IE 201 _( الألف إلى الياء)

[أبو فيصل]

بسم الله الرحمن الرحيم

شباب حبيت أسوي تشويق للموضوع!!!!!


قريباً
7
7
7
7
7
قريباً؟؟

[خالد]

أهلاً أخي أبوفيصل

الحقيقة أني خلصت المادة قبل فترة لكن أنا في أنتظار موضوعك

وأذا كنت تقصد كل مايخص المادة من كويزات والأعمال والمشروعات
فقد خدمة الطلاب اللي سيستفيدون من هذا الموضوع خدمة عظيمة


وتحياتي الخالصة لك

[أبو فيصل]

هلابك يا أبو خلود
أقصد كل شيء

و أتمنى من الشباب اللي أخذوا IE202
نفس الشيء

[أبو فيصل]

بسم الله الرحمن الرحيم

IE 201 من الألف إلى الياء

شباب ندخل في الموضوع مباشرةً

المادة منقسمة إلى قسمين: 1- concept 2- lab
مكان الدراسة واحد وهو المبنى اللي بين 79 والمكتبة العامة
أيام الدراسة سبت و إثنين و أربعاء
أسبوع concept
وأسبوع lab
موقع المادة:
http://www.IE201.cjb.net
الكتب هية الكتاب الأزرق و الكتاب البرتقالي(الإستراتيجي)
وتراها مصورة في مكتبة الوديان جنوب الكلية
وينباع عند سكرتير قسم الهندسة الصناعية الثنين بــ125 ريال

و ترى الشغله كلها teams
كل team خمس طلاب جلستهم على
طاولة وكراسي مدورة ابسط يا عم!!

concept
يوجد Quizzes هذه الاختبارات حتكون كل سبت وأربعاء
يعني كرف!!!!!!
لا يا شباب لا كرف ولا حاجة
كل اختبار 10 أسئلة اختيارات وتكون في صفحات محددة من 5-12 صفحة
تحاول تقرا بتركيز و تحاول تركز كمان على النقاط بحيث
تحفظ على الأقل كلمة مميزة أو أول كلمة من كل نقطة
لأن الأسئلة 99.99% بالنص "حرفياً" لازم تجيب في ثلاثة
اختبارات فوق 8/10مع الـ journal
عشان تجيب A+
يعني ركز على الاختبار أبو 5 و 6 صفحات

مع كل اختبار يمديك تسلم journal
تقدر تقول ملخص وتحط كمان فيه كم سؤال تقول إنك مافهمت هالنقطة
هذا الـ journal يكون في صفحة واحدة
الملخص شغلته سهل جداً
راجع الملخص اللي نهاية كل باب
واكتب الأمور اللي على شكل نقاط

هذا الـــ journal يساعد في التصحيح

وعندكAssignment 1 مطلوب فيC2-1
وهو تكتب عن تخصصك(أو اللي بتروحله)
ملاحظة: كل الأمور المطلوبة بالانجليزي وتكون
الكتابة بالكمبيوتر وتكون
على شكل سندويتش( مقدمة – عمل – خاتمة )
وعندكAssignment 2 مطلوب في الأخير وهو تافه بس
السندوتش لاتنسوه
وحيكون جماعي وبكذا انتهت نص المادة
بقي أذكر بالمشاركة يعني إذا شغل الدكتور فيديو وقال آرائكم تفتيه
وإذا ناقش مشاكل
الشرق الأدنى كمان تشارك
وبكذا انتهى نص المادة


وندخل في النص الثاني

Lab

المعمل نفس الطريقة بس في شغلات مطلوبة غير الاختبارات
أول شيء يكفي اثنين يكونوا بيشتغلوا أو حتى واحد
بس ترى شغل الخمسة مع بعض حتى لو كانوا ما عندك أحد
يجيب A+ بالراحة

أول شيء يكون في ملف كبير للفريق
أول صفحة المادة، الدكتور و أسامي الشباب الطيبين
ثاني صفحة يكون فيها
ايميل الفريق و رقم افضل واحد في الفريق واسم كل واحد وصورته
و رقم كل واحد (الجامعي و الجوال والإيميل)
الجوال و الإيميل حسب الرغبة!!!!!!

