بنات دراسات طفولة كلكم تعاااااااااااااالوا وساعدوني بليييز

[so0oma]

السلام عليكم ورحمة الله وبركاتة

عساكم بخير كلكم
انا بصراحة ابغى احول ان شاء الله الى اقتصاد منزلي يوم السبت والله خايفة ما يحولني تعرفون الجامعة المهم ونفسي اتخصص دراسات طفولة
بس في اسأله محيرتنيي؟؟؟؟هل هذا القسم طلباته كثيرة يعني اسبوعيا ولا شهريا وتكاليفة غالية ولا كيف ؟؟....هذا السؤال مهم
وكمان هل القسم ممتع دراسيا وتحسي بالمتعه فيه ولا ممل واستاذات القسم كيف وكمان هل يتطلب شروط معينة علشان اتخصص
واتمنى منكم تتقبلوا اسألتي بكل صدر رحب
وتتفاعلوا معايا وتشجعوني اذا القسم حلو وممتع
وشكرا

[ساكنه في بيتنا]

و عليكم السلام و رحمه الله وبركاته

حياكي الله يا بنتي

استخيري و شوفي ايش يطلع معاكي

قسمنا مررررررررررره حلو و اكيد فيه واجبات بس مين قال انها مكلفه ؟؟؟؟؟

كل الموضوع سيرش على النت و خلاص

و القسم اتعب اقول انو ممتع وحلو .. و الاستذات الحمد لله تعاملهم مررررررررررررررررررررررره راقي .. بس طبعا لازم تلاقي وحده ولا اتنين بس عموما اسئلتهم حلوه و اغلبهم يعتمدوا على تركيزك في المحاضرات


شوفي دا الموضوع فيه مجموعه من الاعمال اللي تعتبر انها مجموعه من الواجبات

http://www.skaau.com/vb/showthread.php?t=12520

الشروط انك تجيبي علامه كويسه في ماده ارشاد وتوجيه .. << من زمان كدا كان تحين الله اعلم

اي شي تبغيه الله يحييكي :) ..

بانتظار اسئلتك ..

[حساسة جدا]

وعليكم السلام ورحمة الله وبركاته
أنا كلمتي اني اقلك قسم دراسات طفولة ممتع جدا جدا
والله راح تنبسطي فيه مرة وتكالفه حتى لو كثيرة بس والله حلوة
وممتعة وانا انصحك بدخوله وانتي استخيري قبل كل شي
لانه لاندم من استخار........

[so0oma]

شكرا لكم بنات وانا استخرت ومرتاحة مرة لهذا القسم بس امي بصراحة مو راضية انو احول من قسم انجليزي الى اقتصاد تقول الانجليزي افضل ومستقبل وهذا كلام اغلبية يلي سألتهم بس بصراحة انا مليت من الانجليزي صار عندي حالات نفسية من استاذات القسم وتعاملهم الصعب نفسي ادرس شي ممتع مو شي يجيب حالات نفسية وتعقيد

[cinnabon]

والله يا قلبي الي يسمع كلام الناس عمرو مايخلص

فانتي لا تشيلي هم مدام انك استختري وارتحتي الحمد لله

ودايمن اسمع انو في بنات حولو من الطب للاقتصاد المنزلي وحتى كمان اعرف وحدة حولت من تمريض ودخلت امومة وماشاء الله مبسووطة

وترى زي ماقالولك البنات انو مررة ممتع<<< طبعن دا كلام صحباتي
وحتى ورش العمل الي يسووها مررة حلوة دايمن صحباتي يتصلو عليا ويعزموني عليها

وان شاء الله ياارب تتسهل اموورك وتجي كليتنا وتنبسطي :)

[ساكنه في بيتنا]

المشاركة الأصلية كتبت بواسطة so0oma شكرا لكم بنات وانا استخرت ومرتاحة مرة لهذا القسم بس امي بصراحة مو راضية انو احول من قسم انجليزي الى اقتصاد تقول الانجليزي افضل ومستقبل وهذا كلام اغلبية يلي سألتهم بس بصراحة انا مليت من الانجليزي صار عندي حالات نفسية من استاذات القسم وتعاملهم الصعب نفسي ادرس شي ممتع مو شي يجيب حالات نفسية وتعقيد

الله يعينك ويكتب لك اللي فيه الخير ..

[so0oma]

شكرا لك يا ساكنة في بيتنا على الدعوة الحلوة والله يقدم يلي فيه الخير