب عليها الكلمه ومـآ أدري إيش ..! انا ماادري يعني .. هل إنتو تقولون كذا عشان لاتخوفونا .. ولا تكذبون علينـآ .؟؟ يشهد ربي عـلي .. إني نازله من المطاار .. وانا متحمسه للسكن اللي هنـآك .. اقول أكيد مثل ماوصفوه لي .. وكشخه ومادري إيش .. وقالت لي .. روحي يابنت إنتي لك { الغرفه ... ف المبنى السابع } .. وهي تقول .. إنه بتكوني لحـآلك .. انا قلت انه الحين شي .. ووناسه .. هو اكيد فيها غبار .. وانا مستعده أنظفه .. فتحت لي البـآإب ... وانا اقول { بسم الله .. يارب اجعله خير } وتفتح لي انوار الغرفة .. أول شي الريييييييييييييحة مووووت .. وثاني شي .. الأرضيه مليااااااااااااااااااااااااااااااااااااااااااانه صراصير ميته .. حتى قمت أشك إنها { سجادة صراصير } ثالث شي .. الغرفة عفستها عفسسسسسسسه .. شقول وش أخلي .. وحتى الحمـآإم وإنتو بكرامه وربي .. إنه مجرى المغسل مايمشي .. فتحته عشان قلت بشوف فيه ماي ولا ..! تعبى لي المغسل ومارضى يروح المـآإي .. وش اقوووول ... ووش أخلي . . ؟ هي وساخة الحمام .. ولا هي الثلاجة الخربانه .. ولا المكيف الحاار .. ولا المكتب اللي فوقه { تفاحة خايسه من سنة القحط } .. << تدقق .. ولا الاثااث اللي مكركب .. وكله جنب بعض .. ولا المطبخ اللي مافيه ولا دولاب صاااحي .. اااااااااااااااااااااااهـ بس .. طلعت من الغرفه وانااا فيني الغبنة .. وقعــدت أبكي .. وأبكي .. أقوـول .. أنا الحين جاية من ديرة بعيده وهذي حالي .. ؟ وين المسؤوولين بس .. يعني وش بيصير لو جابو عمال ينظفون الوسخ ماقلت لهم لمعو لنا الشقه .. بس يشيلون هالصراصير إللي تقول إنها مسوية عرض أزياااء لا وبكل الاحجااام .. والحشرات اللي تتناقز يمين ويسـآآآر .. ماعرفت شسوي .. وقمت ألم أغراااضي .. وطلعــــــــــــت من السكن وش أسوـوي ماهي حـآإله ولاني عارفه شسوي ف حـآإلي .. خبروووني منو المسؤوول ... وليش حمستونا للسكن وعقب يطلع { فـآآآآآآآآشـــل } ـآنا ماأتكلم عن كل الغرف .. تراني شفت بنات غرفهم نظيفه ليش حبكت علي ..؟ عشاني لحالي ف غرفة .. لعبو علي ...؟ انا ماابغى اسكن سكن برا .. لـ إنه هالايام ماتثقين ف حد .. حـــد يقول لي شسوي ..!

اختي طيب عندي لكي حل ليه ما تاخذين شقه مفروشه غرفة وش رايك وسعرها معقول بـــ شهر ما يتجاوز 1500



ازين لكي من الى تقولينه موجود بالغرفة



شوفي لكي قريب من الجامعة شقق وبس وريحي نفسك



وش تبين اوصلك ادفعي لى بالشهر 3000 امزح هههههههههههههه




الله يوفقك يا رب ويوفقني

[جلكسي]

الله يعينك ويصبرك . من جد لاتسكتي على حقك وحاولي انك تكلمي المسئوله فى المبنى والبنات ماشاء الله ماقصروا معاكي . والله يعين ويسير للجميع هذي السنة

[مــــلاكـ]

الله يعينيك حبيبتي و يصبرك .....آمين
طيب أطلبي منهم يغيرون لك الغرفه أو يجبون أحد ينظفها لكي..؟!

[dail]

الحمد لله ما سجلت بالسكن >>فيلم رعب <<
صراصير _ غبار _ أثاث قديم _وما خفي كان أعظم.......... قال سكن جامعة >>خرابه؟؟!

[زعيمة الورود]

اول شي لاتقولي لهم انك حتشتكي عليهم على بال ماتشتكي يكونوا نظفو الغرفة ويطلعوكي كذابه روحي اشتكي بدون مايدرو وخاصة الي دخلتك الغرفة (((((((((((((وجهة نظري))))))))))))))

[منتــهى الرقــــة]

وربي حزنت على حالتك..طيب وش الحل..

انا مكانك استحاله ارجع لغرفه مثل هذي..الدراسه يبيلها بيئة مرتبه ونظيفة..

ترى المكان اللي تذاكرين فيه يأثر بنفسيتك ثم تحصيلك الدراسي..

صراحه مدري وش اقول لك..بس لزوم تتدبرين لك مكان وتستقرين..ولاتبدين الدراسه وانتي حايسه ومتوترة

قلبي معك..اقصد..قلوبنا معك..طمنينا وش بيصير وياك..

دعواتي