بعد كذا جدول المحتويات انظر المرفقات
الجدول أي شيء ينحط في الملف تروح تكتبه في الجدول في قسمه المخصص له
(يعني الجدول يبيله تحديث على طول بس لا تطبع إلا قبل ما تسلم الملف للدكتور
عشان خساير الحبر
بس تحاول تكتب التحديث بالمرسام مؤقتا)
كمان الجدول يبغاله تقسيم قسم المشروع وقسم للتقييم وقسم للإجتماعات
وقسم INDEX


المطاليب:
1- كل واحد من الشباب يسوي مقابلة مع خويه
يعني خمس مقابلات ( ما ننسى السندوتش )

2- قواعد للفريق يعني أمور تساعد الفريق للأمام
وأمور ترده ورى و للأخيرة تحطوا جزائات مثل عشاء أو خمسين ريال
كلام فاضي!!!!!!!!!!!!!!!!!!!!!!!!!!!!!!!!!!!
شوف المرفقات
بس تراها ناقصة يعني تكملها على نفس الطرقة

بعد كذا في شيء ينقاله process check 1st
كل واحد يقيم خويانه كلهم ويقيم الفريق
يعني يسير عندكم 25 ورقة ولاتنسى السندوتش يعني
القدمة تكتب فيها ايش حتسوي
العمل تحط الـ25 ورقة وتناقشها ثم الخاتمة

وترى في
بعد كذا في شيء ينقاله process check 2nd

نسخ و لصق
زي process check 1st

ملاحظة: الأوراق اللي تقيم فيها خويانك تأخذه من النت



نجي في الدسم ( المشروع )
المشروع مقسم خمس أجزاء
الجزء الأول
مناقشة مشكلة عدم معرفة الطلاب بالصناعة
تناقشها بطرق معينة تكون دارسها و مختبر فيها في الـ concept

الجزء الثاني
تقترح ( أجهزة)
و تصوت للتقليل إلى عدد معين (التصويت بطريقة معينة)
تقترح ( شروط)
و تصوت للتقليل إلى عدد معين (التصويت بطريقة معينة)
تقترح (رغبات)
و تصوت للتقليل إلى عدد معين (التصويت بطريقة معينة)



الجزء الثالث
بعد التقليص تأتي عملية الاختيار بالتحديد
طرق معينة حتستخدمها هنا

الجزء الرابع
تفكيك الجهاز اللي اخترته مع حساب التكلفة

الجزء الخامس
تجميع الجهاز اللي اخترته
مع أضرار الجهاز على البيئة


وهذه هيه المادة من إلى
ملاحـظـــــــــــــــات

هذا الشرح البسيط عشان أبينلك و أساعدك حبيبي
في أخذ فكرة عامة عن المادة

يبقى عليك حبيبي من البداية
تشد حيلك في أول quiz لأنه
حيكون تافه ( توزيع الدرجات كيفية وع الجزائات)

وتحاول تسوي كم اجتماع من بدري و تخلص فيه
المطاليب الاولى (كل شيء ماعدا المشروع) منlab

ملاحظة في شيء اسمو check list
في هذا حيتقيم شغلك
هذا الشيك لست فيها كم شغله قدامها yes or no
يعني المصحح إذا شافك مسوي هالشغلة راح يحطلك yes
غير كذا بيحطلك no

يعني عندما تبدأ أي شغله لازم تطالع الشيك لست
وتسوي المطلوب

الإختبارات حاطها لكم يا حبايب على شكل صور مثلاً 6-1
يعني الإختبار رقم 6 الصفحة رقم 1 وهكذا

