"طال انتظاري" أبيات تصف الحال <<< بقلمي ..

[point given]

السلام عليكم ورحمة الله وبركاته

جمعينا قد ملّ من الوقوف على قارعة الطريق منتظراً أن تلوح بالأفق أضواء باص القبول .. ومع هذا الحال كتبت اليوم أبيات (نبطيّة) قليلة تحكي موقفنا <<< طبعاً للعلم أنا ماني شاعر لكن حالنا طلّع هالابيات غصب ..
7
7
7
7
طال انتظاري والصبر ماله قياس {} واخاف يموت الصبر مع انتظاري
أحدٍ من انتظاره يخاويه هوجـاس {} وأحدٍ احبـاطه مع الشريـان جـاري
وأحدٍ طواه الهم وبالحيل محتاس {} وأحدٍ من الخوف عليه بانت مواري
هذي حـوال اللي مقدّم من النّـاس {} على المـاجـستيـر بـوقتـنـا الجـاري
بعالي الصوت أنادي كل الاجنـاس{} منهـو يجيـب العـلم , والّا طـواري
نبـي علـومٍ تـطـرد الهـم واليـاس {} تـزيـح لـيـلٍ بالـطّمـوحـات ســاري
الله يتمّـم بـالقبـول لكـل هـالنـّاس {} يا واحــدٍ بـكـل الاحــــــوال داري

وربي يكتب للجميع كل ما فيه خير

.. دمتمـ بود ..

[ام الهجر]

صح لسانك واللة يسمع منك ويتم القبول.

[moooj]

بعد اختبار الكم في مركز قياس .... أول شروط الجامعة ويل حالي
قالوا لغة وخبرة وقال هوجاس .... أنا مخاويكم طوال الليالي

[saeer]

صح لسانك

ولا ضـــاقــــت الدنيـا وعلى الكيف ما جــات
اطـلـق احـجاجـك ثــــــم تـــــوكـل عـلى الـله

[ماخفي أعظم؟؟]

هلا أخوي point

بصراحة روعة

وعقبال ما تبشرنا بقبولك يالغلا


والله يكتب التوفيق لجميع المتقدمين إنه ولي ذلك والقادر عليه,,,,,,,,,,,

[عماد الحسن]

حلوة منكم هاذي المساجلة الشعرية ... ودي أشارك معاكم بكم بيت

بس الله يسهل وألاقي الفرصة وأكتب معاكم.

[تيسير]

صح لسااااااااااااااااااانك لكن

وصفت الحال وكنك كتبتني >>وأحدٍ احبـاطه مع الشريـان جـاري<<
ربي يسرويكتب الخيرلناااااااااااااااااااااااااا يارب اسألك الخير

[الصمت حكمة]

دع المقادير تجري في أعنتها ولاتبيتن إلا خالي البال

اذا تاقت نفسك إلى أمر فليكن دعاؤك ( اللهم اكتب لي هذا الأمر إن كان خيرا لي ، واصرفه عني أن كان غير ذلك )

وبعدها نم قرير العين هانيها ..

[ابوو عبدالعزيز]

طارت النقطة وصار الضو بدون قياس .... مثل الجو يوم غيم ويوم صحاوي

ابشرك اللي يصب الماء لازم يرد الكاس .... هذي سنة الخلق وادعي الرب عالي

يكمل المية اللي من الواسطات تنحاس ..... لكن سبقني وسبقهم مكتوب رب الجلالي

هو اللي لانخيته عطااك بدون مقياس ..... يالله عسى كلنا مقبولين ونحقق اماني

[beauty star]

انتظرنا وسهرنا وصابنا صداع بالراس من كثر ما نفكر ونسهر ليالي
يا اخوي ترى هذا كله سبايبه وسواس وهوجاس ومهما طال الوقت القدر مكتوب عند رب العبادي
لا تقول ولا اقول ولا يصيبك الياس الخير مكتوب ولو خابت الأماني
انا ادعي بالقبول ربي لك ولي ولجميع الناس ترى ربي ما يضيع دعائي
في داخلي اكثر واكثر ودي اقوله بس شكواي للواحد الأحد ربي الجلالي

احاول ان اكون معكم , مجرد محاوله