للإحتياط في إختبار القدرات ..

[سدر المنتهى]

السلام عليكم ورحمة الله وبركاته :

أخواتي في الله إحتياطاً لذلك اليوم يوم إختبار القدرات لاتنسوا إحظار وثيقة التخرج الأصل عشان

لما تدخلي الكلية إحتمال يسألوكِ عن الوثيقة .. واحتياط أكثر كمان جيبوا صورة من الأصل ..

وأيضا : أصل بطاقة العآئلة وصورة منها ..

وصورتان لشخصكِ الكريم مقاس 3×4 تقريباً ...

وإيصال صراف الراجحي ..


اعتقد أن هذه الأوراق لن تثقل عليكِ حقيبتك وأخذ الإحتياط والحذر واجب ...


وبالنسبة للعبايات من الأفضل إنكم ماتلبسوها لإنه ممكن الكلية هذه السنة ماتسمح بدخول الإختبار

بالعباية وطبعاً في الكلية ممنوووووووع لبس البنطلون فأحسن إنكِ تصيري نظامية عشان ماتتأخري

عن الإمتحان ..

فقط .. وبالتوفييييييييييق للجمييييييييييييييييييييع ..

ملوحظة : اللي عنده كتاب الفنون والمهارات اللازمة للتفوق في امتحانات القدرات العامه

لمحمد طيب .. يراجع منه القواعد الخاصة بالجزء اللفظي والكمي اللي في بداية الكتاب وبالذات

الكمي ويحاول يستوعبها لإنها مفيدة جداً ..

واتمنى لكم التوفيق في الدنيا والآخرة ..

[عبير الغامدي]

مرحبا شكرا حبيبتي على التوصيات الحلوة بس انا اخاف اجيب الوثيقة الاصل لانه اكيد ماراح ندخل بشنط جو القاعة واخاف تنسرق برة الله لا يقدر وبعدين انا قبل رحت اختبرت في كلية التربية على وظيفة سكرتير خاص ودخلونا ببطاقة الاحوال الاصل بس .... وخلوا شنطنا بره القاعات في الارض عشان كذا اخاف اجيب اوراق مهمة (حرص ولا تخون ) يمكن بطاقة الاحوال تحطيها في جيب التنورة هي والجوال صح وورقة مكتوب فيها رقم الاشتراك !!!!

[MesSsk]

الوثيقة الاصل مستحيل اجيبها .. لانها مو عندي حاليا لكن ممكن اجيب صورة منها
اما اصل كرت العائلة +صورة منه + صورة شخصية + ورقة بكتب فيها رقم الاشتراك في موقع قياس
<<لانه ماعندي ايصال بنك تسديدي كان عن طريق النت


لكن جزاك الله خير على حرصك على اخواتك عزيزتي
والله يكتب لنا التوفيق

[نمله مضيعه]

لا مااعتقد يطالبون بالوثيقه لانه مكتوب بالموقع لكن مايفتح معي بس يفتح بنسخ لكم شروط دخول الاختبار

صح انهم طالبين صوره شخصيه واحده فقط عشان يسوون لك بطاقه دخول للاختبار وطالبين صوره من كرت العايله لو ماكان عندك بطاقه احوال وللاحتياط خذي الايصال وياك

بس اتاكد من الشروط وانسخها لكم


واذا ع الزي افضل تلبسين زي رسمي حق دوام
وللامانه انا كان عندي اختبار بالكليه لدبلوم وبالعصر وقت الاختبار كان الكل مخالف اللي لابسين بناطيل واللي بالعبايه

الله يوفق الجميع يارب

[روح طموحه]

جزاك الله كل خير..

[physmyth]

لما اختبرت الكفايات كانت الشنط معانا

وما كانوا يطلبون شيء غير كرت العائلة والصورة الشخصية أو البطاقة فقط

جزاك الله خير على حرصك وتنبيهاتك

[سدر المنتهى]

اشكر جميييييييييييع من قام بالمرور والردود وجزآكم الله خير الجزآء والدرجات العلى من الجنة
وكنت حريصة فقط عليكم ماأبغى أي شيء يعطلكم أويشتتكم عن الإختبار بس ماأدري عن وضعية الشنط في الخارج ولا في الداخل إذا كان في الخارج امممممممم طيب مايصلح ندخل الوثيقة في ملف معانا الإختبار والله ماأدري الصراحة وجهة نظر في محلها من أختنا عبير الغامدي وباقي الأخوات المهم أنا بس خوفي زي الجامعة أول ماندخل يقولولنا فين الوثيقة لكن على العموم أنتوا على راحتكم بس أهم شيء اللي بيجيبها ويخلي الشنط بره لااااااازم يدخل الوثيقة معاه ويشرح للأستاذات عشان لاتضيع عليكم وتدعوا علي هذا إذا كانت الشنط بره وإذا كانت في الداخل انتهت المشكلة .. وبالتوفييييييييق لكم جميعاً ..

لاتنسوا تجيبوا معاكم جاكيت عشان القاعات باردة كما تفضلت أحد الأخوات .. ومراسيم وبرياه ومساحه ..لاتضحكوا من جد اتكلم عشان لاتقعدوا تشحتوا ويضيع الوقت عليكم ..

بالتوففييييييييييييييييييييييييييييييييييييييييييي يق في الدارين ..

على فكرة أنا بقول عن الكلية أنها لما تدخلي ممكن تسألك عن الوثيقة مش أستاذات القاعة حيطلبوها منك فهمتوا قصدي وشكله الحل الوسط نجيب صورة من أصل الوثيقة

ودمتم في رعاية الله ..

[ام خالـــــد]

القدرات اللي بتتكلموا عنه حق يوم الاحد 1-12 الجاي؟؟؟؟؟؟؟؟؟؟؟؟؟؟؟؟؟؟؟؟؟؟؟

[سدر المنتهى]

المشاركة الأصلية كتبت بواسطة ام خالـــــد القدرات اللي بتتكلموا عنه حق يوم الاحد 1-12 الجاي؟؟؟؟؟؟؟؟؟؟؟؟؟؟؟؟؟؟؟؟؟؟؟

حياكِ الله أختي أم خالد نعم الأحد الجاي 1/12 بإذن الله وبالتوفيييييييييييييق ..