وترى التأخير مرفوض و الغياب من باب أولى كذلك
و المشروع كل جزء تسويله PRESENTATION
وحاول تسويها تمام وطريقة العرض يكون كل اللي
كتبته بالورد
تحطه في العرض عشان العرض النهائي
والعرض يكون من غير روابط ولاحركات لأن مالها داعي وتضيع وقت

وترى طريقة الدراسه حتكون كالتالي:
الأسبوع الأول من الدراسة concept C 1
الأسبوع الثاني من الدراسة LAB L 1
الأسبوع الثالث من الدراسة concept C 2
الأسبوع الرابع من الدراسة LAB L 2
وهكذا

وترى طريقة الدرجات معتمدة على شيئين ؟؟؟؟؟؟؟؟
فوق المتوقع (ممتاز)- E-
المتوقع (جيد جداً)- M-
يحتاج إلى تطوير - NI –
الشغل مفقع - NCE –
غبت أو ما سلمت - NS -

وفي شيء اسمه لابز يعني إنذار
تنحط عليك إذا غبت أو سويت رجه أو إذا سأل الدكتور و ما أفتيت
أو كان الــQUIZ ( (NCE
بس لا توصل أربعة إنذارات عليك لأنه فيها DEFECT
وشو ذا الــ DEFECT ؟
هذا اللي يعدم الدرجة حقت المادة إذا وصلت الأربعة
أو حالة ما سلمت الـــ CORRECTIONأو MAKE UP


وترى في الـ QUIZ إذا خذيت NI فيه تعديل ويسمى CORRECTION
وإذا مخبص مرة NCE أو NS تسوي MAKE UP
هذا التعديل يجعل الدرجة تصير M
والطريقة انظر المرفقات

وإذا شغل المعمل NI
أوغيره من هالبلاوي فقط تضيف التعديلات المطلوبة

بقي إن الدرجة النهائية هي درجة الجمع بين
الدرجة النهائية LAB والدرجة النهائية CONCEPT

ودرجة الـ CONCEPTتكون A
إذا عندك ثلاثه E
سواء في الــQUIZES أو ASSINGMENT 1,2
والباقي M

ودرجة الـ CONCEPTتكون A
إذا عندك اثنين E
والباقي M
والـA مع الــA تصير الدرجة النهائية للمادة A+

يعني الوقت واسع بس لا تأجل
وبـــــــــــــــــــالتوفيـــــــــــــــــــــــ ـــــــــــق
أي ملاحظة أو استفسار أو إضافة لا تقصروا يا حبايب

والمرفقات صبركم علينا كم يوم وتنزل

[أبو فيصل]

باقي الــــــ quizes ونكمل الموضوع

وتراها جاهزة

بس صبركم

[veroo]

يعطيك الف عافيه
لو بيدي اعطيك جائزة نوبل لل IE
لاني ان شالله ابغى اخذها هذا الترم
ومعلوماتك بتساعدني

[خالد]

جزاك الله خير

والمعلومات جداً مفيدة وبتفيد الطلاب اللي ماخذوها

تحياتي

[أبو فيصل]

[أبو فيصل]

شباب هذه الــ Quizes

في بعضها ( 4 و10) ناقصة لكن جاتني نزلتها

لكن قصدي من وضع الأسئلة انك تشوف الطريقة و تعرف كيف تذاكر

شباب اللي أخذ المادة " خالد " وأمثالك الطيبين





نبي إضفاتكم


و veroo و أمثاله الحبايب

ما بقي إلا تسمي بالله

وتنزل المادة

والسلام









عليكم

[AbO FahaD]

ياشيخ نتعامل مع دكتور هنا
تسلم اخوي الصراحه مخوفينا من الماده ذي
بس على كلامك انزلها وانا مغمض
>>>>>>>>>>> واحملها وانا مغمض كمان
اشكرك اخوي مره ثانيه