خريجة خدمة اجتماعية و المصير المجهول !

[الأسطّورة]

بسم الله الرحمن الرحيم


أنآ طالبة خدمة آجتمآعية متخرجه هآذي السنة 1432 بمعدل آمتيآز مع مرتبة الشرف !

طبعت أثنآء فترة الجآمعه تدربت في مستشفى جامعة الملك عبدالعزيز اللي هو التدريب المقرر في الخطة

اللي يكون يومين فقط بالأسبوع من 9 -1 ولمدة ترم

و لآ أخذت شهآده على التدريب في المستشفى صح إنهآ تعتبر فتره بسيطه
لكن يمكن تنفعني بيوم مآ ( إذآ ) لقيت و ظيفه ...
وكم مره طلبنآهآ بعد ماخلصنا تدريب يتعذرولنآ بأعذآر وآهية المسئولة مسويه عمليه و مآخذه إجآزة
وهي المسئولة عن ختم الشهادآت و من الأعذآر الوآهية اللي مآتخلص...

طبعآ تخرجت و لآ خذيتهآ و المشكلة كل مآ أقدم على وظيفة يطلبوآ شهآدة خبرة !!
أنآ بفهم شي وآحد من فين نجيب هالخبره دآم محد بيوظفنآ عنده
و يعطينآ من وقته شوي عشآن يكون عندنآ خبره!!!

آخر الحلول قررت أتدرب في ((مستشفى حكومي)) و سألت قريبتي تشتغل بنفس هالمستشفى
قالتلي جيبي شهآدتك و خطآب لمدير المستشفى
و طبعآ التدريب أنآ على بالي مجآني طلع (( برسوم ))!!

قالتلي من كم سنة كآن مجآني بس الحين برسوم !!!

قالتلي خذي 4 شهور تكفيك كطآلبه خدمه اجتماعيه و ال 4 شهور بـ 4000 ريآل و إذآ سنة بـ 12000
ملآحظين إنه المستشفى حكومي و التدريب برسووووم !!!!

طبعآ أنآ من عرفت عن الاستغلال و انه التدريب برسوم هونت و لا حتى خذيت رآي آبوي
لأنه التدريب ماحيضمنلي الوظيفه عندهم هم يدربوني و أنآ بعد كذه آدور على وظيفة بنفسي ..

و طبعآ مآفي أي وظيفة بمجال المستشفيات لآزم يكون عندك شهآده خبره ولا مايوظفوكي عشان تتعاملي مع المرضى و آنتي ماعندك خبره آبــــــــــــد !!!


طبعـآ أنآ تقفلت بوجهي جميع الأبوآب
حسيت كل أحلآمي و طموحآتي ضآعت هبآء منثورآ
(( فمـآن الله ي أحلآمي أشوف وجيهكم بـ خير ))
و لآ فآدني الامتيآز و لآ حتى مرتبة الشرف اللي عطتني هو الجامعه
تعب و مذآكره و نتيجه حلوه إلى حد مآ و حتى وظيفة نشحتهآآآآ شحته

المشكله هالتخصص مو مطلوب بكثره حآولت أرسل سي في لكذه محل سواء جمعيات دور أيتآم
و مكآنك سـرّ


هل حيستمر مصيـر كل متخرجه من هالقسم كذه مجهووووووول !!!

[نواافه]

الله يفتحها عليك وعلينا ياارب

[بد111ية هم]

قدمي أختي على الموارد البشرية
وقدمي كمأن فـِ♡ـيْ جمعية اكتفاء
ؤالله يوفقك ويوفقنا.

[امونة المزيونة]

بالفعل علم النفس وعلم الاجتماع حقهم ضايع ، لما تخرجت اكتشفت هالشي!

اول ماتخرجت كنت متحمسة جداا حاولت ادور اعلانات وظائف احدث شي يكون بعام ٢٠٠٨!!

قلنا مو مشكلة هذا النت فيه مجالات غيره ، دورت عن جمعيات او مراكز او دور حسيت هالعالم مجهول غايب عن المجتمع مافي اي خبر اي اعلان اي احتياج ، حاولت اتواصل معاهم مافي فايدة!!

شفت المجال الطبي خاطف كل الاضواء وحديث الساعة وماسمع الا تدريب ، تصنيف ، واكيد مو توظيف لان الوضع تعجيز!
زي ماقلتي اسطورة تدريب برسوم واستخراج البطاقة برسوم اخر اضافة الى دورة مشترطة ومقابلة شخصية وبعدها شيلي ملفك ودوري عالمستشفيات يقبلوك واذا مادوكي وجه بسنتين تنتهي بطاقتك ولها رسوم تجديد>ولاحتى الطب!

ولاتستني وظيفة تجيك حسب معدلك الا وظيفة تعليمة يعني معيده ، وانتي وحظك لان ممكن تدخل فيها الواسطة تقدم الجيد ع مرتبة الشرف:)
غير الكم الهاااائل من المتقدمات والاحتياج واحد!!


بس اللي يضحكني لما احد يقول فية احتياج لهالتخصصات خصوصا بعد مالمجتمع تطور وصار اوعى بإمكانية العلاج بس نجي للواقع الفعلي للاسف مافي اي مجال لصحة:)

بالاخير مالنا غير حافز لعل وعسى يجي منه وظائف بمجال التخصص:)

ولايضيق صدرك ولاتيأسي غيرك كثير وسبقونا بأعوام ، فليها دنيا ماتسوى>عاطلة مع مرتبة شرف اولى:d

[همة همة همة]

العبرة لا راحت ولا جت والدمعة انخششت بين الجفون
ان خرجت قلت ضعيفة ما تتحمل شدة الدهور
وان عاشت بين الجفون قطعت رمش العيون

والله يابنات الفتها من راسي الحين وانا اكتب بس رددوا اية سورة نوح وسورة هود
نوح"فقلت استغفروا ربكم انه كان غفارا يرسل السماء عليكم مدرارا ..........".
هود"وما من دابة في الارض ولا طائر الا على الله رزقها ويعلم مستقرها ومستودعها كل في كتاب مبين". الله اكبر والله عظيمة هذي الاية .كيف ان الله سبحانه متكفل برزق كل كائن ودابة مو بس 52000 دفعة في جدارة بعضهم في المفاضلة وبعضهم لم يرشح بل كل مخلوق الله قسم له رزقه وبقدر حتى لا يطغى وانما ذلك بحكمته سبحانه وتعالى.

الله المستعان اسال الله ان يرزقكم راحة البال وقرة العين في اجل مسمى قريب في الدنيا والاخرة والاخرة
ياربي ياربي لا تجعل الدنيا تشغلني عن الاستأناس بك و بكتابك وذكرك
اهاهاها لا حول ولا قوة الابالله
وسلامتكم

[إحساس أنثى]

عزيزتي تابعي موقع الوظائف الحكومية
و سجلي بجدارة
و حاولي تستغلي وقتك بتطوير نفسك بمجال الحاسب و اللغه
خذي دورات تنفعك كثييير

و الله يفتحها عليك يا رب