لماذا ليس هناك كاميرات مراقبة داخل الحرم الجامعي ؟؟!

[حنان 90]

السلام عليكم
لاحظت في الفترة الاخيرة ان السرقة زادت !!!؟ بعدين اللي يسرقوا , ياخذوا المحفظة كلها ببطائقها وفلوسها ! يعني مرة قهرر

شخصيا الحمدلله مااتعرضت للسرقة من قبل , بس اعرف طالبات انسرقت اشياءهم

وطبعا بدون كاميرات مراقبة مستحيل الحرامية تتمسك وترجع الاشياء !!

[JODx3]

قبل كم يوم صاحبتي انسرقت محفظتها -_- منجد اش البلاهة والتخلف اللي يصصير
طبعآأ فكرة انو كاميرا وزي كذذا ما اظن تنفع ولا في احد رح يوافق عليهآأ لانو ببساطة ماحد يرضى كل ماراح ولا جا وهو متصور ,,
ف اتمنى يكون في حل لآأنو منجد تعتبر مشككلةة .
موضوع جميل ^^"

[حنان 90]

المشاركة الأصلية كتبت بواسطة JODx3 قبل كم يوم صاحبتي انسرقت محفظتها -_- منجد اش البلاهة والتخلف اللي يصصير طبعآأ فكرة انو كاميرا وزي كذذا ما اظن تنفع ولا في احد رح يوافق عليهآأ لانو ببساطة ماحد يرضى كل ماراح ولا جا وهو متصور ,, ف اتمنى يكون في حل لآأنو منجد تعتبر مشككلةة . موضوع جميل ^^"

مايحتاج الجامعة تاخذ راي احد , اللي مو عاجبه مع السلامة
يعني ايش بيسووا بالاشرطة ؟ ينزلوها في يوتوب ؟
عادي , يسجلوا فوقها كل ما امتلأت و هكذا

غير كذا لا تنسوا ان الجامعة اصلا عندها صور كل الطالبات (اول ماسجلنا رسلنا لهم صور)
غير اصلا لمن تنسي بطاقتك وتروحي الشؤون عشان توقعي ورقة وكذا , المسوؤلة تفتح الprofile تبعك في الكمبيوتر , وتطلع صورة الطالبة

يعني ايش الفرق بين هذا والفيديو ؟!!

[JODx3]

في فرق كبييييير بين صورة شخصية رسمية بالحجاب وفيديو يطلعك بلبسك وشعرك وكل شي ,
وغير انو ماتعرفي التسجيل يجي ف يد مين ولا مين ^^"
عمومآأ هذاآ رآيي من الآخر ,, وما ابغا اطلع عن اطار الموضوع p:
شووكرآآأ .

[coco chanell]

حتى انا اوافق انو يركبوا كاميرا ,, وازا الوحدة انسرق منها شي تروح ويشوفوا الفيديو ويطلعوا مين هيا ويحاسبوها بسرية تامة بين الي انسرقت وسرقت والمشرفة !!!

واللهي حالة انا انسرقت مني نظارة مرررة غالية اشتريتها بألف وخمسمية ريال ماتهنيت فيها انسرقت وهيا جوا شنطتي ودا وانا انشغلت مع صحبتي في الكلام وانا واقفة معاها !!!!!!

وموبس كاميرا للسرقة كمان للحركات الاأخلاقية بين البنات الي بتصير دي

وزا الفيديو مثلا اتنشر حق الجامعة باللهي الوحدة ماحتعرف انو دا الشي طلع من نفس الجامعة ؟؟؟؟ كده الجامعة هيا الي تورط نفسها !!!!

[مملكة عمري]

من جدكم يابنات
حسستوني انو لي سنيييييييين عن الجامعة
معقولة يسرقوا من جوا الشنطة؟!!!
والله الوضع ماكان كذا قبل سنتين

الله المستعان

[rubi]

كميرات كميرات

[شموخ سعوديه]

وعليكم السلام ورحمة الله وبركاته ~

الموضوع يستاهل النقاش ، لكن حلك إن يركبوا كاميرات ما اوافقك أبدن مع إحترامي لك ، وبعدين حتى لو صار ، الجامعه ايش كبرها بيركبوا فين ولا فين !
الحل الوحييد إن كل وحده تنتبه لمحفظتها وأشيائها ،
بنت عمي مرة وهيا تصلي خلت شنطتها بعيد عنها خلصت صلاة ومالقيت الشنطة بكبرها ، بداخلها محفظتها وبطاقتها وفلوسها ،
بعد فترة حصلت شنطتها في "زقاق" ، لكن طبعاً بدون فلوس ،
وبنت عمي الثانية باليوم اللي أستلمت فيه مكافأتها أختفت محفظتها !

منجد شيء يقهر طالبات جامعيات متعلمات بيسرقوا !!
بياكلوا من فلوس حرام !
الله المستعان

[Eva160]

مره شيء صعب مسلمين وبيسرقوا الله يستر.

انا بالصراحه انا ادرس في امريكا ، مافي كاميرات مراقبه بالجامعة اصلا، الحمدلله بعض الاحيان اترك أشيائي في مكتبه المركزيه قسم المهندسين لما اروح دورة المياه الله يكرمكم الحمدلله ولا مره أتسرق شيء مني.

بس ازا سرقوا حاجه ماراح يلاحقوا شيء بس دفاتر واقلام، لانو الاشياء المهمه زي بطاقه الجامعه وكرت البنك والفلوس ومفتاح البيت شايلتهم معايا لابسه زي السلسله
انصح الجميع يسوو زيي يشتروا
" Vera Bradley ID holder"

الله يعينكم

[iRe]

يا الله !
من جد في عالم تسرق؟ يعني ابدا ما اتوقع وحده بالجامعه
متعلمة وفاهمة وقبل كل ذا مسلمة ،، وتسرق !
يعني والله فلوس طبيعي سرقتها ،، لكن نظارة واشياء 2 ،،،تخلف
مع انها مشكله
الا ان حل وضع الكاميرات من اخر الحلول
يعني ايش فايدة الامن ،، والله ياكثر الامن ،، بس العمل الوحيد لهم
تفتيش على بطاقات! <~ المفروض استقبال موب امن