اتمنى الكل يساعدني ويفيدني ,, اسئلة عن الطفوله .. << تعديل موضوع مخالف

[مجنونة بيبي]

السلام عليكم ورحمة الله وبركاته


بنوتات انا بصراحه نزلت المووضوع دا بقسم ملتقى المنتسبين للسنه التحضيريه بس ماوصلت للي ابغاه

قلت ادخل هنا استفيد هنا الخبره كلها برضو ^_^


الموضوع حنسخه وابغا مساعده الله يخليكم واتمنى الاقي الاجابات اللي ابغاها واستفيد


ولكم كتير الشكر ياعسولات



...........

السلام عليكم ورحمة الله وبركاته


لوسمحتو ابغا اسأل عن شي انا ابغاه مو عارفه اوصله وان شاءالله مااتقل على احد..



دحين انا لسه ادرس سنة تحضيريه وانتساب .. وحابه اعرف عن القسم اللي حختاره وابغا اتخصص فيه ..


انا ابغا ادخل كليه التدبير المنزلي قسم مركز الطفوله ..


وابغا اعرف ايش اقل درجه او نسبه عشان انقبل فيها .. وفيها شي لوكنت متخرجه من الثانويه

بس كنت علمي .. والقسم دا للادبي زي ماقريت بس انا ابغاه اقدر ادخله..؟؟!

وكمان ابغا اعرف بعض المعلومات عن القبول في دا القسم ..

الدرجه او النسبه المقبوله .. وانا علمي ممكن يقبلوني فيه..ومتى اختار او احدد التخصص اللي ابغاه

وابغا اعرف كمان اقل نسبه ممكن انقبل بيها بالقسم دا ..


وطبعا انا ححول انتظام ان شاءالله ..وابغا اعرف اقل نسبه اودرجه اقدر احول بيها انتظام كمان..


معليه طولت وكترت اسألتي هع


وبس .. اتمنى الاقي ردود تفيدني بكل اللي ابغاه ..


ومشكورين جميعا ..


..

[مجنونة بيبي]

ومعليه نسيت ابغا اعرف قسم مركز الطفوله هوا نفسه قسم دراسات الطفوله ولالا..؟!


واسفه خلاص اخر مره هع


تشااااو

[ساكنه في بيتنا]

و عليكم السلام و رحمه الله و بركاته

حياك الله يا بنتي ..

اولا => الكليه اسمها اقتصاد منزلي مو تدبير منزلي :) ..
تانيا => التخصص اسمو دراسات طفوله مو مركز الطفوله ..
تالتا => القسم يقبل من 3-3,5 و ممكن تكون النسبة أعلى حسب وضع البنات و شطارتهم :) ..
رابعا => التحويل للانتظام له عدة شروط منها المعدل يكون 3,75 و أعلى << و بعض الأحيان تكوني جايبه المعدل اللي طالبينو و اعلى بس ما يحولوكي .. فخليكي وراهم و زني على راسهم ..
خامسا => ربنا يوفقك و ييسرلك امورك :) ..

آه نسيت أقلك

سادسا => مركز الطفوله هو المركز البحثي التدربي التطبيقي اللي يطبقوا فيه بنات الطفوله في تكاليفهم ..
سابعا => ممكن بنات العلمي يدخلوا أقسام الأدبي لكن العكس لأ ..

[مجنونة بيبي]

يسعدك ربي ياشيخه


ماشاءالله عليكي وضحتي كل شي ربي يحميكي ياعسل


بس حابه استفسر شي بسيط .. ابغاكي تفهميني ايش يعني


مركز الطفوله هو المركز البحثي التدربي التطبيقي اللي يطبقوا فيه بنات الطفوله في تكاليفهم ..



ابغاكي توضحيلي ايش يعني كلامك دا..؟!


واسفه طفشتك وربي هع


يلابرب ياعسل

[ساكنه في بيتنا]

شوفي دا الموقع
http://ccart.kau.edu.sa/Default.aspx?site_id=138&lng=AR

و ان شاء الله تفهمي ايش اقصد بمركز الطفوله ^_^ ..

[مجنونة بيبي]

اوك حبيبتي .. مارا تسلمي والله

يعطيكي العافيه عالمساعده ياسكر..


..

[ساكنه في بيتنا]

يسلمك ربي :)

ربنا يوفقك و يسهل أمورك ..